ແຈ້ງຂ່າວຈາກວັດຫຼວງ ເມືອງປາກເຊ ແຂວງຈຳປາສັກ ໃຫ້ຮູ້ວ່າ ພະອາຈານໃຫຍ່ ຈິດສະແຫວງ ຄຳພິລະປັນຍາ ຮອງປະທານ ອົງການພຸດທະສາດສະໜາສຳພັນ ແຂວງຈຳປາສັກ ໄດ້ເຖິງແກ່ມໍລະນະພາບແລ້ວ ໃນມື້ນີ້ ວັນຈັນ ວັນທີ 11 ກໍລະກົດ 2016 ດ້ວຍພະຍາດຂອງທ່ານເອງ. ລວມອາຍຸໄດ້ 58 ປີ ແລະບວດໄດ້ 35 ພັນສາ.
ປັດຈຸບັນສະລີລະຂອງເພິ່ນໄດ້ ຕັ້ງບຳເພັນກຸສົນໄວ້ທີ່ວັດຫຼວງ ເມືອງປາກເຊ ແຂວງຈຳປາສັກ. ສ່ວນວັນຊາປະນະກິດສົບ ຈະແຈ້ງໃຫ້ຊາບອີກເທື່ອໜຶ່ງ.
