ໃນງານເປີດໂຕສະມາດໂຟນລຸ້ນໃໝ່ຈາກບໍລິສັດລູກຂອງຫົວເຫວີ່ຍນັ້ນກໍຄື Honor ທີ່ໄດ້ເປີດໂຕໂທລະສັບລຸ້ນ Honor 5C ທີ່ມາພ້ອມກັບຊິບປະມວນຜົນ Kirin 650 ເປັນຊິບເຊັດລະດັບກາງໂຕຫຼ້າສຸດຈາກຫົວເຫວີ່ຍ ແລະເປັນໂຕທຳອິດທີ່ຜະລິດດ້ວຍຂະບວນການຜະລິດແບບ 16 ນມ ນອກນີ້ກໍມາພ້ອມກັບຊິບປະມວນຜົນກຣາບຟິກ Mali-T830 MP2 ອີກນຳ.

ພາຍໃນງານເປີດໂຕ Honor 5C ຍັງໄດ້ກ່າວວ່າ: ຫົວເຫວີ່ຍໄດ້ສ້າງປະຫວັດສາດອັນສຳຄັນສຳລັບວົງການຊິບເຊັດໃນປະເທດຈີນຄື ການຈັດສົ່ງຊິບເຊັດ Kirin ໄດ້ຫຼາຍກວ່າ 80 ລ້ານອັນ ເມື່ອບໍ່ດົນມານີ້, ເຊິ່ງຖືວ່າເປັນກ້າວທີ່ສຳຄັນສຳລັບແບຣນຈີນທີ່ພະຍາຍາມບຸກຕະຫຼາດໂລກໃຫ້ໄດ້.

ສຳລັບຊິບປະມວນຜົນ Kirin 650 ນີ້ແມ່ນມີການເພີ່ມປະສິດຕິພາບຂຶ້ນເຖິງ 65℅ (ໜ້າຈະທຽບກັບ Kirin 620) ແຕ່ໃນຂະນະດຽວກັນກໍສາມາດຫຼຸດການໃຊ້ພະລັງງານລົງໄດ້ 70%  ເຊິ່ງຖືວ່າເໝາະແກ່ການນຳມາໃຊ້ກັບສະມາດໂຟນໃນປັດຈຸບັນເລີຍ ນອກກໍຍັງມີພວກຄຸນສົມບັດອື່ນໆອີກຫຼາຍຢ່າງ.

ປິດທ້າຍຂ່າວດ້ວຍການເປີດໂຕສະມາດໂຟນລຸ້ນໃໝ່ໃນລາຄາປະຢັດຈາກ Honor ນັ້ນກໍຄື Honor 5A ທີ່ເປີດໂຕໄປແລ້ວມື້ວານນີ້ເອງ

ທີ່ມາ:gizmochina