ຊາຍຊາວລອນດອນຄົນໜຶ່ງໄດ້ເລົ່າປະສົບການສ່ວນຕົວ ເມື່ອເຂົາໄປປະຊຸມທີ່ປາກີສະຖານ ເກີດມີອາການເຈັບໜ້າເອິກແບບກະທັນຫັນ ແພດກວດພົບວ່າເສັ້ນເລືອດຫົວໃຈຂອງເຂົາ 3 ເສັ້ນອຸດຕັນຢ່າງແຮງ ຈຳເປັນຕ້ອງຜ່າຕັດເຮັດບາຍພາສ ກຳນົດການຜ່າຕັດຄືອີກ 1 ເດືອນ ໃນຊ່ວງລະຫວ່າງນັ້ນເຂົາໄປພົບໝໍບຳບັດມຸດສະລິມບູຮານ ໝໍບຳບັດໃຫ້ເຂົາເຮັດຢາດື່ມເອງທີ່ເຮືອນ

ເມື່ອດື່ມຄົບ 1 ເດືອນ ລາວກໍ່ໄປກວດສຸຂະພາບທີ່ໂຮງໝໍກ່ອນວັນຜ່າຕັດພົບວ່າເສັ້ນເລືອດທັງສາມເສັ້ນໃສສະອາດ ຈາກທີ່ເຄີຍອຸດຕັນກໍ່ຖືກທະລຸອອກໝົດ ເພື່ອຊ່ວຍໃຫ້ຄົນອື່ນໄດ້ຮັບປະໂຫຍດ ວັນນີ້ໃນຫົວຂໍ້ ສຸຂະພາບ ພວກເຮົາກໍ່ບໍ່ພາດທີ່ຈະເອົາມາບອກຕໍ່ ເຊິ່ງຈະເຮັດແນວໃດນັ້ນມາອ່ານກັນເລີຍ

ສິ່ງທີ່ຕ້ອງກຽມ

1. ນ້ຳໝາກນາວ 1 ຖ້ວຍ

2. ນ້ຳຂິງ 1 ຖ້ວຍ

3. ນ້ຳກະທຽມ 1 ຖ້ວຍ

4. ນ້ຳສົ້ມສາຍຊູແອັບເປິ້ນ 1 ຖ້ວຍ

5. ນ້ຳເຜິ້ງ

ວິທີເຮັດ

1. ນຳກະທຽມ ແລະ ຂິງມາລ້າງປອກເປືອກແລ້ວຊອຍບາງໆ

2. ນຳເອົາທັງສອງໄປບົດໃຫ້ລະອຽດແລ້ວບົດເອົາແຕ່ນ້ຳ

3. ນຳນ້ຳຄັ້ນກະທຽມ ແລະ ຂິງ ລົງໄປໃນໝໍ້ ຕື່ມນ້າໝາກນາວ ແລະ ນ້ຳສົ້ມສາຍຊູແອັບເປິ້ນລົງໄປ ຕົ້ມຈົນຟົດ

4. ໃນເວລາຕົ້ມແມ່ນໃຫ້ຄ່ອຍໆຄົນໄປບໍ່ໃຫ້ຕິດໝໍ້ ໃຊ້ເວລາປະມານເຄິ່ງຊົ່ວໂມງ ກໍ່ຈະໄດ້ຢາໃນປະລິມານເຄິ່ງໜຶ່ງຂອງປະລິມານຢາທີ່ຕົ້ມທຳອິດ

5. ຫຼັງຈາກນັ້ນກໍ່ປະໄວ້ໃຫ້ອຸນຫະພູມຫຼຸດລົງ ປະມານອຸ່ນໆ ຈາກນັ້ນກໍ່ເອົານ້ຳເຜິ້ງລົງໄປປະສົມເລັກໜ້ອຍ (ໃສ່ເພື່ອໃຫ້ທ່ານດື່ມງ່າຍຂຶ້ນ)

6. ຈາກນັ້ນກໍ່ນຳນ້ຳສະໝຸນໄພທີ່ໄດ້ໃສ່ຂວດແກ້ວໄວ້ ແລ້ວເກັບໄວ້ໃນຕູ້ເຢັນເພື່ອກິນຄັ້ງຕໍ່ໄປ

ວິທີດື່ມ 

ດື່ມຄັ້ງລະ 1 ບ່ວງແກງ ກ່ອນອາຫານເຊົ້າທຸກວັນ ຈະສາມາດປິ່ນປົວໂຣກຫົວໃຈ ແລະ ໂຣກຫຼອດເລືອດໃຫ້ຫາຍຂາດໄດ້ ຄົນທົ່ວໄປຍັງສາມາດໃຊ້ເປັນເຄື່ອງດື່ມປະຈຳວັນໄດ້.

ທີ່ມາ: http://www.rak-sukapap.com/2016/05/2_30.html?m=1