spot_img
Homeມູມໄອທີລາວບົດຄວາມເກມ: ມື້ນີ້ໃນອະດີດ ວັນທີ 30 ມິຖຸນາ

ບົດຄວາມເກມ: ມື້ນີ້ໃນອະດີດ ວັນທີ 30 ມິຖຸນາ

Published on

ວັນທີ 30 ມິຖຸນາ ປີ 1990 ຫຼືມື້ນີ້ເມື່ອ 26 ປີທີ່ແລ້ວ ເຊິ່ງເປັນມື້ວາງຈຳໜ່າຍຂອງເກມ Ghostbusters ເທິງເຄື່ອງ Mega Drive ທີ່ປະເທດຍີ່ປຸ່ນ ໂດຍພາກດັ່ງກ່າວແມ່ນເປັນເກມແອັກຊັ່ນລຸຍດ້ານຂ້າງແບບ 2D ໂດຍນີ້ຖືເປັນອີກເກມທີ່ດັດແປງມາຈາກຮູບເງົາ Ghostbusters ອັນໂດ່ງດັງຂອງຮໍລີ້ວູດ ແລະເປັນຜົນງານການພັດທະນາຮ່ວມກັນລະຫວ່າງ Sega ແລະ Compile ທີ່ຫວັງຈະເກາະກະແສຄວາມດັງຂອງຮູບເງົາເພື່ອເພີ່ມຍອດຂາຍເກມນີ້ໃນຕອນນັ້ນ.


ສຳລັບເນື້ອເລື່ອງຂອງເກມ Ghostbusters ຈະເປັນເຫດການຫຼັງຈາກຮູບເງົາ Ghostbusters ພາກທຳອິດທີ່ເຂົ້າສາຍປີ 1984, ເມື່ອບໍລິສັດກຳຈັດຜີບໍ່ມີວຽກເຂົ້າມາໃຫ້ເຮັດ ເພາະຜີບໍ່ຄ່ອຍອອກມາປັ່ນປ່ວນ. ຈົນມາຮອດມື້ໜຶ່ງກໍມີໂທລະສັບດັງຂຶ້ນມາຫຼາຍສາຍທີ່ສຳນັກງານ Ghostbusters ເຊິ່ງເປັນສາຍທີ່ໂທມາຈ້າງໜ່ວຍດັ່ງກ່າວໃຫ້ໄປຊ່ວຍປາບຜີທີ່ຢູ່ດີດີ ກໍອອກມາອາລະວາດທົ່ວເມືອງ ພ້ອມກັບມີແຜ່ນດິນໄຫວຄັ້ງໃຫຍ່ເກີດທີ່ກາງເມືອງນິວຢອກ ດ້ວຍເຫດນີ້ທີມສະມາຊິກບໍລິສັດກຳຈັດຜີຈຶ່ງຕ້ອງອອກໄປຄົ້ນຫາສາເຫດກ່ຽວກັບເຫດການທີ່ເກີດຂຶ້ນໃນຄັ້ງນີ້ໃຫ້ໄດ້. 


ເລີ່ມເກມມາຈະມີໂຕລະຄອນໃຫ້ເລືອກຫຼິ້ນທັງໝົດ 3 ຄົນ ໄດ້ແກ່: ປີເຕີ້ ເວງແມນ, ເຣມອນ ສະແຕນ ແລະອີກອນ. ສາມນັກວິທະຍາສາດທີ່ຮ່ວມກັນເປີດກິດຈະການບໍລິສັດກຳຈັດຜີ ຄອຍຮັບຈ້າງປາບຜີທົ່ວນະຄອນນິວຢອກສະຫະລັດອາເມຣິກາ, ດ້ວຍອຸປະກອນອີເລັກໂທຣນິກທີ່ພວກເຂົາຄິດຄົ້ນຂຶ້ນມາເພື່ອໃຊ້ສູ້ກັບຜີໂດຍສະເພາະ. ໂດຍໂຕເກມພາກນີ້ຈະຖືກແບ່ງອອກເປັນ 4 ຄະດີດ້ວຍກັນ ເຊິ່ງແຕ່ລະຄະດີກໍຈະເກີດຂຶ້ນໃນສະຖານທີ່ແຕກຕ່າງກັນ ໄດ້ແກ່ ຄະລືຫາດຫຼັງໃຫຍ່, ອາຄານທີ່ກຳລັງເກີດໄຟໄໝ້, ອະພາຣ໌ດເມັ້ນທີ່ຖືກບັນດາຜີແຊ່ແຂງ ແລະອາຄານທີ່ຊື່ວ່າ High Rise ເຊິ່ງທຸກຕຶກກໍຈະມີພວກຜີຄອຍຖ້າຕ້ອນຮັບດ້ວຍຮູບແບບການໂຈມຕີທີ່ສຸດກວນ ແລະເມື່ອເຄຍພາລະກິດທັງ 4 ແຫ່ງໄດ້ຄົບໝົດແລ້ວ ໂຕເຮົາຈະພົບວ່າສະມາຊິກທີມກຳຈັດຜີອີກ 2 ຄົນໄດ້ຖືກລັກພາໂຕໄປໂດຍຊາຍທີ່ຊື່ວ່າ: ອາເທີ້ ທີ່ຖິ້ມຂໍ້ຄວາມເຊີນໃຫ້ເຮົາໄປບຸກປະສາດແຫ່ງຄວາມມືດທີ່ຕັ້ງຢູ່ນອກເມືອງ ແລະນີ້ກໍເປັນພາລະກິດສຸດທ້າຍທີ່ເຮົາຕ້ອງເຮັດໃຫ້ສຳເລັດ.

Fact ເລັກນ້ອຍກ່ຽວກັບເກມ Ghostbusters

  • Ghostbusters ເວີຊັ່ນນີ້ຈະບໍ່ມີການນຳເອົາ ວິນຕັນ ເຊດເດມໍ (Windton Zeddemore) ສະມາຊິກກຳຈັດຜີຄົນທີ 4 ໃສ່ເຂົ້າມາໃນເກມ ແຕ່ເຮົາຈະຍັງໄດ້ເຫັນລາວໃນເວີຊັ່ນຮູບເງົາທັງ 2 ພາກແລະກາຕູນເເອນິເມຊັ່ນຢູ່.

    •  ເກມນີ້ຈະມີບັ໊ກປັ້ມເງິນບໍ່ຈຳກັດຈຳນວນຢູ່ ເຊິ່ງສາມາດເຮັດໄດ້ໂດຍການໄປທີ່ຕຶກ High Rise ແລ້ວເອົາເງິນອອກມາຈາກຕູ້ເຊບ ຈາກນັ້ນກໍອອກມາຈາກຕຶກແລ້ວເຂົ້າໄປໃນຕຶກອີກຄັ້ງເພື່ອເອົາເງິນໄດ້ເລື້ອຍໆ ຈົນກວ່າເຮົາຈະພໍໃຈເລີຍ.

      • ຈາກອະດີດຈົນເຖິງປັດຈຸບັນ Ghostbusters ໄດ້ຖືກນຳມາສ້າງເປັນເກມມາແລ້ວເຖິງ 14 ພາກ ເຊິ່ງມີທັງພາກທີ່ເປັນແນວແອັກຊັ່ນ, ແນວຊູດຕິ້ງ ຫຼືແມ້ແຕ່ຢູ່ໃນຕູ້ພິນບໍ (Pinball) ກໍມີ. ໂດຍເກມພາກຫຼ້າສຸດຂອງຊີຣີນີ້ມີຊື່ວ່າ Ghostbusters ໄດ້ມີການເປີດໂຕໄປເມື່ອວັນທີ 14 ເມສາ 2016 ທີ່ຜ່ານມາ ເຊິ່ງລົງໃຫ້ກັບເຄື່ອງ PS4 ແລະ Xbox One ພັດທະນາໂດຍບໍລະສັດ FireForge Games.

        ທີ່ມາ:online station,ເດັກລາວ

        ບົດຄວາມຫຼ້າສຸດ

        ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

        ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

        ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

        ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

        ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

        ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

        ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

        ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...