ວັນທ 25 ມິຖຸນາຜ່ານມານີ້ ທ່ານ ສົມກົດ ມັງໜໍ່ເມກ ເຈົ້າແຂວງໆຊຽງຂວາງ ພ້ອມດ້ວຍຄະນະໄດ້ລົງກວດກາໂຄງການກໍ່ສ້າງສູນການຄ້າທັນສະໄໝແຂວງຊຽງຂວາງເປັນການລົງທຶນຂອງບໍລິສັດເອກະຊົນຊາວຈີນຈາກແຂວງ ເຈີຈຽງທີ່ມາລົງທຶນ ໂດຍແມ່ນບໍລິສັດຢູຢາວມິງຊຽງພລາສຕິກຈຳກັດ.
ໂຄງການກໍ່ສ້າງສູນການຄ້າທັນສະໄໝເປັນອາຄານ 9 ຊັ້ນ ລວມມູນຄ່າການກໍ່ສ້າງ 72 ຕື້ກວ່າກີບ ຫຼື ປະມານ 9 ລ້ານໂດລາ ຊຶ່ງເລີ່ມລົງມື ກໍ່ສ້າງແຕ່ວັນທີ 25 ພຶດສະພາ 2016 ແລະຄາດວ່າຈະສຳເລັດໃນປີ2018 ມາຮອດປະຈຸບັນ ໜ້າວຽກ ໂດຍລວມປະຕິບັດໄດ້ 9%.
ໃນໂອກາດນີ້ທ່ານເຈົ້າແຂວງໆຊຽງຂວາງກໍໄດ້ ປຶກສາຫາລືກັບທ່ານ ຢາງ ຈ້ຽນຮົວ (Yang Jianhua) ປະທານບໍລິສັດຢູຢາວມິງ ຊຽງພລາສຕິກຈຳກັດ ຊຶ່ງທ່ານເຈົ້າແຂວງໄດ້ສະແດງຄວາມດີໃຈຕໍ່ການລົງທຶນກໍ່ສ້າງໂດຍຖ້າໂຄງການນີ້ສຳເລັດຈະເຮັດໃຫ້ຊາວຊຽງຂວາງມີສູນການຄ້າທີ່ທັນສະໄໝໃນຕົວເມືອງໂພນສະຫວັນ ນອກນີ້ ຍັງເປັນການຕ້ອນຮັບງານມະຫະກຳກີລາແຫ່ງຊາດຄັ້ງທີ 11 ທີ່ແຂວງຊຽງຂວາງເປັນເຈົ້າພາບ, ກຽມຮັບໄຫຫີນເປັນມໍລະດົກໂລກທີ່ນັກທ່ອງທ່ຽວຈະໄດ້ໃຊ້ຈ່າຍເພື່ອຊື້ສິ່ງຂອງທີ່ລະນຶກຈາກແຂວງຊຽງຂວາງ ເຮັດໃຫ້ແຂວງຊຽງຂວາງປ່ຽນໂສມໜ້າໃໝ່ທັນສະໄໝຂຶ້ນເລື້ອຍໆ.
ທີ່ມາ: 