ເມື່ອວັນທີ 27 ມິຖຸນາ 2016 ທີ່ຜ່ານມາ ຜູ້ຊື່ຂ່າວລາຍງານຈັດງານປະກວດແບ້ສວຍງາມຢ່າງຄຶກຄື້ນທີ່ໝູ່ບ້ານ ຣາມີກາລາ ໃນປະເທດລີທົວເນຍ ເພື່ອຄົນຫາແບ້ ທີ່ໜ້າຮັກທີ່ສຸດໃນຟາມລ້ຽງສັດທັງໝົດໃນໝູ່ບ້ານ
ງານໄດ້ເລີ່ມຂຶ້ນດ້ວຍການແຫ່ຂະບວນພາເຣດຂອງນັກດົນຕີ ມີການເຕັ້ນລຳ ແລະ ມີຜູ້ແຕ່ງກາຍເປັນພຣະຣາຊາ ແລະ ຣາຊີນີ ມາຄອຍຕ້ອນຮັບແບ້ ທີ່ເຂົ້າປະກວດໂດຍເຈົ້າຂອງແບ້ໄດ້ຈູງແບ້ຍ່າງເຂົ້າມາໃນງານ ທ່າມກາງຜູ້ທີ່ມາທ່ຽວຊົມໃນງານກວ່າ 500 ຄົນ ມີແບ້ເຂົ້າປະກວດທັງໝົດ 6 ໂຕ ທັງເພດຜູ້ ແລະ ເພດເມຍ ໂດຍເຈົ້າຂອງຈະແຕ່ງກາຍໃຫ້ໃຫ້ແບ້ຂອງເຂົາດ້ວຍເສື້ອຜ້າ ແລະ ປະດັບປະດາດ້ວຍດອກໄມ້ຢ່າງສວຍງາມ
ປີນີ້ແບ້ຊື່ ເດມີເຕ້ ໄວອາຍຸ 1ປີ 4 ເດືອນ ໄດ້ຮັບການສວມມົງກຸດໃນຕຳແໜ່ງແບ້ທີ່ໜ້າຮັກທີ່ສຸດປະຈຳເມືອງ ເປັນຄັ້ງທຳອິດ ຫຼັງຈາກ ເຟີດິນານດາສ ເພທເຄວິຊຽນ ສັດຕະວະແພດ ໄວອາຍຸ 74 ປີ ຜູ້ເປັນເຈົ້າຂອງ ເຄີຍສົ່ງມັນເຂົ້າປະກວດມາແລ້ວເຖິງ 6 ຄັ້ງ ແຕ່ທີ່ຜ່ານມາແມ່ນຕົກຮອບຕະຫຼອດ
