ສຳນັກຂ່າວຕ່າງປະເທດ ລາຍງານໃນວັນທີ 18 ກໍລະກົດຜ່ານມານີ້ວ່າ ທ່ານ ໂຣເບີດ ຟິໂກ ນາຍົກລັດຖະມົນຕີ ສາທາລະນະລັດສະໂລວັກກີ ໄດ້ຢ້ຽມຢາມຫວຽດນາມຢ່າງເປັນທາງການ ລະຫວ່າງວັນທີ 16–19 ກໍລະກົດນີ້ ໂດຍໄດ້ພົບປະກັບ ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ເພື່ອຍົກລະດັບການຮ່ວມມື ດ້ານເສດຖະກິດ ໃຫ້ສູງຂຶ້ນສູ່ລະດັບໃໝ່, ເພີ່ມທະວີວຽກງານສົ່ງເສີມດ້ານການຄ້າ, ການລົງທຶນ ແລະ ສ້າງເງື່ອນໄຂໃຫ້ວິສາຫະກິດທັງສອງປະເທດ ເຊື່ອມຕໍ່ຮ່ວມມືກັນ. ນອກຈາກນັ້ນ, ທັງສອງຝ່າຍ ຍັງເຫັນດີຍູ້ແຮງການຮ່ວມມື ດ້ານປ້ອງກັນຊາດ, ປ້ອງກັນຄວາມສະຫງົບ, ວັດທະນະທຳ ແລະ ການສຶກສາ ອີກດ້ວຍ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!