ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດນີ້ວ່າ ໄຕ້ຫວັນໄດ້ສົ່ງກຳປັ່ນທະຫານລຳໜຶ່ງ ເຂົ້າໄປເກາະໄທປິງ ຊຶ່ງອ້າງກຳມະສິດໂດຍໄຕ້ຫວັນ ໃນເຂດໝູ່ເກາະສະແປຣດລີ ໃນທະເລຈີນໃຕ້ ເພື່ອປົກປ້ອງອະນາເຂດທາງທະເລຂອງຕົນ ຫລັງຈາກໜຶ່ງວັນທີ່ ສານອະນຸຍາໂຕຕຸລາການລະຫວ່າງປະເທດ ໄດ້ຕັດສິນວ່າ ຈີນບໍ່ມີສິດທາງປະຫວັດສາດ ໃນການຄອບຄອງພື້ນທີ່ທະເລຈີນໃຕ້ທັງໝົດ, ເຂົ້າຮ່ວມໃນພິທີສົ່ງກຳປັ່ນລຳດັ່ງກ່າວນີ້ໂດຍ ທ່ານ ນາງ ໄຊ່ ອິງເຫວິນ ປະທານາທິບໍດີຂອງໄຕ້ຫວັນ.
ລັດຖະບານໄຕ້ຫວັນລະບຸວ່າ ຄຳຕັດສິນນີ້ບໍ່ອາດສາມາດຍອມຮັບໄດ້ຢ່າງສິ້ນເຊີງ ແລະ ບໍ່ມີອຳນາດຜູກມັດທາງກົດໝາຍ ເນື່ອງຈາກສານອະນຸຍາໂຕຕຸລາການ ບໍ່ໄດ້ເຊີນໄຕ້ຫວັນເຂົ້າຮ່ວມ ໃນການພິຈາລະນາຄະດີນີ້, ພ້ອມກັນນັ້ນ ກະຊວງປ້ອງກັນປະເທດໄຕ້ຫວັນ ຍັງໄດ້ອອກມາປະກາດອີກວ່າ ຈະປ້ອງກັນອານາເຂດ ແລະ ອຳນາດອະທິປະໄຕຂອງໄຕ້ຫວັນຢ່າງແຂງແຮງ ໂດຍໄຕ້ຫວັນຈະບໍ່ປ່ຽນແປງ ການອ້າງສິດໃນນ່ານນ້ຳຍຸດທະສາດແຫ່ງນີ້ ເພາະຄຳຕັດສິນດັ່ງກ່າວ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!