ເວັບໄຊຂ່າວອັງກິດ “The Metro” ລາຍງານຈາກປະເທດບຣາຊິນ ເມື່ອວັນທີ່ 2 ມິຖຸນາ ວ່າ ຜູ້ຊາຍບຣາຊິນຕາສີຟ້າ ຜົມບຣອນ ໃຊ້ຊື່ວ່າ “ຊີອັນ” ແລະຮູ້ຊື່ທີ່ແທ້ຈິງຂອງເຂົາວ່າ “ແມັກ” ໃດ້ຕັດສິນໃຈເຮັດສັນຍາກຳຕາກວ່າ 10 ຮອບ ຫຼັງຈາກທີ່ລາວກັບມາຈາກການໄປເປັນນັກຮຽນແລກປ່ຽນທີ່ ປະເທດເກົາຫຼີໃຕ້ເປັນເວລາ 1 ປີ ຈົນຮູ້ສຶກມັກວັດທະນາທຳເກາຫຼີ
ຊີອັນເຜຍວ່າ ລາວເບິງຊີຣີເກົາຫຼີແລະຟັງເພັງພາສາເກົາຫຼີຈຳນວນຫຼາຍ ຈາກນັ້ນລາວຈຶ່ງມີຄວາມຮູ້ສຶກວ່າ ລາວຕ້ອງການທີ່ຈະເຮັດສັນຍາກຳເພື່ອປ່ຽນຮູບຕາຂອງໂຕເອງ ໃຫ້ຄືຄົນເກາຫຼີທີ່ສຸດ ລາວເວົ້າວ່າ ລາວເຮັດສັນຍາກຳບໍລິເວນຕາຄັ້ງໃຫຍ່ 1 ຄັ້ງ ແລະມີຄັ້ງອື່ນໆຕາມມາອີກຫຼາຍຄັ້ງຮວມຈຳນວນຫຼາຍກວ່າ 10 ຄັ້ງ ນອກຈາກນີ້ ຊີອັນ ຍັງຕັ້ງໃຈທີ່ຈະເດິນທາງເຂົ້າໄປອາໃສ ຢູ່ໃນປະເທດເກົາຫຼີໃຕ້ ໃຫ້ໄວທີ່ສຸດເທົ່າທີ່ຈະໄວໃດ້
ລາວໂພສຮູບຂອງລາວລົງເຄືອຂ່າຍສັງຄົມອອນໄລນສ່ວນໂຕ ໂດຍມີກະແສຕອບຮັບທີ່ມັກແລະບໍ່ມັກການກະທຳຂອງລາວ ລາວຍັງລະບຸອີກວ່າ ແມ້ລາວຈະແປງໂສມໂຕເອງແລ້ວ ແຕ່ລາວຍັງເປັນຄົນບຣາຊິນບໍ່ແມ່ນຄົນເກົາຫຼີໃຕ້.
ຂ່າວໂດຍ: ກຸ້ງຄຳ ແສນມະນີ