ສຳລັບເກມ BTOOOM! Online (Beta) ແມ່ນເປັນເກມທີ່ຖືກສ້າງໂດຍອີງມາຈາກມັງງະເລື່ອງ BTOOOM! ໂດຍຮູບແບບຂອງເກມຈະເປັນແນວລອບສັງຫານດ້ວຍການວາງລະເບີດ ຫຼືທີ່ເອີ້ນວ່າ SBA (Stealth Bomber Action), ເຊິ່ງໂຕເກມນັ້ນຈະຕ້ອງອອນລາຍກັບຜູ້ຫຼິ້ນຄົນອື່ນໂດຍໃຊ້ອາວຸດ BIM ເຊິ່ງເປັນລະເບີດທີ່ມີຄຸນລັກສະນະແຕກຕ່າງກັນ ແລະນຳມາໃຊ້ໂຈມຕີກັນເພື່ອເອົາຊີວິດລອດຈາກເກາະໃຫ້ໄດ້.
ຫຼ້າສຸດນີ້ເອງທາງ Asobimo ຜູ້ພັດທະນາເກມມືຖື BTOOOM! Online (Beta) ເທິງລະບົບ iOS ແລະ Android ກໍໄດ້ອອກມາເຜີຍພາບລະບົບສ້າງໂຕລະຄອນທີ່ເອີ້ນວ່າ Charactor Customize ອອກມາໃຫ້ໄດ້ເບິ່ງກັນແລ້ວ!.
ໃນດ້ານຂອງລະບົບ Charactor Customize ຜູ້ຫຼິ້ນຈະສາມາດເລືອກສ້າງໂຕລະຄອນໄດ້ຢ່າງອິດສະຫຼະ ບໍ່ວ່າຈະເປັນສີຕາ, ສີຜົມ, ຊົງຜົມ ນອກນີ້ແລ້ວກໍລວມໄປເຖິງສ່ວນສູງ, ນ້ຳໜັກ ແລະຂະໜາດໜ້າເອິກຂອງໂຕລະຄອນຜູ້ຍິງອີກນຳ!!. ສິ່ງທີ່ໜ້າສົນໃຈອີກຢ່າງກໍເປັນຊິ້ນສ່ວນໜ້າຕາໂຕລະຄອນຈາກມັງງະທີ່ໃຫ້ເຮົາສາມາດເລືອກໃຊ້ກັນອີກນຳ (ຜູ້ຂຽນຄິດວ່າຄົງເປັນແບບຈ່າຍເງິນຊື້ແນ່ນອນ).
ທ້າຍນີ້ສຳລັບໂໝດ Charactor Customize ຍັງບໍ່ມີລາຍລະອຽດບອກວ່າການສ້າງໂຕລະຄອນຈະສົ່ງຜົນຕໍ່ການຫຼິ້ນເກມຫຼືບໍ່ເຊັ່ນ: ຄວາມໄວ, ຄວາມຊ້າ ແລະຄວາມອຶດຂອງໂຕລະຄອນເປັນຕົ້ນ.
ທີ່ມາ:online station,Deklao