ພໍ່ແມ່ຄົນຫວຽດນາມຫຼາຍຄົນ ຍອມຈ່າຍເງິນຈຳນວນຫຼາຍສົ່ງລູກໄປສຶກສາຕໍ່ຕ່າງປະເທດ ເພື່ອໃຫ້ລູກມີໂອກາດປະສົບຄວາມສຳເລັດໃນອະນາຄົດ.
ສຳນັກຂ່າວຕ່າງປະເທດລາຍງານວ່າ ຄົນຫວຽດນາມຫຼາຍກວ່າ 110 ພັນຄົນ ກຳລັງສຶກສາຢູ່ໃນ 47 ປະເທດທົ່ວໂລກ ຄິດເປັນຄ່າໃຊ້ຈ່າຍລວມປີລະ 3 ຕື້ໂດລາສະຫະລັດ ຂະນະທີ່ຜົນການສຳຫຼວດຂອງທະນາຄານເອຊເອສບີຊີເປີດເຜີຍວ່າ ຫວຽດນາມເປັນປະເທດທີ່ສົ່ງລູກໄປສຶກສາຕໍ່ຢູ່ອາເມລິກາຫຼາຍເປັນອັນດັບ 6 ຂອງໂລກ ຮອງຈາກ ຈີນ, ອິນເດຍ, ສ.ເກົາຫຼີ, ຊາອຸດິດອາຣັບບີ ແລະ ການາດາ, ນອກຈາກນີ້ ຍັງນິຍົມສົ່ງລູກໄປຮຽນຕໍ່ຢູ່ອົດສະຕຣາລີ ແລະ ການາດາອີກດ້ວຍ ສາເຫດໜຶ່ງເພາະເປັນປະເທດທີ່ໃຊ້ພາສາອັງກິດ, ເຫດຜົນທີ່ພໍ່ແມ່ຍອມຈ່າຍເງິນຈຳນວນຫຼາຍເພາະເຊື່ອວ່າ ການຮຽນຢູ່ຕ່າງປະເທດວຸດທິການສຶກສາອັນມີກຽດ, ລູກຫຼານຈະມີຄວາມຮູ້ທີ່ໃຊ້ໄດ້ຈິງ ມີທັກສະນະພາສາຕ່າງປະເທດ ແລະ ທັກສະການເຂົ້າສັງຄົມ.
ຢ່າງໃດກໍຕາມ ຫຼາຍຝ່າຍເຕືອນວ່າ ການຈົບການສຶກສາຈາກຕ່າງປະເທດບໍ່ໄດ້ເປັນຫຼັກປະກັນວ່າ ຈະໄດ້ວຽກເຮັດດີສະເໝີໄປ, ບັນດິດຈົບຈາກຕ່າງປະເທດບາງຄົນຄິດວ່າ ຕົນເອງມີຄຸນສົມບັດເໝືອກວ່າຄົນຮຽນຈົບໃນຕ່າງປະເທດ ຈິ່ງຮຽກເງິນເດືອນສູງເກີນຄວນ ທັງທີ່ຍັງບໍ່ທັນມີປະສົບການ ຜູ້ຊ່ຽວຊານແນະນຳວ່າ ລັດຖະບານຄວນສົ່ງເສີມໃຫ້ຕ່າງປະເທດມາເປີດໂຮງຮຽນທີ່ມີຄຸນນະພາບ ດ້ວຍການຫຼຸດຂໍ້ຈຳກັດ ແລະ ຂັ້ນຕອນທີ່ເຂັ້ມງວດເກີນໄປ ເພາະຕົວເລກການລົງທຶນດ້ານການສຶກສາຂອງຕ່າງປະເທດຫຼຸດລົງຈາກ 822,3 ລ້ານໂດລາໃນຕົ້ນປີກ່ອນເຫຼືອ 732 ລ້ານໂດລາໃນ 6 ເດືອນຕົ້ນປີນີ້.