ສຳນັກຂ່າວຕ່າງປະເທດລາຍງານວ່າ ຜົນການສຳຫຼວດຂອງປະຊາຊົນຊາວອັງກິດຍັງຄົງເລືອກຢູ່ ອີຢູ ຕໍ່ໄປ ເຊິ່ງການລົງຄະແນນສຽງໄດ້ປິດລົງຢ່າງເປັນທາງການໄປແລ້ວເມື່ອເວລາ 04.00ໂມງ (ວານນີ້) ຕາມເວລາບ້ານເຮົາ ແລະ ໄດ້ມີການນັບຄະແນນສຽງ ເຊິ່ງທາງການຂອງອັງກິດ ຈະເຜີຍຜົນປະຊາມະຕິຢ່າງເປັນທາງການໃນເວລາ 8.00ໂມງ (ວັນນີ້) ຕາມເວລາບ້ານເຮົາ

ສ່ວນຜົນການສຳຫຼວດຄວາມຄິດເຫັນຂອງປະຊາຊົນ (You Gov Poll) ເຜີຍວ່າ ເລືອກຢູ່ຕໍ່ 52% ສ່ວນເລືອກອອກຈາກອີຢູມີ 48% ໂພລຂອງລອນດອນ ອິຟນິງ ສະແຕນດາດ ເຜີຍຜົນສຳຫຼວດໄປໃນທາງດຽວກັນຄື ຊາວອັງກິດເລືອກຢູ່ ອີຢູຕໍ່ປະມານ 52% ເຊັ່ນດຽວກັນ ສ່ວນຜົນສຳຫຼວດຄວາມຄິດເຫັນທາງໂທລະສັບຂອງ ຄອມເຣສ ທີ່ຈັດທຳໃຫ້ແກ່ທາງ ເດລີເມລ ແລະ ITV ນິວສ໌ ເຜີຍກ່ອນເປີດລົງຄະແນນສຽງລະບຸວ່າ ຝ່າຍຢູ່ຕໍ່ນຳດ້ວຍຄະແນນ 48% ຕໍ່ 42%

ແນວໃດກໍດີ ຄົນອັງກິດຫລາຍລ້ານຄົນຍັງບໍ່ແນ່ໃຈວ່າຖ້າແຍກໂຕອອກແລ້ວຊີວິດການເປັນຢູ່ ແລະ ຊະຕາກໍາຂອງອັງກິດຈະດີຂຶ້ນ ຫລື ຂີ້ຮ້າຍລົງກວ່າເກົ່າ ແຕ່ໃນຄວາມເປັນຈິງອັງກິດບໍ່ຢາກຢູ່ໂດດດ່ຽວຈາກສະຫະພາບເອີລົບ ປັດ ຈຸບັນເຢຍລະມັນ, ຝຣັ່ງ, ອີຕາລີເປັນເສົາຄໍ້າສໍາຄັນເຮັດໃຫ້ເສດຖະກິດເອີລົບຍັງສືບຕໍ່ຂະຫຍາຍຕົວເປັນກ້າວໆ

ທີ່ມາ: http://www.innnews.co.th/