ວັນທີ 4 ກໍລະກົດ ປີ 2002 ຫຼືມື້ນີ້ເມື່ອ 14 ປີທີ່ແລ້ວ ເປັນມື້ວາງຈຳໜ່າຍຂອງເກມ Silent Hill 2: Restless Dream ເທິງເຄື່ອງ PS2 ທີ່ປະເທດຍີ່ປຸ່ນໂດຍ Restless Dream ນີ້ເປັນເວີຊັ່ນເສີມຂອງ Silent Hill 2 ທີ່ເຮັດອອກມາຄັ້ງທຳອິດເພື່ອລົງໃຫ້ກັບ Xbox ກ່ອນ ແລ້ວຈຶ່ງມີການພອຣ໌ດມາລົງໃຫ້ເຄື່ອງ PS2 ໃນ ພາຍຫຼັງ ທັງນີ້ Silent Hill 2: Restless Dream ຖືເປັນເວີຊັ່ນທີ່ທາງ Konami ເຮັດອອກມາເພື່ອສະຫຼອງຄວາມສຳເລັດດ້ານຍອດຂາຍຂອງພາກນີ້ ແລະຕ້ອງການຂະຫຍາຍລາຍລະອຽດເລື່ອງລາວຂອງເກມດ້ວຍການເພີ່ມເນື້ອເລື່ອງເສີມມາໃນເວີຊັ່ນນີ້.

ສຳລັບເນື້ອເລື່ອງຫຼັກຂອງ Silent Hill 2 ຈະເວົ້າເຖິງ ເຈມ ຊັນເດີແລນ ຊາຍໜຸ່ມທີ່ເດີນທາງມາເມືອງ Silent Hill ຄົນດຽວຫຼັງຈາກທີ່ໄດ້ຮັບຈົດໝາຍຈາກ ແມຣີ່ ເມຍຂອງລາວທີ່ເສຍຊີວິດໄປແລ້ວເມື່ອ 3 ປີກ່ອນ ໂດຍເຈມຕ້ອງອອກຄົ້ນຫາຄວາມຈິງເຖິງທີ່ມາຂອງຈົດໝາຍສະບັບດັ່ງກ່າວ ວ່າເມຍຂອງລາວເປັນຄົນສົ່ງມາແທ້ຫຼືບໍ່? ແລະເຫດການ 3 ປີກ່ອນມັນເກີດຫຍັງຂຶ້ນກັນແທ້?

ສິ່ງທີ່ເພີ່ມມາໃນພາກ Restless Dreams ຈະເປັນເນື້ອເລື່ອງເສີມທີ່ມີຊື່ວ່າ Born from a wish ໂດຍຜູ້ຫຼິ້ນຈະໄດ້ບັງຄັບເປັນມາເຣຍໃນຊ່ວງເຫດການກ່ອນທີ່ນາງຈະໄດ້ພົບກັບເຈມໃນອີກບໍ່ດົນ ເກມຈະເລີ່ມຫຼັງຈາກທີ່ມາເຣຍຕື່ນຂຶ້ນມາໃນເມືອງພ້ອມກັບປືນອັນໜຶ່ງ ເຊິ່ງນາງຄຶດທົບທວນຢູ່ວ່າຈະຂ້າໂຕຕາຍຫຼືບໍ່ ແຕ່ແລ້ວກໍຄຶດວ່າຢາກຈະພົບໃຜຈັກຄົນ ໃນທີ່ສຸດກໍໄປພົບຄະລືຫາດຫຼັງໜຶ່ງ ແລະສະຖານທີ່ແຫ່ງນັ້ນມາເຣຍກໍໄດ້ຍິນສຽງຂອງ ເອີເນສ ບອນວິນ ເຈົ້າຂອງຄະລືຫາດຫຼັງດັ່ງກ່າວ ໂດຍເອີເນສໄດ້ປະຕິເສດທີ່ຈະໃຫ້ມາເຣຍເຂົ້າໄປພົບລາວໃນຫ້ອງ ແລະຍອມໃຫ້ລົມກັນຜ່ານປະຕູເທົ່ານັ້ນ ເປົ້າໝາຍຂອງພາລະກິດໃນເນື້ອເລື່ອງ Born form a wish ກໍຄື ຜູ້ຫຼິ້ນຈະຕ້ອງເຮັດພາລະກິດທີ່ເອີເນສມອບໝາຍໃຫ້ສຳເລັດ ເມື່ອຜ່ານໄດ້ແລ້ວ ເອີເນສຈະເຕືອນມາເຣຍວ່າໃຫ້ລະວັງເຈມໄວ້ ພ້ອມບອກວ່າເຈມບໍ່ແມ່ນຄົນດີປານໃດ ຈາກນັ້ນມາເຣຍກໍລອງເປີດປະຕູໄປຫາເອີເນສ ແຕ່ກໍພົບວ່າຫ້ອງນັ້ນບໍ່ມີໃຜຢູ່ເລີຍ ນາງຈຶ່ງອອກຈາກຄະລືຫາດຫຼັງນັ້ນມາ ແລ້ວກໍຄຶດເຖິງເລື່ອງພະຍາຍາມຂ້າໂຕຕາຍອີກຄັ້ງ ກ່ອນທີ່ຈະຍ່າງມາພົບກັບເຈມໃນທີ່ສຸດ.

Fact ເລັກນ້ອຍກ່ຽວກັບເກມ SIlent Hill 2: Restless Dreams

• ຖ້າຜູ້ຫຼິ້ນມີເຊບຈາກເກມ Silent Hill 2 ເວີຊັ່ນທຳອິດທີ່ປົດລ໋ອກຄວາມລັບໃນເກມມາແລ້ວ ກໍສາມາດນຳເຊບນັ້ນມາຫຼິ້ນໃນເວີຊັ່ນ Restless Dreams ຕໍ່ໄດ້ເລີຍ ໂດຍສິ່ງທີ່ເຄີຍປົດລ໋ອກມາຈະຖືກໂອນມາຫາໂຕເກມເວີຊັ່ນໃໝ່ທັງໝົດ

• ຫາກເຮົາເຄລີຍໂໝດເນື້ອເລື່ອງປົກກະຕິແລະເນື້ອເລື່ອງເສີມໄດ້ແລ້ວ ໃຫ້ເລີ່ມເກມແບບເນື້ອເລື່ອງປົກກະຕິອີກເທື່ອໜຶ່ງແລ້ວແລ່ນໄປຕາມທາງໃນຊ່ວງຕົ້ນໆ ລະຫວ່າງທາງຈະພົບກັບເລື່ອຍ ເຊິ່ງເປັນອາວຸດພິເສດຂອງເກມນີ້ ແລະຖ້າເກັບມາແລ້ວໃຫ້ລອງຖືເປັນອາວຸດໄວ້ ຈາກນັ້ນກໍໄປຍືນເທິງຮ່າງສົບໃດກໍໄດ້ ແປັບໜຶ່ງເຈມກໍຈະຍົກເລື່ອຍຂຶ້ນເທິງຫົວແລະຮ້ອງໂຫຍຫວນ ໂດຍແອັກຊັ່ນນີ້ຈະເປັນການຮຽນແບບໂຕລະຄອນ ແອດ ຈາກຮູບເງົາ The Evil Dead ທີ່ສາຍເມື່ອປີ 1981.

• ອະພາຣ໌ດເມັ້ນ Blue Creek ທີ່ປະກົດຢູ່ໃນເມືອງ Silent Hill ນັ້ນເປັນການຫຼິ້ນຄຳຈາກຮູບເງົາເລື່ອງ Blue Velvet ທີ່ສາຍເມື່ອປີ 1986 ເຊິ່ງຄຳວ່າ Blue ນັ້ນຈະເປັນການເອົາມາຈາກຊື່ຮູບເງົາໂດຍກົງ ສ່ວນຄຳວ່າ Creek ຈະມີຄວາມໝາຍໃກ້ຄຽງກັບຄຳວ່າ River.

• ໃນຍຸກທີ່ທາງ Konami ກຳລັງພັດທະນາເກມ Silent Hill 2 ໃນຊ່ວງເວລານັ້ນເທັກໂນໂລຢີ Motion Capture ແລະ Facial Animation ຍັງບໍ່ກ້າວໜ້າຄືປັດຈຸບັນ ທາງຄ້າຍເກມຈຶ່ງໃຊ້ວິທີເຮັດສີໜ້າໂຕລະຄອນແລະໃສ່ທ່າທາງການເຄື່ອນໄຫວຂອງໂຕລະຄອນຂຶ້ນມາເອງໂດຍບໍ່ມີຄົນແທ້ໆເປັນຕົ້ນແບບ 

ທີ່ມາ:online station,ເດັກລາວ