ນາຍົກລັດຖະມົນຕີເດວິດ ຄາເມຣອນ ຂອງອັງກິດກ່າວວານນີ້ ອ້ອນວອນຊາວອັງກິດໃຫ້ຄິດເຖິງລູກຫຼານ ແລະ ສະພາບເສດຖະກິດຂອງປະເທດກ່ອນທີ່ຈະລົງຄະແນນສຽງໃນການລົງປະຊາມະຕິວ່າອັງກິດຄວນຈະອອກຈາກການເປັນສະມາຊິກຂອງສະຫະພາບເອີຣົບ ຫຼື ບໍ່.

ທ່ານ ຄາເມຣອນ ກ່າວເຕືອນວ່າ ຄົນຮຸ່ນໃໝ່ຈະຕ້ອງຮັບມໍລະດົກຄວາມເສຍຫາຍ ສະພາບເສດຖະກິດທີ່ຫົດຕົວນ້ອຍລົງຫາກອັງກິດກາຍເປັນປະເທດທຳອິດທີ່ອກຈາກອີຢູ ໃນປະຫວັດສາດການຕໍ່ຕັ້ງອີຢູທີ່ດຳເນີນມາເປັນເວລາ 60 ປີ ພ້ອມກ່າວອີກວ່າ ຫາກອັງກິດຕັດສິນໃຈອອກຈາກອີຢູກໍ່ຈະຕ້ອງອອກໄປແບບຖາວອນ ແລະ ລູກຫຼານຈະຕ້ອງມີຊີວິດຢູ່ກັບຜົນກະທົບທີ່ຈະເກີດຂຶ້ນຕາມມາຊຶ່ງທ່ານຄາເມຣອນຄາດໝາຍວ່າໄດ້ແກ່ສະພາບເສດຖະກິດທີ່ຈະອ່ອນແອລົງ ດ້ານທ່ານນອງ ຄລ໊ອດ ຢຸງເກີ ປະທານຄະນະກຳມະການເອີຣົບ ກ່າວເຕືອນເຊັ່ນກັນວ່າ ຫາກຊາວອັງກິດລົງປະຊາມະຕິເລືອກທີ່ຈະອອກຈາກການເປັນສະມາຊິກອີຢູ ກໍຈະເທົ່າກັບເປັນການກະທຳທີ່ທຳຮ້ອຍຕົນເອງ ແລະ ສົ່ງຜົນກະທົບແບບຮຸນແຮງຕໍ່ທຸກສິ່ງທຸກຢ່າງທີ່ເອີຣົບເຮັດຮ່ວມກັນມາ ການປິ່ນຫຼັງໃຫ້ເພື່ອນບ້ານ ແລະ ຖອຍຫຼັງໄປຢູ່ແບບໂດດດ່ຽວ ເປັນແນວທາງທີ່ກົງກັນຂ້າມກັບທຸກສິ່ງທີ່ເອີຣົບ ແລະ ອັງກິດຢຶດຖື.