ຮ່າງກາຍຂອງຄົນເຮົານັ້ນ ຖ້າຫາກວ່າມີສິ່ງແປກປອມເຂົ້າມາໃນຮ່າງກາຍ ໂດຍສະເພາະແມ່ນພິດໄພທີ່ເປັນອັນຕະລາຍຫລາຍ ໂດຍທີ່ຮ່າງກາຍບໍ່ສາມາດຖອນອອກມາຕາມຊ່ອງປົກກະຕິໄດ້ທັນ ຮ່າງກາຍມັນຈະມີຂະບວນການຖອນພິດພິເສດດັ່ງນີ້ :
- ການໄອຈາມຂີ້ມູກຍ້ອຍ ຂະບວນການເຫລົ່ານີ້ເປັນສິ່ງທີ່ດີ ເພາະວ່າຮ່າງກາຍໄດ້ຂັບຂອງເສຍອອກມາ ຫລືກຳລັງທຳຄວາມສະອາດຕົນເອງ ແຕ່ຄົນທົ່ວໆໄປແລ້ວກັບເຫັນວ່າ ເປັນອາການຢ່າງໜຶ່ງຂອງໂລກພະຍາດ ແລະພະຍາຍາມໄປສະກັດກັ້ນຂະບວນການເຫລົ່ານີ້ດ້ວຍການກິນຢາ ໃນຂະນະທີ່ຮ່າງກາຍພະ ຍາຍາມປົກປ້ອງເຮົາຈາກສິ່ງທີ່ເປັນພິດດ້ວຍການຂັບອອກມາ ເຮົາກັບໄປເລືອກທີ່ຈະທຳຮ້າຍຕົນເອງດ້ວຍການກັກເກັບພິດເອົາໄວ້ ເຊິ່ງຈະນຳໄປສູ່ໂລກທີ່ຮ້າຍແຮງກວ່າເກົ່າໄດ້ໃນອະນາຄົດ.
- ການຮູ້ສຶກປວດ(ຮາກ) ໃນກໍລະນີທີ່ຮ່າງກາຍໄດ້ຮັບສານພິດຮຸນແຮງ ຮ່າງກາຍຈະຖອນພິດແບບໄວ ວາດ້ວຍການຮາກ ເມື່ອເຈັບທ້ອງແລ້ວມີອາການຮາກເກີດຂຶ້ນກັບເຮົາ ບໍ່ຈຳເປັນທີ່ຈະຕ້ອງໄປຫາໝໍ ເພື່ອຊາຢາມາກິນໃຫ້ມັນຢຸດເຊົາຮາກ ເພາະອາການນີ້ເປັນຂະບວນການໆຊຳລະລ້າງຮ່າງກາຍຕາມທຳມະຊາດ ເພື່ອໃຫ້ຮ່າງກາຍນັ້ນບໍລິສຸດ ພ້ອມທີ່ຈະຮັບຊີວິດທີ່ຈະມາເກີດໃໝ່ ຄວນໃຫ້ຜູ້ຍິງທີ່ກຳລັງຕັ້ງຄັນກິນນ້ຳໝາກພ້າວ ແລະງົດເວັ້ນການກິນຢາທຸກຊະນິດ ລວມທັງກໍລະນີອື່ນໆທີ່ມີອາການປວດຮາກຕິດຕໍ່ກັນຫລາຍເທື່ອ ຄວນໃຫ້ຜູ້ກ່ຽວກິນນ້ຳໝາກພ້າວ ຫລືນ້ຳໝາກໄມ້ແບບຈາງໆ ຫລືວ່າເອົານ້ຳເຜິ້ງປະສົມນ້ຳທຳມະດາກິນ ເພື່ອປ້ອງກັນບໍ່ໃຫ້ຮ່າງກາຍຂາດນ້ຳ ທາງການແພດຂອງສາສະໜາອິດສະລາມໄດ້ເວົ້າເຖິງອາການປວດຮາກໄວ້ດັ່ງຕໍ່ໄປນີ້ :
ມີສາເຫດມາຈາກ
- ມີນ້ຳບີເຫລືອຫລາຍເກີນໄປໃນກະເພາະອາຫານ
- ມີຂີ້ກະເທີ່ໜຽວຂ້ນໃນກະເພາະອາຫານ
- ກະເພາະອາຫານອ່ອນແອ ບໍ່ຍ່ອຍ
- ມີສ່ວນປະສົມທີ່ເປັນພິດເຂົ້າໄປຂັດຂວາງການຍ່ອຍ ຮ່າງກາຍຈຶ່ງຂັບອອກມາ
- ກິນຫລືດື່ມຫລາຍເກີນກວ່າກະເພາະອາຫານຈະຍ່ອຍໄດ້
- ອາຫານ ຫລືເຄື່ອງດື່ມທີ່ຮ່າງກາຍຮັບເຂົ້າໄປບໍ່ເໝາະກັບກະເພາະອາຫານ