spot_img
Homeຂ່າວພາຍ​ໃນນັກທ່ອງທ່ຽວເຂົ້າຊົມເມືອງມໍລະດົກໂລກແລ້ວ 3 ແສນກວ່າຄົນ ສ້າງລາຍຮັບກວ່າ 8 ຮ້ອຍຕື້ກີບ

ນັກທ່ອງທ່ຽວເຂົ້າຊົມເມືອງມໍລະດົກໂລກແລ້ວ 3 ແສນກວ່າຄົນ ສ້າງລາຍຮັບກວ່າ 8 ຮ້ອຍຕື້ກີບ

Published on

ຫຼວງພະບາງເມືອງມໍລະດົກໂລກ ໄດ້ກາຍເປັນສະເໜດຶງດູດນັກທ່ອງທ່ຽວຈາກທົ່ວທຸກມຸມໂລກໃຫ້ມາທ່ຽວຊົມທຸກໆລະດູການ ໂດຍໄດ້ສ້າງສີສັນ ໃຫ້ເມືອງມໍລະດົກໂລກບໍ່ມີຍາມງຽບເຫົງາມີບັນຍາກາດຄຶກຄື້ນຕະຫຼອດເວລາ ຊຶ່ງພຽງເຄິ່ງປີເທົ່ານັ້ນມີນັກທ່ອງທ່ຽວເຂົ້າມາທ່ຽວຊົມເຖິງ 3 ແສນກວ່າຄົນສາມາດສ້າງລາຍຮັບໄດ້ກວ່າ 8 ຮ້ອຍຕື້ກີບ.

ທ່ານ ສຸລິິທິບ ໜໍ່ຄູນຜົນ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງຫຼວງພະບາງໃຫ້ຮູ້ບໍ່ ດົນມານີ້ວ່າ: ໃນໄລຍະ 6 ເດືອນຕົ້ນສົກ ປີ 2015-2016 ມີນັກທ່ອງທ່ຽວເຂົ້າມາທ່ຽວຊົມຫຼວງພະບາງທັງໝົດ 324.424 ຄົນ ທຽບໃສ່ໄລຍະດຽວກັນ ຂອງສົກປີຜ່ານມາເພີ່ມຂຶ້ນ 28.843 ຄົນ ເທົ່າກັບ 9,75% ໃນນັ້ນ ເປັນນັກທ່ອງທ່ຽວສາກົນ 238.558 ຄົນ, ນັກທ່ອງທ່ຽວພາຍໃນມີ 85.866 ຄົນ ສາມາດສ້າງລາຍຮັບໄດ້ທັງໝົດ 800 ຕື້ກວ່າກີບ ຫຼື ປະມານ 100 ລ້ານກວ່າໂດລາ.
ປະຈຸບັນພາຍໃນແຂວງຫຼວງພະບາງ ມີແຫຼ່ງທ່ອງທ່ຽວຮອງຮັບນັກທ່ອງທ່ຽວທັງໝົດ 228 ແຫ່ງ ໃນນັ້ນ ມີແຫຼ່ງທ່ອງທ່ຽວທາງດ້ານທຳມະຊາດ 108 ແຫ່ງ, ວັດທະນະທຳ 86 ແຫ່ງ ແລະປະຫວັດສາດ 34 ແຫ່ງ ໂດຍຈຳນວນແຫຼ່ງທ່ອງທ່ຽວດັ່ງກ່າວ ທາງອຳນາດການປົກຄອງແຂວງຫຼວງພະບາງໄດ້ກຳນົດ ແລະຄັດເລືອກເອົາແຫຼ່ງທ່ອງທ່ຽວທີ່ເປັນບຸລິມະສິດສຳຄັນ ຈຳນວນ 20 ແຫ່ງຄື: ຕາດກວາງຊີ, ວັດຊຽງທອງ, ບ້ານຈ່ານ, ບ້ານຊ່າງໄຫ, ວັດຈອມເພັດ, ຖ້ຳຕິ່ງ, ຫໍພິພິທະພັນ, ທາດພູສີ, ຕາດແສ້ ແລະອື່ນໆ.
ນອກນີ້ ບັນດາແຫຼ່ງທ່ອງທ່ຽວດັ່ງກ່າວຍັງສາມາດສ້າງລາຍຮັບເພີ່ມໃຫ້ ແກ່ປະຊາຊົນໃນທ້ອງຖິ່ນກໍຄືປະຊາຊົນ ຢູ່ເຂດອ້ອມແອ້ມແຫຼ່ງທ່ອງທ່ຽວ, ຊຶ່ງໄດ້ສ້າງເງື່ອນໄຂ ແລະສົ່ງເສີມໃຫ້ປະຊາຊົນມີວຽກເຮັດງານທຳ, ກະຕຸກຊຸກຍູ້ໃຫ້ມີການຜະລິດສິນຄ້າ ເພື່ອຮັບໃຊ້ການ ທ່ອງທ່ຽວນັບມື້ຂະຫຍາຍຕົວເປັນຕົ້ນ ແມ່ນການຜະລິດຫັດຖະກຳ, ຫຍິບປັກຖັກແສ່ວ, ຕ່ຳຫູກທໍໄໝ, ຜະລິດເຈັ້ຍສາ, ຊ້ານ້ຳກ້ຽງ, ການປຸງແຕ່ງອາຫານ, ການປູກຝັງ-ລ້ຽງສັດເປັນສິນຄ້າ ກໍມີການຂະຫຍາຍຕົວອັນພົ້ນເດັ່ນແມ່ນ ໄດ້ມີກຸ່ມການລ້ຽງສັດ, ກຸ່ມການປູກພືດຜັກທີ່ສະອາດປອດສານຜິດເພື່ອຮັບໃຊ້ ການທ່ອງທ່ຽວ ຊຶ່ງໄດ້ສ້າງລາຍຮັບທີ່ເປັນຮູບປະທຳໃຫ້ແກ່ປະຊາຊົນນັບມື້ນັບເພີ່ມຂື້ນ.
ຊຶ່ງປະຈຸບັນ ປະຊາຊົນຊາວຫຼວງພະບາງມີລາຍຮັບສະເລ່ຍຕໍ່ຫົວຄົນ 12 ລ້ານກວ່າກີບ ປະມານ 1.532 ໂດລາສະຫະລັດຕໍ່ຄົນຕໍ່ປີ, ໄດ້ເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່ານັບມື້ດີຂຶ້ນ ໂດຍສະເພາະແມ່ນປະຊາຊົນໃນເທສະບານເມືອງຫຼວງພະບາງມີລາຍຮັບສະເລ່ຍຕໍ່ຫົວຄົນແມ່ນຫລາຍກວ່າ 2.000 ໂດລາສະຫະລັດຕໍ່ຄົນຕໍ່ປີ, ເຮືອນຊານບ້ານຊ່ອງທີ່ຢູ່ອາໄສໄດ້ມີການບູລະນະປົວແປງ ແລະກໍ່ສ້າງໃຫ້ມີຄວາມຈົບງາມຂຶ້ນເລື້ອຍໆ.
ພ້ອມດຽວກັນນັ້ນພື້ນຖານໂຄງລ່າງກໍໄດ້ຮັບການກໍ່ສ້າງ ແລະປັບປຸງໃຫ້ມີຄວາມສະດວກສະບາຍ ແລະຈົບງາມເປັນຕົ້ນແມ່ນຢູ່ເຂດທີ I ຂອງມໍລະດົກ ແລະແຫຼ່ງທ່ອງທ່ຽວຫຼາຍແຫ່ງເພື່ອຮອງຮັບການມາຢ້ຽມຢາມ-ທ່ຽວຊົມຂອງນັກທ່ອງທ່ຽວລວມເຖິງເມືອງມໍລະດົກໂລກກໍໄດ້ຮັບການປັບປຸງປົວແປງໃຫ້ມີຄວາມຈົບງາມດີຂື້ນກາຍເປັນສະເໜດຶງດູດການທ່ອງທ່ຽວໃຫ້ມີບັນຍາກາດຄຶກຄື້ນຢູ່ຕະຫຼອດລະດູການ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...