ກ່ອນໜ້ານີ້ເຮົາໄດ້ຂຽນຂ່າວກ່ຽວກັບໂທລະສັບມືຖືທີ່ຄ້າຍໆກັນກັບ Mate 8 ນັ້ນກໍຄື Huawei Maimang 5 ແລະຈະເປີດໂຕໃນຊ່ວງເດືອນກໍລະກົດນີ້. ມາໃນມື້ນີ້ເອງໂທລະສັບລຸ້ນດັ່ງກ່າວກໍເປີດໂຕອອກມາຢ່າງເປັນທາງການແລ້ວ ແລະກໍເປັນລຸ້ນໜຶ່ງທີ່ຈະເຂົ້າມາເຮັດຕະຫຼາດສະມາດລະດັບກາງລຸ້ນໃໝ່. ແຕ່ເຖິງຢ່າງໃດກໍຕາມລຸ້ນດັ່ງກ່າວຈະບໍ່ຄືກັນກັບທີ່ Huawei ເປີດໂຕໃນປີນີ້ ເພາະວ່າ Maimang 5 ຈະມາພ້ອມກັບຊິບ Snapdragon 625 (ຂ່າວກ່ອນໜ້ານີ້ບອກວ່າ SD 652) ແລະຈະເປັນລຸ້ນລະດັບກາງລຸ້ນໜຶ່ງທີ່ບໍ່ໄດ້ໃຊ້ຊິບປະມວນຜົນ Kirin.
ໃນທາງດ້ານຂອງ Maimang 5 ແມ່ນຈະໃຊ້ວັດສະດຸແບບໂລຫະຕັດຂອບດ້ວຍເພັດ ໂຕເຄື່ອງນັ້ນມີຂະໜາດຄວາມໜາປະມານ 7.3 ມມ ແລະ ໜັກປະມານ 167 ກຣາມ. ໜ້າຈໍຂະໜາດ 5.5 ນິ້ວ, ຄວາມລະອຽດ FullHD (1920 x 1080 ພິກເຊວ) ແລະມາພ້ອມກັບຈໍໂຄ້ງ 2.5D. ໃນທາງດ້ານຫຼັງຂອງໂຕເຄື່ອງແມ່ນຈະມີເຊັນເຊີ້ສະແກນນິ້ວມື 3D (ຕົ້ນຂຽນ 3D).
ທາງດ້ານຮາດແວຣ໌ Maimang 5 ມາພ້ອມກັບຊິບ Snapdragon 625 ຄວາມແຮງຢູ່ທີ່ 2GHz ພ້ອມກັບ RAM 3GB + ROM 32GB ແລະ RAM 4GB + ROM 64GB. ສ່ວນທາງດ້ານຫຼັງຂອງໂຕເຄື່ອງແມ່ນຈະມີກ້ອງຫຼັງຄວາມລະອຽດ 16 ລ້ານພິກເຊວ ເຊັນເຊີ້ Sony IMX298 ນອກນີ້ກໍມາພ້ອມກັບ 3 axis OIS, ແຟລັດຄູ່ໂທນ, ເລນ 6P, PDAF ແລະ Hybrid AF. ໃນຂະນະທີ່ກ້ອງໜ້າໃຫ້ມາ 8 ລ້ານພິກເຊວ ພ້ອມກັບຄ່າ f/2.0 ແລະ beauty 2.0 (ໜ້າຈະເປັນໂໝດກ້ອງແບບບິວຕີ້).
ທາງດ້ານຊ໋ອບແວຣ໌ມາພ້ອມກັບລະບົບ Android 6.0 Marshmallow ຄອບດ້ວຍ EMUI 4.1. ຄຸນສົມບັດອື່ນໆກໍມີ 4G+, ຮອງຮັບ 2 ຊິມສະແຕນບາຍທັງສອງ, ແລະພອຣ໌ດ USB Type-C. ສ່ວນແບັດເຕີຣີໃຫ້ມາ 3340mAh ແລະດ້ວຍການຜະລິດແບບ 14 ນມ ຂອງຊິບເຊັດ 625 ເຊິ່ງຈະຊ່ອຍໃຫ້ແບັດເຕີຣີອຶດຂຶ້ນຫຼາຍເທົ່າເລີຍ.
ສຳລັບໂທລະສັບລຸ້ນນີ້ແມ່ນຈະຂາຍຜ່ານ JD.com, Huawei mall, Lynx store ແລະ Suning. ສຳລັບລາຄາແມ່ນດັ່ງນີ້:
- Huawei Maimang 5 ລຸ້ນທີ່ມາພ້ອມກັບ RAM 3 GB + ROM 32 GB ຢູ່ທີ່ 2399 ຢວນ (2.900.000 ກີບ)
- Huawei Maimang 5 ລຸ້ນທີ່ມາພ້ອມກັບ RAM 4 GB + ROM 64 GB ຢູ່ທີ່ 2599 ຢວນ (3.145.000 ກີບ)
ທີ່ມາ:gizmochina,ເດັກລາວ