ກະຊາຍ ເປັນພືດຊະນິດໜຶ່ງທີ່ມີຄຸນປະໂຫຍດຫລາຍ ຄວນຈະຫາມາປູກໄວ້ຂ້າງໆບ້ານ. ເມື່ອນຳກະຊາຍມາປັ່ນ ຈະມີວິຕາມິນ ຊີ, ບີ1, ບີ3, ບີ6 ແລະແຄນຊຽມ ເມື່ອດື່ມຈະເຮັດໃຫ້ :
- ຊ່ວຍບຳລຸງເສັ້ນເອັນໃຫ້ແຂງແຮງ ກະດູກບໍ່ຜ່ອຍ.
- ຊ່ວຍບຳລຸງຕັບ, ໝາກໄຂ່ຫລັງໃຫ້ແຂງແຮງ, ເບິ່ງແຍງລະບົບໝຸດລູກ, ຮັງໄຂ່, ພົກຍ່ຽວ.
- ຊ່ວຍບຳລຸງຫົວໃຈ ຊ່ວຍໃຫ້ລະບົບກ້າມເນື້ອຫົວໃຈແຂງແຮງ ເຕັ້ນສະໝໍ່າສະເໝີ ຊ່ວຍໃຫ້ເລືອດໄຫລວຽນໄປລ້ຽງຫົວໃຈດີຂຶ້ນ.
- ຊ່ວຍຟື້ນຟູຕ່ອມໄຮ້ທໍ່ຕ່າງໆ ເຊັ່ນ ຕ່ອມໄທຣອຍ ຕ່ອມໃຕ້ສະໝອງ ຕ່ອມໝວກໝາກໄຂ່ຫລັງ ແລະຕັບອ່ອນ.
- ຊ່ວຍປັບສົມດຸນຂອງຮໍໂມນເພດຍິງ ຄື ແອດສະໂຕເຈນ ແລະຮໍໂມນເພດຊາຍຄື ເທດໂທດສະເຕີ
ໂຣນ ເຊິ່ງມີຢູ່ໃນຮ່າງກາຍຂອງທຸກໆຄົນ ບໍ່ວ່າຜູ້ຊາຍຫລືຜູ້ຍິງ ຖ້າຜູ້ຍິງມີຮໍໂມນເພດຍິງໃນໂຕຫລາຍເກີນໄປກໍອາດຈະເປັນມະເຮັງເຕົ້ານົມ ຫລືມີນ້ອຍໄປ ກໍອາດຈະເປັນມະເຮັງປາກໝຸດລູກ ສ່ວນຜູ້ຊາຍນັ້ນ ນ້ຳກະຊາຍຈະຊ່ວຍຄຸມບໍ່ໃຫ້ຕ່ອມລູກໝາກໃຫຍ່.
- ຊ່ວຍບຳລຸງສະໝອງ ຊ່ວຍໃຫ້ເລືອດໄຫລວຽນໄປລ້ຽງສະໝອງສ່ວນກາງດີຂຶ້ນ ຖ້າກິນຄູ່ກັບໃບຜັກໜອກ ຈະບຳລຸງສະໝອງໄດ້ໂດຍກົງ ຕ້ອງກິນເປັນປະຈຳເພື່ອປ້ອງກັນຄວາມຈຳເສື່ອມ.
- ປັບຄວາມດັນເລືອດໃຫ້ພໍດີ ບໍ່ໃຫ້ສູງ ຫລືຕໍ່າຫລາຍເກີນໄປ.
- ກິນນ້ຳກະຊາຍເປັນປະຈຳ ຊ່ວຍໃຫ້ເສັ້ນຜົມບໍ່ຫງອກງ່າຍກ່ອນໄວ ເລັບມື ເລັບຄີນ ແຂງແຮງ.
- ຊ່ວຍຂັບນ້ຳຄາວ ສຳລັບຜູ້ຍິງຫລັງຄອດລູກ.