ເມື່ອວັນທີ 22 ມິຖຸນາ 2016 ທີ່ຜ່ານມາ ສຳນັກຂ່າວຕ່າງປະເທດລາວງາຍວ່າ ປະເທດອິນເດຍປະສົບຄວາມສຳເລັດໃນການປ່ອຍດາວທຽມຂຶ້ນສູ່ອາວະກາດພ້ອມກັນ 20 ດວງໃນພາລະກິດດຽວ ສ້າງສະຖິຕິປ່ອຍດາວທຽມພ້ອມກັນຫຼາຍທີ່ສຸດໃນປະຫວັດສາດໂຄງການອາວະກາດຂອງປະເທດອິນເດຍ ດາວທຽມດັ່ງກ່າວຖືກປ່ອຍຂຶ້ນຈາກທ່າອາວະ ກາດ ສີຫາໂຄດ ທາງພາກໃຕ້ຂອງອິນເດຍ ຂະນະທີ່ມັນບັນຈຸນ້ຳໜັກຕັ້ງແຕ່ 1.5 ກິໂລກຣາມ ໄປຈົນເຖິງຫຼາຍກວ່າ 700 ກິໂລກຣາມ.

ຜູ້ສື່ຂ່າວບີບີຊີບອກວ່າ ນີ້ຖືເປັນພາລະກິດຄັ້ງສຳຄັນສຳລັບໂຄງການດ້ານອາວະກາດຂອງອິນເດຍ ເຊິ່ງການປ່ອຍດາວທຽມຫຼາຍດວງພ້ອມກັນບໍ່ພຽງຈະຫຼຸດຕົ້ນທຶນໃນການສົ່ງດາວທຽມຂຶ້ນສູ່ອາວະກາດ ແຕ່ຍັງເຮັດໃຫ້ອິນເດຍກ້າວຂຶ້ນໄປເປັນປະເທດທີ່ມີຂີດຄວາມສາມາດໃນການແຂ່ງຂັນສູງໃນຂະແໜງອຸດສະຫະກຳອີກດ້ວຍ

ຢ່າງໃດກໍ່ຕາມ ຣັສເຊຍຍັງເປັນເຈົ້າຂອງສະຖິຕິສົ່ງດາວທຽມຂຶ້ນສູ່ອາວະກາດໃນເທື່ອດຽວຫຼາຍທີ່ສຸດຄື 37 ດວງ ໃນປີ 2014 ຕາມດ້ວຍອົງການນາຊາຂອງສະຫະລັດອາເມລິກາທີ່ສົ່ງດາວທຽມຂຶ້ນສູ່ອາວະກາດໃນເທື່ອດຽວ 29 ດວງ

ທີ່ມາ: http://news.mthai.com/