ຫຼັງຈາກປະທານາທິບໍດີ ເປໂຕຣ ໂປໂຣເຊນໂກ ແຫ່ງຢູເຄຣນ ໄດ້ຖະແຫຼງເມື່ອຕອນຄ່ຳຂອງ ວັນຈັນ 30 ມິຖຸນາຜ່ານມາ

ວ່າຈະບໍ່ຂະຫຍາຍເວລາຢຸດຍິງ ກັບຝ່າຍກອງກຳລັງນິຍົມຣັດເຊຍພາຍໃນປະເທດ, ເຮັດໃຫ້ໃນວັນທີ 1 ກໍລະກົດ ຜ່ານມາ

ນີ້ ກອງທັບຢູເຄຣນໄດ້ນຳໃຊ້ລົດຖັງ ແລະ ເຮືອບິນຖິ້ມລະເບີດ ໂຈມຕີຢ່າງດຸເດືອດຕໍ່ນັກຮົບຜູ້ນິຍົມຣັດເຊຍ.

ເປັນການສູ້ຮົບຄັ້ງຮຸນແຮງທີ່ສຸດໃນເອີລົບ ໃນຮອບເກືອບ 2 ທົດສະວັດ ເຮັດໃຫ້ເກີດຄວາມບໍ່ພໍໃຈຢ່າງທັນທີທັນໃດຈາກ

ປະທານາທິບໍດີວາລາດີເມຍ ປູຕິນ ແຫ່ງສະຫະພາບຣັດເຊຍ ແລະ ກະຕຸ້ນໃຫ້ນາໆຊາດຕ້ອງໄດ້ບືນຕົວຄືນໃໝ່ ສຳລັບ

ຄວາມພະຍາຍາມທີ່ຈະດຶງສະຖານະການ ໃຫ້ກັບມາຢູ່ພາຍໃຕ້ການຄວບຄຸມອີກຄັ້ງ.

ປະທານາທິບໍດີ ເປໂຕຣ ໂປໂຣເຊນໂກ ໃຫ້ໄດ້ເຫດຜົນວ່າ ພວກນັກຮົບນິຍົມຣັດເຊຍ ໄດ້ອີງອາໄສເວລາຂອງການຢຸດຍິງຜ່ານ

ມາ ເພື່ອຈັດຕັ້ງແນວຮົບຂຶ້ນໃໝ່ ແລະ ລັກລອບລະດົມອາວຸດໜັກມາຈາກຣັດເຊຍ, ດ້ານໂຄສົກກະຊວງປ້ອງກັນປະເທດ

ຂອງຢູເຄຣນບອກວ່າ ໄດ້ເປີດປະຕິບັດການບຸກໂຈມຕີທາງອາກາດ ແລະ ຖະຫຼົ່ມດ້ວຍປືນໃຫຍ່ໃນແນວເຂດແດນທາງພາກ

ຕາເວັນອອກ ອັນເປັນຖິ່ນຖານຂອງປະຊາກອນກ່ວາ 7 ລ້ານຄົນ ເຊິ່ງສ່ວນໃຫຍ່ປາກພາສາຣັດເຊຍ.

ດ້ານຣັດເຊຍ ກໍໄດ້ອອກມາສະແດງຄວາມວິຕົກກັງວົນໃນທັນທີ ໂດຍປະທານາທິບໍດີປູຕິນ ບອກວ່າ ທ່ານໂປໂຣເຊນໂກ

ຕ້ອງໄດ້ຮັບຜິດຊອບຕໍ່ເຫດຄວາມສູນເສຍໃດໆກໍຕາມ ທີ່ຈະເກີດຂຶ້ນໃນອານາຄົດ ແລະ ກະຊວງການຕ່າງປະເທດຣັດເຊຍ

ກ່າວວ່າ ລັດຖະບານຢູເຄຣນ ຈຳເປັນຕ້ອງຊີ້ແຈງຕໍ່ການກໍ່ອາຊະຍາກຳ ກັບພົນລະເຮືອນຜູ້ຮັກສັນຕິ, ເຖິງຢ່າງໃດກໍຕາມ

ກະຊວງການຕ່າງປະເທດຂອງຝຣັ່ງ ປະກາດວ່າ ຊາດຕາເວັນຕົກຈະບໍ່ລະຄວາມພະຍາຍາມ ໃນການຫາທາງອອກຢ່າງຖາ

ວອນຂອງວິກິດການດັ່ງກ່າວນີ້.

ບັນດາເຫຼົ່າຜູ້ນຳຂອງຝ່າຍນັກຮົບນິຍົມຣັດເຊຍ ທີ່ຕໍ່ສູ້ເພື່ອຕ້ອງການແບ່ງແຍກດິນແດນ ໄປຮວມເຂົ້າກັບຣັດເຊຍ ແລະ ອີກ

ຝ່າຍໜຶ່ງທີ່ຕໍ່ສູ້ຕ້ານຄືນ ເພື່ອຮັກສາອຳນາດຂອງຢູເຄຣນໄວ້ນັ້ນ ຕ່າງກໍລາຍງານວ່າ ເກີດເຫດປະທະກັນຢ່າງໜັກໜ່ວງ

ທັງຍິງປືນໃຫຍ່ ແລະ ການຖິ້ມລະເບີດຈາກເຮືອບິນ ທົ່ວເຂດແຂວງລູກາດ ແລະ ໂດເນດ ຕາມແນວຊາຍແດນຂອງຣັດເຊຍ

ເຊິ່ງເປັນເຂດທີ່ໝັ້ນຂອງຝ່າຍຕ້ອງການແບ່ງແຍກດິນແດນ.  ອຳນາດການປົກຄອງທ້ອງຖິ່ນແຂວງໂດເນດ ເຊິ່ງເປັນພັນ

ທະມິດກັບລັດຖະບານຣັດເຊຍ ບອກວ່າມີພົນລະເຮືອນ 4 ຄົນ ເສຍຊີວິດ ແລະ ໄດ້ຮັບບາດເຈັບ 5 ຄົນ ຈາກເຫດລົດເມຖືກ

ຍິງໂຈມຕີໃກ້ເມືອງຄຣາມາຕັອກ ພ້ອມທັງລະບຸວ່າ ທ້ອງຖະໜົນເປັນອັນຕະລາຍເກີນໄປ ສຳລັບການເດີນທາງ ແລະ ໄດ້ມີ

ການລະງັບເສັ້ນທາງເດີນລົດເມລະຫວ່າງເມືອງໄປແລ້ວຫຼາຍສາຍ.  ຊາວບ້ານຫຼາຍຄົນໃນເມືອງຄຣາມາຕັອກ ບອກວ່າ

ກະສຸນປືນໃຫຍ່ໃນຕອນເວົ້າມື້ດຽວກັນ ໄດ້ເຮັດໃຫ້ມີຜູ້ເສຍຊີວິດ 5 ຄົນ ໃນຂະນະທີ່ທັງສອງຝ່າຍໃຊ້ອາວຸດທຸກຢ່າງທີ່ມີ

ກວາດລ້າງສັດຕູ, ຜູ້ເຫັນເຫດການລາຍງານວ່າ ມີລົດຖັງຄັນໜຶ່ງເຂົ້າຮ່ວມຕໍ່ສູ້ ໃກ້ກັບເມືອງຄາລີບກາ ຂອງແຂວງໂດເນດ

ແລະ ມີການປະທະກັນຢ່າງດຸເດືອດ ທີ່ໝູ່ບ້ານມາຣິອິນກາ ໃນເຂດໃກ້ຄຽງກັນ.

ການຕັດສິນໃຈຫວນຄືນສູ່ຄວາມຂັດແຍ່ງ ຂອງທ່ານ ໂປໂຣເຊນໂກ ມີຂຶ້ນຫຼັງຈາກຜູ້ນຳຝຣັ່ງ ແລະ ເຢຍລະມັນ ຮ່ວມຫາລື

ທາງໄກກັບ ປູຕິນ, ໂດຍທັງສາມຄົນເຫັນພ້ອມກັນວ່າ ທ່ານ ໂປໂຣເຊນໂກ ຄວນທີ່ຈະຂະຫຍາຍເວລາຢຸດຍິງອອກໄປອີກ

ເພື່ອເປີດໂອກາດໃຫ້ມີການເຈລະຈາ,  ແຕ່ການຫາລືດັ່ງກ່າວກໍບໍ່ໄດ້ຮັບໝາກຜົນ ທີ່ຈະສາມາດຢຸດຢັ້ງບໍ່ໃຫ້ເກີດການສູ້ຮົບ

ຂຶ້ນອີກ ເຖິງແມ່ນວ່າການສູ້ຮົບໄດ້ຍືດເຍື້ອເປັນເວລາກ່ວາ  11 ອາທິດຜ່ານມາ ເຮັດໃຫ້ຊາວບ້ານເສຍຊີວິດໄປແລ້ວ 450 ຄົນ.

ປະທານາທິບໍດີ ໂປໂຣເຊນໂກ ບອກກັບຜູ້ນຳທັງ 3 ປະເທດນັ້ນວ່າ ພວກກຸ່ມແບ່ງແຍກດິນແດນ ໄດ້ໂຈມຕີຈຸດກວດກາຂອງ

ຢູເຄຣນ ຫຼາຍກ່ວາ 100 ຄັ້ງ ໃນລະຫວ່າງການຢຸດຍິງ, ແຕ່ພວກແບ່ງແຍກດິນແດນ ກໍໄດ້ໂຕ້ຕອບຄືນອີກວ່າ ເປັນກອງກຳ

ລັງຂອງລັດຖະບານເອງ ທີ່ຍັງຄົງຍິງຈະຫຼວດຖະຫຼົ່ມເມືອງຕ່າງໆ ທີ່ຢູ່ພາຍໃຕ້ການຄວບຄຸມຂອງພວກເຂົາ ໃນໄລຍະເວລາທີ່

ຢຸດຍິງຢ່າງເປັນທາງການ.