ຄົນໃນສິງກະໂປທີ່ມີແຜນຈະໃຊ້ເງິນປອນເຂົ້າແຖວຍາວຢຽນຕາມຮ້ານຮັບແລກເງິນເພື່ອແລກເງິນປອນທີ່ຕົກລົງຢ່າງໜັກ ຫຼັງຮູ້ຜົນການລົງປະຊາມະຕິວ່າສະຫະລາຊະອານາຈັກຕ້ອງການອອກຈາກສະພະພາບເອີຣົບ (ອີຢູ) ຈົນຮ້ານຕ້ອງແຂວນປ້າຍວ່າເງິນໝົດ.
ເງິນປອນອ່ອນຄ່າລົງ 10% ທຽບກັບໂດລາສະຫະລັດ ໂດຍໄປທົດສອບລະດັບຕ່ຳສຸດທີ່ປອນລະ 1.3229 ໂດລາສະຫະລັດຕໍ່າທີ່ສຸດນັບຕັ້ງແຕ່ 1985 ແລະ ອ່ອນຄ່າລົງ 5,43 ທຽບກັບໂດລາສິງກະໂປ ໂດຍເຄື່ອນໄຫວທີ່ປອນລະ 1,88 ໂດລາສິງກະໂປ ຜູ້ບໍລິຫານບໍລິສັດຄົນໜຶ່ງເຜີຍວ່າ ຈະສົ່ງເງິນໄປໃຫ້ລູກສາວທີ່ກຳລັງສຶກສາລະດັບມະຫສາວິທະຍາໄລໃນສະຫະຣາຊະອານາຈັກ ເຂົາມີເງິນສົດຢູ່ 5.000 ໂດລາສິງກະໂປ ຫຼັງວ່າຈະແລກເງິນເປັນປອນໄດ້ບໍ່ຕ່ຳກວ່າ 2.600 ປອນ ຂະນະທີ່ຊາຍໄວກະສຽນຊຶ່ງມີແຜນຈະໄປທ່ຽວສະຫະຣາຊະອານາຈັກໃນເດືອນໜ້າກ່າວວ່າ ທຳອິດຕັ້ງໃຈຈະແລກເງິນໄປທ່ຽວຈັກ 3.000 ປອນ ແຕ່ກ່ອນນີປ່ຽນໃຈທະຍອຍແລກເທື່ອລະສ່ວນ ຈະໄດ້ປະຢັດເງິນຈາກອັດຕາແລກປ່ຽນ ດ້ານຮ້ານຮັບແລກເງິນຫຼາຍແຫ່ງແຂວນປ້າຍວ່າເງິນປອນໝົດ ຜູ້ຈັດການຮ້ານຄົນໜຶ່ງຍອມຮັບວ່າ ມີຕົ້ນທຶນເງິນປອນທີ່ປອນລະ 1,97 ໂດລາສິງກະໂປ ຫາກໃຫ້ລູກຄ້າແລກໃນອັດຕານີ້ຍ່ອມຂາດທຶນແນ່ນອນ.
ນາຍົກລັດຖະມົນຕີລີ ຊຽນລຸງຂອງສິງກະໂປໂພສເຟສບຸກສະແດງຄວາມເຫັນຕໍ່າການລົງປະຊາມະຕິຂອງອັງກິດວ່າ ຊ່ວງ 2-3 ປີ ຂ້າງໜ້າຈະເປັນຊ່ວງເວລາທີ່ບໍ່ແນ່ນອນຂອງອັງກິດ ແລະ ເອີຣົບ ຂະນະທີ່ການອອກຈາກເອີຣົບເປັນເລື່ອງຊັບຊ້ອນບໍ່ຕ່າງຈາກການເຂົ້າຮ່ວມອີຢູ.