ຈາກຂ່າວມື້ວານນີ້ທີ່ເຮົາຂຽນໄວ້ວ່າ ບໍລິສັດ Huawei ນັ້ນກຳລັງພັດທະນາລະບົບ OS ເປັນຂອງຕົນເອງຂຶ້ນມາ ໂດຍມີອະດີດນັກວິສະວະກອນຈາກ Nokia ເປັນສ່ວນໜຶ່ງຂອງທີມງານຫົວເຫວີ່ຍນຳ, ນອກນີ້ກໍມີລາຍງານໃໝ່ທີ່ວ່າ ທາງຫົວເຫວີ່ຍຈະຈ້າງນັກພັດທະນາຈາກບໍລິສັດອື່ນໆເພີ່ມມາອີກເພື່ອເຮັດໃຫ້ການພັດທະນາ OS ມີຄວາມໄວຂຶ້ນ ແລະລະບົບດັ່ງກ່າວນີ້ຈະໃຊ້ຊື່ວ່າ Kirin OS.
ໂດຍຫຼ້າສຸດນີ້ Richard Yu ທີ່ເປັນ CEO ຂອງ Huawei ໄດ້ອອກມາໂພສຂໍ້ຄວາມກ່ຽວກັບຂ່າວດັ່ງກ່າວນີ້ຜ່ານບັນຊີ Weibo ຂອງລາວ ໂດຍມີເນື້ອໃນວ່າ:
” Android ເປັນລະບົບໜຶ່ງທີ່ສົ່ງເສີມໃນດ້ານການພັດທະນາສະມາດໂຟນ ແລະຜູ້ໃຊ້ງານເອງກໍໄດ້ຮັບປະໂຫຍດຈາກມັນ. ຖ້າຫາກວ່າລະບົບປະຕິບັດການຍັງເປີດກວ້າງຕໍ່ການພັດທະນາຢູ່ແບບນີ້ Huawei ກໍຈະຍັງເລືອກໃຊ້ພື້ນຖານລະບົບ Android ຈາກ Google ຕໍ່ໄປ ແລະປະສົບການປັບແຕ່ງລະບົບດ້ວຍ EMUI ຂອງເຮົາ “
ຢ່າງໃດກໍຕາມລາວກໍບໍ່ໄດ້ປະຕິເສດລາຍງານກ່ຽວກັບການພັດທະນາລະບົບ Kirin OS ເລີຍ.
ທີ່ມາ:gizmochina,ເດັກລາວ