ຕອນຍັງນ້ອຍເຄີຍຖືກຖາມວ່າໃຫຍ່ຂຶ້ນມາຢາກເປັນຫຍັງ ຊ່ວງນັ້ນບອກໄດເລີຍວ່າອາຊີບໃນຝັນເຕັມຫົວໄປໝົດນັ້ນກໍ່ຢາກເປັນນີ້ກໍ່ຢາກເປັນ ບໍ່ວ່າຈະເປັນຕຳຫຼວດ, ເປັນຄູ, ເປັນໝໍ, ແຕ່ບໍ່ເຄີຍຄິດທີ່ຈະເຮັດອາຊີບແປກໆ ແລະ ກໍ່ບໍ່ເຄີຍໄດ້ຍິນກ່ຽວກັບອາຊີບແປກໆ ຈົນທາງວາລະສານ List 25 ສຳຫຼວດມາບອກກັນວ່າ ໃນໂລກຂອງເຮົາຍັງມີອີກ 17 ອາຊີບສຸດແປກ ທີ່ຄົນບໍ່ເຄີຍຮູ້ວ່າມັນຈະມີຢູ່ແທ້ໃນໂລກໜ່ວຍນີ້ ເຊິ່ງຈະແປກຂະໜາດໃດນັ້ນເຮົາທ່ເບິ່ງກັນເລີຍ

1. ອາຊີບກຳຈັດຄາບຊິງອົ້ມ (Gum Buster): ຊິງອົ້ມທີ່ຕິດຕາມຝາເຮືອນ, ຝາໂຮງຮູບເງົາ, ຕາມພື້ນຖະໜົນ ແລະ ຈຸດອື່ນໆ ທີ່ແກະບໍ່ອອກສາມາດເອີ້ນໃຊ້ບໍລິການໄດ້

2. ອາຊີບເກັບກິ່ນລົມຫາຍໃຈເໝັນ (Breath Odor Evaluator): ບໍລິສັດຜະລິດຊິງອົ້ມ ຫຼື ຜະລິດຕະພັບກຳຈັດກິ່ນປາກຈະຈ້າງຄົນຈຳພວກໜຶ່ງບໍ່ມາງໂດຍບໍ່ໃຫ້ຄົນກຸ່ມນີ້ຖູແຂ້ວ ຫຼື ອານະໄມປາກ ສາເຫດທີ່ເຮັດແບບນີ້ແມ່ນເຈົ້າຂອງຜະລິດຕະພັນຈະໄດ້ເຮັດການທົດລອງກິ່ນປາກກັບສິນຄ້າຂອງພວກເຂົານັ້ນເອງ

3. ອາຊີບເບິ່ງແຍງເປັດໃນໂຮງແຮມ(Duck Master): ມີໜ້າທີ່ດູແລຄວາມເປັນຢູ່ຂອງບັນດາເປັດທີ່ໂຊຕົວຢູ່ໃນສະລອຍນ້ຳຂອງໂຮງແຮມ ບໍ່ວ່າຈະເປັນເລື່ອງອາຫານການກິນ ສຸຂະພາບທົ່ວໄປ ແລະ ຝຶກເປັດໃຫ້ຍ່າງພາເຫລດໂຊລູກຄ້າ

4. ຄົນໄລ່ກາ (Human Scarecrow): ໃນປະເທດອັງກິດມີອາຊີບຄົນໄລ່ກາເປັນຊ່ອງທາງຫາລາຍຮັບຂອງທຸກເພດທຸກໄວ ຮຽກໄດ້ວ່າເປັນອາຊີບທີ່ປົກປ້ອງພືດພັນ

5. ຄົນຮັບຈ້າງໂບກລົດ (Professional Hitchhiker): ດ້ວຍການຈາລະຈອນໃນປະເທດອິນໂດເນເຊຍທີ່ມີກົດເກນ ແລະ ຂໍ້ຈຳກັດຫຼາຍຢ່າງ ເຮັດໃຫ້ບັນດາຊາວອິນໂດເນເຊຍກຸ່ມໜຶ່ງປະກອບອາຊີບເປັນຄົນໂບກລົດ ຄອຍເຮັດໜ້າທີ່ເໝືອນໄກດ໌ນຳທ່ຽວນຳພາເຈົ້າຂອງລົດໄປສູ່ຈຸດໝາຍປາຍທາງດ້ວຍຄວາມໄວ ແລະ ປອດໄພ

6. ຮັບຈ້າງລຶບສີທີ່ແຫ້ງ (Paint Drying Watcher): ມີບໍລິສັດຮັບຈ້າງກຳຈັດສີເທິງກຳແພງ ຫຼື ພື້ນຖະໜົນ ທີ່ເປັນສີແຫ້ງ ເຖິງຈະເປິເປື້ອນພຽງໃດກໍ່ລຶບສີນັ້ນອອກໄປໄດ້

7. (Professional Elephant Dresser): ທີ່ປະເທດສີລັງກາໃຫ້ຄວາມສຳຄັນກັບຊ້າງຫຼາຍຈົນເຮັດເປັນອາຊີບສະຕາຍຣລິດປະຈຳຕົວຊ້າງເກີດຂຶ້ນມາໃນໂລກໜ່ວຍນີ້ ໃຜໄດ້ໄປທ່ຽວປາງຊ້າງຂອງສີລັງກາຈະໄດ້ເຫັນຄວາມອະລັງການຂອງຊຸດທີ່ຊ້າງໃສ່ແນ່ນອນ

8. ພີ່ລ້ຽງນົກກະຈອກເທດ (Ostrich Babysitter)

ທີ່ແອຟຣິກາໃຕ້ຈະໃສ່ໃຈກັບຄວາມເປັນຢູ່ຂອງນົກກະຈອກເທດຫຼາຍເປັນພິເສດ ເລີຍເກີດມີອາຊີບພີ່ລ້ຽງນົກກະຈອກເທດເກີດຂຶ້ນ

9. ຊ່າງປົກປິດປ້າຍລົດ (Car Plate Blockers): ກົດໝາຍການໃຊ້ລົດໃຊ້ຖະໜົນຂອງອີ່ຣ່ານພວກເຂົາຈຳກັດວ່າລົດທະບຽນເລກນີ້ສາມາດໃຊ້ຖະໜົນໄດ້ໃນວັນໃດ ດັ່ງນັ້ນເພື່ອຄວາມສະບາຍແລ້ວ ຊາວອີ່ຣ່ານຈິ່ງເລືອກໃຊ້ບໍລິການປົກປິດທະບຽນເລກລົດທີ່ແທ້ຈິງຂອງຕົນເອງ

10. ເຈົ້າໜ້າທີ່ຈັດລະບຽບຜູ້ໂດຍສານປະຈຳສະຖານີລົດໄຟ (Oshiya): ການເດີນທາງດ້ວຍລົດໄຟໃຕ້ດິນເປັນເສັ້ນທາງຫຼັກຂອງປະເທດຢີ່ປຸ່ນ ຊາວຢີ່ປຸ່ນຈິ່ງໃຊ້ບໍລິການສະຖານີລົດໄຟໃຕ້ດິນເປັນຈຳນວນຫຼາຍ ສົ່ງຜົນຕ້ອງມີຄົນເຮັດໜ້າທີ່ຈັດໜ້າທີ່ຜູ້ໂດຍສານປະຈຳລົດໄຟ ເຊິ່ງມີໜ້າທີ່ຄອຍດັນຜູ້ໂດຍສານເຂົ້າໂບກີ້ລົດໄຟຢ່າງເຕັມກຳລັງ ເພື່ອໃຫ້ລົດໄຟແຕ່ລະທ້ຽວນັ້ນສາມາດບັນຈຸຜູ້ໂດຍສານໃຫ້ໄດ້ຫຼາຍທີ່ສຸດເທົ່າທີ່ຈະເປັນໄປໄດ້

ທີ່ມາ: http://money.kapook.com/view119791.html