ເງິນປອນອັງກິດຟື້ນຕົວພ້ອມກັບຫຸ້ນໃນອາຊີມື້ນີ້ຫຼັງຖືກເທຂາຍຢ່າງໜັກເມື່ອວານນີ້ ເນື່ອງຈາກອັນກິດລະງັບການຫາສຽງລົງປະຊາມະຕິ ຫຼັງເກີດເຫດຄາຕະກຳ ສສ ຝ່າຍຄ້ານທີ່ສະໜັບສະໜູນໃກ້ອັງກິດຢູ່ໃນສະຫະພາບເອີຣົບ (ອີຢູ).
ຕະຫຼາດເຫັນວ່າ ການລະງັບຫາສຽງໄປຈົນເຖິງທ້າຍອາທິດນີ້ກ່ອນທີ່ຈະມີການລົງປະຊາມະຕິໃນວັນທີ 23 ມິຖຸນາເປັນຜົນດີຕໍ່ກຸ່ມ Remain ທີ່ສະໜັບສະໜູນໃຫ້ອັງກິດຢູ່ໃນອີຢູຊຶ່ງກຳລັງມີຄະແນນຕາມຫຼັງກຸ່ມ Leave ທີ່ສະໝັບສະໜູນໃຫ້ອັງກິດອອກຈາກອີຢູ ສຳນັກຂ່າວບລູມເບີກລາຍງານວ່າ ເງິນປອມຊື້ຂາຍທີ່ຕະຫຼາດໂຕກຽວມື້ນີ້ທີ່ປອນລະ 1.4272 ໂດລາສະຫະລັດ ແຂງຄ່າຂຶ້ນຈາກປອນລະ 1.4211 ໂດລາສະຫະລັດ ໃນການຊື້ຂາຍທີ່ຕະຫຼາດນິວຢອກແລງວານນີ້ ແລະ ແຂງຄ່າຂຶ້ນເມື່ອທຽບກັບເງິນສະກຸນຫຼັກ 13 ສະກຸນຈາກທັງໝົດ 16 ສະກຸນ.
ໜັງສືພິມ ນິເກອິຂອງຍີ່ປຸ່ນລາຍງານວ່າ ຄວາມກັງວົນວ່າຊາວອັງກິດອາດລົງປະຊາມະຕິສະໜັບສະໜູນໃຫ້ອອກຈາກອີຢູ ຫຼື ທີ່ຮຽກວ່າ Brexit ເຮັດໃຫ້ທະນາຄານກາງສະຫະລັດ ຍີ່ປຸ່ນ ແລະ ເອີຣົບກຳລັງຫາລືກັນອັດສີດເງິນໂດລາສະຫະລັດສຸກເສີນເຂົ້າສູ່ຕະຫຼາດເພື່ອບັນເທົາທຸກພາວະບໍ່ມີສະຖຽນລະພາບ.