ທາງການຟິລິບປິນຖະແຫຼງມື້ນີ້ຢືນຢັນວ່າ ຊາວການາດາທີ່ກຸ່ມຕິດອາວຸດອາບູໄຊຢາຟໃນເຄືອຂ່າຍກຸ່ມອັລກໍອິດະລັກພາຕົວໄປຖືກສັງຫານແລ້ວຈາກຖືກຈັບຕົວໄປພ້ອມກັບອີກ 3 ຄົນມາຕັ້ງແຕ່ເດືອນກັນຍາ 2015 ທາງພາກໃຕ້ຂອງປະເທດ.

ກ່ອນໜ້ານີ້ນາຍົກລັດຖະມົນຕີຈັສຕິນ ທຣູໂດຂອງການາດາກ່າວທີ່ນະຄອນໂທຣອນໂຕຄາດວ່າ ຊາວການາດາຊຶ່ງນັບເປັນລາຍທີ 2 ທີ່ຕົກເປັນຕົວປະກັນຂອງກຸ່ມອາບູໄຊຢາຟເມື່ອບໍ່ເທົ່າໃດເດືອນທີ່ຜ່ານມາ ຖືກສັງຫານແລ້ວ ຂະນະທີ່ປະທານາທິບໍດີເບນິໂຢ ອາຄິໂນ ຜູ້ນຳຟິລິບປິນຖະແຫຼງປະນາມຢ່າງຮຸ່ນແຮງຕໍ່ການຄາຕະກຳທີ່ໂຫດຫ້ຽມ ແລະ ໄຮ້ເຫດຜົນກັບທ້າວ ໂຣເບີດ ຮອລ ຊາວການາດາພາຍຫລັງຖືກກຸ່ມອາບູໄຊຢາຟຈັບເປັນຕົວປະກັນທີ່ເກະຊູລູເມື່ອ 9 ເດືອນກ່ອນ ໂຄສົກກອງທັບຟິລິບປິນກ່າວວ່າ ພົບສ່ວນຫົວໃກ້ກັບໂບດຄາໂທລິກທີ່ເກາະທາງໃຕ້ເມື່ອຄໍ່າວັນຈັນ ຂະນະທີ່ຊາວນອກແວ ແລະ ຍິງຊາວຟິລິບປິນຍັງຄົງຖືກຄວບຄຸມຕົວຢູ່.