ຜົນການວິໄຈຈາກປະເທດອັງກິດເປີດເຜີຍວ່າ ການກິນຖົ່ວເປັນປະຈຳ ຈະຊ່ວຍຢັບຢັ້ງການຈະເລີນເຕີບໃຫຍ່ຂອງມະເຮັງຕ່ອມລູກໝາກໄດ້ຫຼາຍກວ່າ 34 ເປີເຊັນ
ເມື່ອວັນທີ 15 ມິຖຸນາ 2016 ເວັບໄຊ໌ເດລີເມລໄດ້ລາຍງານເຖິງຜົນການສຶກສາກ່ຽວກັບປະໂຫຍດຂອງການກິນຖົ່ວເອົາໄວ້ວ່າ ມີສ່ວນຊ່ວຍຢັບຢັ້ງການເສຍຊີວິດຂອງຜູ້ປ່ວຍໂຣກມະເຮັງຕ່ອມລູກໝາກໄດ້ຢ່າງບໍ່ໜ້າເຊື່ອ
ໂດຍຜົນການສຶກສາໃນຄັ້ງນີ້ເປັນຜົນງານຂອງຄະນະນັກວິໄຈຈາກຮາຣາດທີ່ປະກົດຢູ່ໃນວາລະສານ British Journal of Cancer ເຊິ່ງໃຊ້ເວລາຕິດຕາມຂໍ້ມູນຂອງກຸ່ມຕົວຢ່າງເພດຊາຍກວ່າ 47,000 ຄົນ ດົນກວ່າ 26 ປີ ຈົນພົບວ່າມີຜູ້ປ່ວຍໂຣກມະເຮັງຕ່ອມລູກໝາກຫຼາຍເຖິງ 6,800 ຄົນ
ທີມນັກວິໄຈສຳຫຼວດອັດຕາການເສຍຊີວິດຂອງຜູ້ປ່ວຍໂຣກມະເຮັງຕ່ອມລູກໝາກກັບພົບວ່າ ຜູ້ປ່ວຍໂຣກດັ່ງກ່າວທີ່ກິນຖົ່ວຢ່າງໜ້ອຍອາທິດລະ 5 ຄັ້ງ ມີອັດຕາການເສຍຊີວິດຫຼຸດລົງເຖິງ 34% ເມື່ອທຽບກັບກຸ່ມຜູ້ປ່ວຍທີ່ບໍ່ກິນຖົ່ວ ຫຼື ກິນໜ້ອຍກວ່າ 5 ຄັ້ງຕໍ່ອາທິດ ນອກຈາກນີ້ຍັງມີງານວິໄຈອັນໜຶ່ງທີ່ລະບຸວ່າ ບໍ່ວ່າຖົ່ວຊະນິດໃດກໍ່ຕາມກໍ່ມັກຈະອຸດົມໄປດ້ວຍວິຕາມິນອີ ທີ່ສາມາດຕໍ່ສູ້ກັບເຊື້ອມະເຮັງໄດ້ ແຖມຍັງມີສານເຄມີທຳມະຊາດທີ່ມີຄຸນສົມບັດຕ້ານມະເຮັງ ຮວມເຖິງການປ້ອງກັນບໍ່ໃຫ້ເປັນໂຣກຫົວໃຈ ແລະ ໂຣກເບົາຫວານຊະນິດທີ 2 ອີກດ້ວຍ
ທີ່ມາ: http://men.kapook.com/view150790.html