ASUS ເປີດໂຕສະມາດໂຟນລຸ້ນໃໝ່ຂອງຕະກູນ ZenFone ໃນປີນີ້ເປັນລຸ້ນທີ່ 4 ນັ້ນກໍຄື: Pegasus 3. ໂດຍກ່ອນໜ້ານີ້ກໍເປັນ ZenFone 3, ZenFone 3 Deluxe ແລະ ZenFone 3 Ultra ທີ່ເປີດໂຕໄປກ່ອນໜ້ານີ້. ສຳລັບໂຕເຄື່ອງ ZenFone Pegasus 3 ເຮັດດ້ວຍວັດສະດຸໂລຫະທັງໂຕ ແລະ ມາພ້ອມເຊັນເຊິ້ສະແກນນິ້ວມືດ້ານຫຼັງໂຕເຄື່ອງ
ທາງດ້ານຮາດແວຣ໌ແມ່ນມາພ້ອມກັບຈໍຂະໜາດ 5.2 ນິ້ວ, ຄວາມລະອຽດ HD (1280 x 720 ພິກເຊວ). ໃຊ້ງານຊິບປະມວນຜົນຄອດຄໍ MT6737, RAM 2GB ແລະ 3GB RAM. ພື້ນທີ່ຈັດເກັບ 16GB ແລະ 32GB. ໃຊ້ງານລະບົບ Android 6.0 Marshmallow ທັບດ້ວຍ ZenUI 3.0.
ດ້ານຫຼັງໂຕເຄື່ອງມີກ້ອງຫຼັງຄວາມລະອຽດ 13 ລ້ານພິກເຊວ, ຄ່າຮູຮັບແສງ f/2.2 ພ້ອມດ້ວຍແຟລັດ LED ແລະກ້ອງໜ້າໃຫ້ມາ 5 ລ້ານພິກເຊວ ພ້ອມຄ່າຮູຮັບແສງ f/2.0. ທາງດ້ານແບັດເຕີຣີທີ່ເປັນໄຮໄລ້ສຳຄັນຂອງໂທລະສັບກໍຄືໃຫ້ແບັດມາ 4100mAh ຖືວ່າຫຼາຍພໍສົມຄວນ ແລະແບັດລະດັບນີ້ສາມາດຢູ່ຮອດແລງໄດ້ໂດຍບໍ່ຕ້ອງສາກແນ່ນອນ.
ສຳລັບ ZenFone Pegasus 3 ມີໃຫ້ເລືອກ 4 ສີໄດ້ແກ່: ສີເງິນ, ສີເທົາ, ສີຄຳ ແລະສີບົວຄຳ.
ສຳລັບລາຄາໂຕເຄື່ອງດັ່ງນີ້:
– ZenFone Pegasus 3 ລຸ້ນ RAM 2GB + ROM 16GB ລາຄາ 1299 ຢວນ (1.590.000 ກີບ)
– ZenFone Pegasus 3 ລຸ້ນ RAM 3GB + ROM 32GB ລາຄາ 1499 Yuan (1.840.000 ກີບ)
ສ່ວນມື້ວາງຈຳໜ່າຍແມ່ນຈະເລີ່ມໃນໄວໆນີ້ທີ່ປະເທດຈີນ
ທີ່ມາ:gizmochina