spot_img
Homeຂ່າວທ້ອງຖິ່ນເປີດ​ຫ້ອງ​ວາງ­ສະ­ແດງ​ຊີ­ວິດ ແລະ​ ພາ­ລະ­ກິດ​ປະ­ຕິ­ວັດຂອງ ທ່ານ ສີ​ສົມ​ພອນ ລໍ​ວັນ​ໄຊ

ເປີດ​ຫ້ອງ​ວາງ­ສະ­ແດງ​ຊີ­ວິດ ແລະ​ ພາ­ລະ­ກິດ​ປະ­ຕິ­ວັດຂອງ ທ່ານ ສີ​ສົມ​ພອນ ລໍ​ວັນ​ໄຊ

Published on

 

ດ້ວຍ​ຜົນ­ງານ ແລະ ຄຸນ­ງາມ­ຄວາມ­ດີ​ອັນ​ໃຫຍ່​ຫຼວງ​ທີ່​ມີ​ຕໍ່​ພາ­ລະກິດ​ປະ­ຕິ­ວັດ, ຮັບ​ໃຊ້​ປະ­ເທດ​ຊາດ ແລະ​ປະ­ຊາ­ຊົນ​ລັດ­ຖະ­ບານ ກໍ​ຄື​ແຂວງບໍ​ລິ​ຄຳ​ໄຊ ໄດ້​ຈັດ​ພິ­ທີ​ເປີດ​ຫ້ອງ​ວາງ­ສະ­ແດງ​ຊີ­ວິດ ແລະ​ພາ­ລະ­ກິດ​ປະ­ຕິ­ວັດ​ຂອງ​ທ່ານ ສີ​ສົມ​ພອນ ລໍ​ວັນ​ໄຊ ຢູ່​ໃນ​ຖ້ຳ​ຈຳ­ລອງ​ຫໍ​ພິ​ພິ​ຕະ​ພັນ ທ່ານ ສີ​ສົມພອນ ລໍ​ວັນ​ໄຊ ຂຶ້ນ​ໃນ​ວັນ​ທີ 7 ກໍ­ລະ­ກົດ​ນີ້ ໂດຍ​ເປັນ​ກຽດ​ເຂົ້າ​ຮ່ວມ​ຂອງ ທ່ານ ກອງ​ແກ້ວ ໄຊ​ສົງ­ຄາມ ເຈົ້າ­ແຂວງ​ບໍ​ລິ​ຄຳ​ໄຊ, ທ່ານ ສີງ​ທອງ ສີງ​ຫາ​ປັນ­ຍາ ຮອງ​ຫົວ­ໜ້າ​ຄະ­ນະ​ຮັບ­ຜິດ­ຊອບ​ພິ​ພິ​ຕະ​ພັນ ທ່ານ ໄກ­ສອນ ພົມ­ວິ­ຫານ, ມີ​ບັນ­ດາ​ການ​ນຳຂັ້ນ​ແຂວງ, ເມືອງ, ຫົວ­ໜ້າ​ພະ­ແນກ­ການ, ນາຍŒພົນ­ທະ­ຫານ, ນາຍŒພົນ​ຕຳ­ຫຼວດ ແລະ​ຍາດ­ຕິ​ພີ່­ນ້ອງ​ຂອງ ທ່ານ ສີສົມ​ພອນ ລໍ​ວັນ​ໄຊ ຕະ­ຫຼອດ​ຮອດ​ພະ­ນັກງານ​ລັດ­ຖະ­ກອນ​ພາຍ​ໃນ​ແຂວງ​ບໍ​ລິ​ຄຳໄຊ​ເຂົ້າ​ຮ່ວມ.

ທ່ານ ບຸນ​ມາ ບຸ​ຈະ­ເລີນ ຮອງ​ເຈົ້າແຂວງ​ບໍ​ລິ​ຄຳ​ໄຊ​ໄດ້​ຂຶ້ນ​ກ່າວ​ເປີດ​ຫ້ອງ​ວາງ­ສະ­ແດງ ຊຶ່ງ​ມີ​ບາງ​ຕອນ​ວ່າ: ທ່ານ ສີ​ສົມ​ພອນ ລໍ​ວັນ​ໄຊ ແມ່ນ​ພະ­ນັກ­ງານ​ທີ່ ໄດ້​ເຕີບ​ໃຫຍ່​ຂຶ້ນ​ໃນ​ຂະ​ບວນ​ການ​ຕໍ່­ສູ້​ປະ­ຕິ­ວັດ​ຂອງ​ມະ­ຫາ­ຊົນ ແລະ​ໄດ້​ຜ່ານ​ການ​ທົດ​ສອບ​ອັນ​ຂ້ຽວ­ຂາດ​ມາ​ບໍ່​ຈັກ​ວ່າ​ເທົ່າ­ໃດ ຈະ​ຖືກ​ສັດ­ຕູ​ຈັບ​ກຸມ, ຖືກ​ທຸບ​ຕີ​ທໍ­ລະ­ມານ​ແຕ່​ກໍ​ບໍ່​ໄດ້​ເຮັດ​ໃຫ້​ເພິ່ນ​ເກີດ​ຄວາມ​ທໍ້­ຖອຍ​ໝົດ​ກຳ­ລັງ​ໃຈ​ແລ້ວ​ປະ­ລະ​ອຸ­ດົມ​ຄະ­ຕິ​ປະ­ຕິ­ວັດ​ແຕ່​ຢ່າງ­ໃດ, ກົງ­ກັນ­ຂ້າມ​ມັນ​ພັດເປັນ​ການ​ຊຸບ​ຫຼໍ່​ເພິ່ນ​ໃຫ້​ກາຍ­ເປັນ​ນັກ­ຮົບ​ປະ­ຕິ­ວັດ​ຜູ້​ຮັກ​ຊາດ​ທີ່​ມີ​ຄວາມ​ເດັດ­ດ່ຽວ​ໜຽວ​ແໜ້ນ.

ດ້ວຍ​ຜົນ­ງານ ແລະ​ຄຸນ­ງາມ­ຄວາມ­ດີອັນ​ໃຫຍ່​ຫຼວງ​ທີ່​ມີ​ຕໍ່​ພາ­ລະ­ກິດ​ປະ­ຕິ­ວັດ, ຮັບ​ໃຊ້​ປະ­ເທດ​ຊາດ ແລະ​ປະ­ຊາ­ຊົນລັດ­ຖະ­ບານເວົ້າ​ສະ­ເພາະ​ແຂວງບໍ​ລິ​ຄຳ​ໄຊ ຈິ່ງ​ໄດ້​ຈັດ​ຕັ້ງ​ວາງ­ສະ­ແດງ​ຮູບ​ພາບ​ທີ່​ຫ້ອງ​ວາງ­ສະ­ແດງ​ຊີ­ວິດ ແລະ​ພາ­ລະ­ກິດ​ປະ­ຕິ­ວັດ​ຂອງທ່ານ ສີ​ສົມ​ພອນ ລໍ​ວັນ​ໄຊ ຢູ່​ໃນ
ຖ້ຳ​ຈຳ­ລອງ​ຫໍ​ພິ​ພິ​ຕະ​ພັນ ທ່ານ ສີ​ສົມ ພອນ ລໍ​ວັນ​ໄຊ ໂດຍ​ປະ­ກອບ​ມີ​ບັນ­ດາ​ຮູບ​ພາບ, ເອ­ກະ­ສານ, ວັດ­ຖຸ​ພັນ​ຈຳ­ນວນ​ເກືອບ 200 ກວ່າ​ຢ່າງ ທີ່​ສະ­ແດງ​ເຖິງ​ບັນ­ດາເຫດ­ການ​ອັນ​ສຳ­ຄັນ, ໂດດ​ເດັ່ນ, ເລິກ­ເຊິ່ງ ແລະ​ປະ​ທັບ​ໃຈ​ທີ່​ສະ­ທ້ອນ​ສ່ອງ​ແສງ​ໃຫ້​ເຫັນ​ວິ­ວັດ​ແຫ່ງ​ການ­ເຄື່ອນ­ໄຫວ​ພາ­ລະ­ກິດ​ປະ­ຕິ­ວັດ ແລະ​ວິ­ລະ​ກຳ​ອັນ​ລ້ຳ​ເລີດຂອງ​ທ່ານ ທີ່​ລະ​ອິດ​ລະ​ອ້ຽວ​ເພື່ອ​ເຮັດ​ສຳ ເລັດ​ການ​ປະ­ຕິ­ວັດ​ກອບ​ກູ້​ເອ­ກະ­ລາດ, ອິດ­ສະ­ຫຼະ­ພາບ ແລະ​ຜືນ​ແຜ່ນ­ດິນ​ອັນ​ຄົບ​ຖ້ວນ ຂອງ​ຊາດ​ລາວ​ເຮົາ ກໍ​ຄື​ຜົນ­ງານ​ອັນ​ໃຫຍ່ ຫຼວງ​ສຳ­ຄັນ​ຂອງ​ພັກ, ຂອງ​ລັດ​ທີ່​ໄດ້​ກຳນົດ​ຍຸດ​ທະ​ສາດ, ນະ­ໂຍ­ບາຍ​ອັນ​ຖືກ­ຕ້ອງ ແລະ​ຊີ້​ນຳŒນຳ­ພາ​ປະ­ຊາ­ຊົນ​ລາວ​ບັນ­ດາ­ເຜົ່າ​ຈັດ​ຕັ້ງ​ປະ­ຕິ­ບັດ​ແຕ່​ລະ​ໄລ­ຍະ​ຂອງ​ປະ­ຫວັດ­ສາດ​ໂດຍ​ມີ​ຜົນ­ສຳ­ເລັດ​ເປັນ​ກ້າວໆມາ ແລະ​ນຳ​ເອົາ​ປະ­ເທດ​ເຮົາ​ກ້າວ​ຂຶ້ນ​ສູ່​ຄວາມ​ຈະ­ເລີນ​ຮຸ່ງ­ເຮືອງ​ສີ­ວິ­ໄລ ແລະ​ຍຸ­ຕິ​ທຳ​ມາ​ເຖິງ​ທຸກ​ວັນ​ນີ້.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຜົ້ງສາລີ, ຫົວພັນ ແລະ ຊຽງຂວາງ ອາກາດໜາວສຸດ ອຸນຫະພູມຕໍ່າສຸດຢູ່ທີ 07 ອົງສາ ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ພະຍາກອນອາກາດ ວັນທີ 24 ມັງກອນ 2026

ພະຍາກອນອາກາດ ວັນທີ 24 ມັງກອນ 2026ມວນອາກາດໜາວເຢັນ ຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງປານກາງ ຫາ ແຮງ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຈະເຢັນ ຫາ ໜາວເຢັນຢູ່ໃນແຕ່ລະພາກ, ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກເໜືອ...

ອັນຕະລາຍກວ່າໂຄວິດ-19 ອິນເດຍສັ່ງກັກໂຕກຸ່ມສ່ຽງຈໍານວນ 100 ຄົນ ເພື່ອເຝົ້າລະວັງ ໄວຣັດນິປາ (Nipah) ມີອັດຕາການເສຍຊີວິດ ສູງເຖິງ 40%-75%

ສຳນັກຂ່າວຕ່າງປະເທດລາຍງານໃນ ວັນທີ 23 ມັງກອນ 2026 – ມີລາຍງານວ່າ ລັດຖະບານອິນເດຍ ປະກາດເລັ່ງດຳເນີນການສະກັດກັ້ນການແຜ່ລະບາດຂອງ ໄວຣັດນິປາ (Nipah virus) ຢ່າງເຂັ້ມງວດ ພາຍຫຼັງກວດພົບຜູ້ຕິດເຊື້ອ...

ຫຸ່ນຍົນຈາລະຈອນ ຈີນນຳໃຊ້ຫຸ່ນຍົນຈະລາຈອນ ໃນການປະຕິບັດໜ້າທີ່ແທນຄົນ ຊ່ວຍຫຼຸດພາລະໃຫ້ແກ່ທາງເຈົ້າໜ້າທີ່

ສຳນັກຂ່າງຕ່າງປະເທດລາຍງານວ່າ ເມື່ອບໍ່ດົນມານີ້ ຢູ່ນະຄອນອູ່ຫູ, ທາງພາກຕາເວັນອອກຂອງປະເທດຈີນ. ໄດ້ນຳຫຸ່ນຍົນຕຳຫຼວດຈະລາຈອນອັດສະລິຍະ ໂຣໂບຄອບ ຫຼື R001 ມາປະຈຳການຢູ່ສີ່ແຍກໃນເສັ້ນທາງທີ່ມີການຈະລາຈອນໜາແໜ້ນ ເພື່ອຄວບຄຸມການຈະລາຈອນ ແລະ ເຕືອນຜູ້ໃຊ້ຖະໜົນທີ່ຝ່າຝືນກົດ ເຊິ່ງໄດ້ປະຕິບັດໜ້າທີ່ແທນເຈົ້າໜ້າທີ່ ທີ່ເປັນຄົນແທ້ໆ. ຫຸ່ນຍົນດັ່ງກ່າວໃຊ້ເທັກໂນໂລຊີ...

ປະກາດແຕ່ງຕັ້ງ ສະຫາຍ ຄຳແຫວນ ປັນຍານຸວົງ  ເປັນປະທານຄະນະກຳມະການປົກຄອງແຂວງບໍລິຄຳໄຊ ຜູ້ໃໝ່

ວັນທີ 22 ມັງກອນ 2026 ນີ້ ຢູ່ທີ່ຫ້ອງວ່າການ ແຂວງ ບໍລິຄຳໄຊ ໄດ້ຈັດພິທີປະກາດ ມອບ-ຮັບໜ້າທີ່ ປະທານຄະນະກຳມະການປົກຄອງແຂວງ ບໍລິຄຳໄຊ ຜູ້ໃໝ່ ລະຫວ່າງ...