spot_img
Homeຂ່າວພາຍ​ໃນຈາກແມ່ຄ້າຂາຍຜັກ ກາຍເປັນເຈົ້າຂອງໂຮງງານ ຍ້ອນປາແດກ!

ຈາກແມ່ຄ້າຂາຍຜັກ ກາຍເປັນເຈົ້າຂອງໂຮງງານ ຍ້ອນປາແດກ!

Published on

ທ່ານ . ວິໄລສິນ ແຕ່ກ່ອນຢຶດຖືອາຊີບ ຂາຍຜັກໃນຕະຫລາດເພື່ອລ້ຽງຊີບ ແລ້ວເຫັນວ່າຄອບຄົວຍັງຂາດເຂີນ ຈຶ່ງມີແນວຄິດຫັນປ່ຽນອາຊີບໃໝ່ ຈາກຂາຍຜັກມາຂາຍປາແດກ ເຫັນວ່າລາຍໄດ້ດີ ແລະ ເຮັດໃຫ້ຊີວິດຄອບຄົວດີຂຶຶ້ນ ຈຶ່ງຢຶດອາຊີບດັ່ງກ່າວມາແຕ່ປີ 1990 ເປັນຕົ້ນມາ ແລະ ສ້າງຕັ້ງໂຮງງານປຸງແຕ່ງ ປາແດກຂຶ້ນໃນປີ 2007 ຈົນມາເຖິງປັດຈຸບັນ.

ທ່ານ ນາງ ວິໄລສິນ ເຕີນຕານ ເຈົ້າຂອງໂຮງງານປາແດກໄດ້ເລົ່າສູ່ຟັງວ່າ: ນັບແຕ່ປີ 1988 ຕົນເອງມີຕົ້ນທຶນ 10 ພັນກີບ ມີໄຫ 1 ໜ່ວຍ ໄປຊື້ປາແດກໄດ້ 10 ກິໂລມາຂາຍຢູ່ຕະຫລາດ ເຫັນວ່າໄດ້ຂາຍດີສົມຄວນ ເລີຍຂາຍມາເປັນໄລຍະ 1 ປີ ແລ້ວຕົນກໍມີແນວຄິດຢາກເຮັດປາແດກຂາຍເອງ, ແຕ່ບໍ່ມີປະສົບການ ຈຶ່ງໄດ້ສອບຖາມນຳຜູ້ເຖົ້າຜູ້ແກ່ ແລ້ວນຳເອົາບົດຮຽນຈາກຫລາຍຄົນມາປະສົມປະສານກັນ ແລ້ວມາເຮັດເອງ ຈົນຮອດປີ 1990 ຜົວຂອງຂ້າພະເຈົ້າ ໄດ້ຊ່ວຍປຸງແຕ່ງປາແດກ ໃຫ້ມີຫລາຍຮູບແບບ ເພື່ອຕອບສະໜອງ ຄວາມຮຽກຮ້ອງຕ້ອງການຂອງຜູ້ບໍລິໂພກ ແລະ ຂະຫຍາຍຕະຫລາດໃຫ້ຫລາຍຂຶ້ນ ຈຶ່ງຜະລິດໃນຮູບແບບຕ່າງໆຄື: ນ້ຳປາແດກຕົ້ມ, ປາແດກແຈ່ວ, ປາແດກຜົງ, ແຈ່ວສຸກກີ່, ແຈ່ວພັນປາ ແລະ ອື່ນໆ, ພາຍຫລັງທີ່ມີຫລາຍ ຜະລິດຕະພັນແລ້ວ ເຮັດໃຫ້ປາແດກໄດ້ຮັບຄວາມນິຍົມ ທັງພາຍໃນນະຄອນຫລວງ ແລະ ຕ່າງແຂວງ ໃນແຕ່ລະເດືອນ ຂາຍໄດ້ຫລາຍລ້ານກີບ. ຈາກຄວາມສຳເລັດດັ່ງກ່າວ ຈິ່ງໄດ້ປະກອບເອກະສານ ໄປຂໍຂຶ້ນລິຂະສິດ ຢູ່ກົມຊັບສິນທາງປັນຍາ ໃນປີ 2007 ເປັນຕົ້ນມາ.

. ວິໄລສິນ ຍັງໄດ້ເວົ້າຕື່ມວ່າ: ພາຍຫລັງທີ່ເຮັດໂຮງງານປາແດກແລ້ວ ເຮັດໃຫ້ຄອບຄົວມີຢູ່ມີກິນ ແລະ ຫລຸດພົ້ນຈາກຄວາມທຸກຍາກ ທັງມີເງິນທ້ອນໄວ້ ແລະ ສົ່ງລູກຮຽນໃນຂະແໜງຕ່າງໆ ແລະ ຊື້ພາຫະນະ ຮັບໃຊ້ຄອບຄົວ. ນອກຈາກນີ້ຍັງໄດ້ປະກອບສ່ວນ ສ້າງວຽກເຮັດງານທຳໃຫ້ແກ່ປະຊາຊົນ ໃຫ້ມີລາຍໄດ້ເຂົ້າຄອບຄົວ ຂອງເຂົາເຈົ້າອີກດ້ວຍ ເຊິ່ງປັດຈຸບັນໂຮງງານຂອງຕົນ ມີພະນັກງານກຳມະກອນ 10 ກວ່າຄົນ.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...