ສຳນັກງານສະຖິຕິແຫ່ງຊາດຫວຽດນາມລາຍງານວ່າ ເສດຖະກິດຫວຽດນາມຂະຫຍາຍຕົວຊ້າລົງໃນເຄິ່ງປີທຳອິດຂອງປີ 2016 ໂດຍໄດ້ຜົນກະທົບຈາກບັນຫາໄພແລ້ງຮຸນແຮງ ບັນຫາປາຕາຍຄັ້ງໃຫຍ່ ແລະ ພາວະຕະຫຼາດໂລກປັ່ນປ່ວນ.

ລວມຍອດຜະລິດຕະພັນພາຍໃນປະເທດ ຫຼື ຈີດີພີ ຕົກລົງມາ 5,52% ໃນຊ່ວງ 6 ເດືອນທຳອິດທຽບກັບ 6,32% ໃນຊ່ວງດຽວກັນຂອງປີຜ່ານມາ ເສດຖະກິດຫວຽດນາມເຄີຍຂະຫຍາຍຕົວວ່ອງໄວທີ່ສຸດໃນຮອບ 5 ປີ ເມື່ອປີ 2015 ຊຶ່ງເປັນເພາະການສົ່ງອອກຄຶກຄັກ ແລະ ເງິນລົງທຶນຈາກຕ່າງປະເທດຫລັ່ງໄຫລເຂົ້າຫວຽດນາມ ຖະແຫລງການສຳນັກງານສະຖິຕິຫວຽດນາມລະບຸວ່າ ສະຖານະການການຄ້າ ການລົງທຶນ ຕະຫຼາດເງິນ ແລະ ຕະຫຼາດທຶນໃນເສດຖະກິດໂລກ ສົ່ງຜົນກະທົບຕໍ່ເສດຖະກິດຫວຽດນາມນຳ ນອກຈາກນີ້ການຜະລິດພາຍໃນປະເທດຍັງໄດ້ຮັບຜົນກະທົບຈາກໄພແລ້ງຮຸນແຮງທີ່ສຸດໃນຮອບຫຼາຍສິບປີ ສົ່ງຜົນຕໍ່ການປູກເຂົ້າ ແລະ ກາເຟ ຄິດເປັນມູນຄ່າ 681 ລ້ານໂດລາ ລວມທັງເຫດປາຕາຍຫຼາຍໂຕນລອຍເຕັມຫາດຊາຍຄັ້ງໃຫຍ່ຊຶ່ງຍັງຫາສາເຫດບໍ່ໄດ້.