ການແຂ່ງຂັນບານເຕະເອີໂຣ 2016 ນັດທີ 3 ຮອບແບ່ງກຸ່ມຂອງກຸ່ມ D ເປັນການພົບກັນລະຫວ່າງ ສະທາລະນະລັດເຊັກ ພົບກັບ ຕວກກີ ໃນເວລາ 02:00 ໂມງ
ທັດສະນະ
ສາທາລະນະລັດເຊັກ ເກັບ 1 ຄະແນນຈາກເກມນັດທີ່ຜ່ານໄດ້ຢ່າງເຫລືອເຊື່ອ ຫລັງຈາກໄລ່ຕີສະເໝີໂຄອາຊີ 2-2 ປະຕູ ໄດ້ໃນຊ່ວງທ້າຍເກມ ທັງໆທີ່ຖືກນຳໄປກ່ອນ 2-0 ປະຕູເກມນີ້ເຊັກຕ້ອງເກັບ 3 ຄະແນນໃຫ້ໄດ້ເພື່ອຢ່າງນ້ອຍຈະໄດ້ລຸ້ນເປັນທີ 3 ຂອງກຸ່ມ ເພື່ອໂອກາດເປັນທີມອັນດັບ 3 ທີ່ຜົນງານດີທີ່ສຸດ 4 ທີມທີ່ໄດ້ຜ່ານເຂົ້າສູ່ຮອບຕໍ່ໄປ ເກມນັດນີ້ເຊັກຈະບໍ່ມີຈອມທັບກັບຕັນທີມ ໂທມັດ ໂລຊິກກີ້ ທີ່ບາດເຈັບໜັກຕ້ອງພັກຢ່າງນ້ອຍ 3 ອາທິດ ເທົ່າກັບວ່າການແຂ່ງຂັນເອີໂຣ 2016 ໂລຊິກກີ້ ໝົດສິດລົງຫລິ້ນແລ້ວຮຽບຮ້ອຍ, ທາງດ້ານຕວກກີ ທີມຍັງບໍ່ມີຄະແນນຈາກການເສຍລວດທັງ 2 ນັດ ແຕ່ທີມຍັງມີລຸ້ນແຊງຂຶ້ນເປັນທີ 3 ເພື່ອຫວັງລຸ້ນເປັນທີມອັນດັບ 3 ທີມທີ່ຜົນງານດີທີ່ສຸດ ແຕ່ກໍຕ້ອງເກັບ 3 ຄະແນນໃນເກມນີ້ໃຫ້ໄດ້ເທົ່ານັ້ນ ເກມນີ້ຕວກກີບໍ່ມີບັນຫາເລື່ອງຜູ້ຫລິ້ນບາດເຈັບຫລືຕິດໂທດແບນ ຕວກກີຜົນງານບໍ່ຄ່ອຍດີເທົ່າໃດໂດຍສະເພາະໃນເກມບຸກ ນັດພົບກັບແອດສະປາຍທີມຍິງບໍ່ເຂົ້າປະຕູເລີຍ ສ່ວນນັດທີ່ເສຍໃຫ້ໂຄອາຊີ ຍິງເຂົ້າປະຕູພຽງ 2 ເທື່ອຈາກຈັງຫວະຍິງ 4 ເທື່ອ ຜ່ານມາ 2 ນັດທີມຍັງເຮັດປະຕູບໍ່ໄດ້ຈັກລູກ
ຂະນະທີ່ເຊັກ ພວກເຂົາສະແດງໃຫ້ເຫັນແລ້ວວ່າເປັນທີມທີ່ພ້ອມສູ້ເຕັມທີ່ຈາກໄລ່ຍິງຕີສະເໝີໄດ້ໃນເກມທີ່ຜ່ານມາ ຖ້າເບິ່ງຈາກຜົນງານແລະຄວາມມຸ່ງຫມັ້ນຕັ້ງໃຈ ທາງສາທາລະນະລັດເຊັກ ໜ້າຈະມີຫລາຍກວ່າ ເຊື່ອວ່າສາທາລະນະລັດເຊັກຈະເຮັດຜົນງານໃນເກມນີ້ໄດ້ດີກວ່າ ຕວກກີ ແລະໜ້າຈະເປັນທີມທີໄດ້ 3 ຄະແນນໃນເກມນີ້