ທາງການສິງກະໂປມີພີທີບົດ ແລະ ເຜົາທຳລາຍງາຊ້າງເຖື່ອນນໍ້າໜັກຮ່ວມ 8 ໂຕນທີ່ຢຶດມາໄດ້ໃນຊ່ວງ 2 ປີກວ່າທີ່ຜ່ານມາ ໃນມື້ນີເພື່ອປ້ອງກັນການຄ້າງາຊ້າງຜິດກົດໝາຍ ຂະນະທີ່ເຄື່ອນໄຫວຮຽກຮ້ອງໃຫ້ມີກົດໝາຍເຂັ້ມງວດຫຼາຍຂຶ້ນ.
ສຳນັກງານອາຫານກະເສດ ແລະ ສັດວິທະຍາຖະແຫຼງວ່າ ງາຊ້າງກວ່າ 2.700 ອັນ ນໍ້າໜັກ 7,9 ໂຕນຖືກນຳມາກອງລວມກັນ ແລະ ບົດທຳລາຍກ່ອນເຜົາຖິ້ມ ນັບເປັນຄັ້ງທຳອິດຂອງພິທີທຳລາຍງາຊ້າງເຖື່ອນທີ່ຢຶດໄດ້ໃນສິງກະໂປ ໂດຍກ່ອນໜ້ານີ້ສິງກະໂປສົ່ງຄືນງາຊ້າງເຖື່ອນກັບປະເທດຕົ້ນທາງ ບໍລິຈາກເຂົ້າພິພິທະພັນ ຫຼື ເກັບໄວ້ເພື່ອການສຶກສາ ຄາດວ່າງາຊ້າງເຖື່ອນຊຸດດັ່ງກ່າວມີມູນຄ່າປະມານ 9,6 ລ້ານໂດລາສະຫະລັດ ມາຈາກການຢຶດໃນ 4 ຄັ້ງຊ່ວງລະຫວ່າງເດືອນມັງກອນ 2014-ທັນວາ 2015 ເມື່ອເດືອນພຶດສະພາ 2015 ພົບງາຊ້າງ 2.000 ກິ່ງຊຸກເຊື່ອງໃນລະຫວ່າງການຂົນສົ່ງສິນຄ້າຈາກເຄນຢາ ທ້າວ ເດສນອນ ລີ ເຈົ້າໜ້າທີ່ລະດັບສູງກະຊວງປ້ອງກັນຄວາມສະງົບ ແລະ ການພັດທະນາແຫ່ງຊາດກ່າວວ່າ ພິທີທຳລາຍງາຊ້າງຄັ້ງນີ້ຖືເປັນການສົ່ງສັນຍານວ່າສິງກະໂປຕໍ່ຕ້ອນການຄ້າສັດປ່າຜິດກົດໝາຍ ຂະນະທີ່ຜູ້ອຳນວຍການກອງທຶນສັດປ່າໂລກ ຫຼື WWF ກ່າວວ່າ ສິງກະໂປຈະຕ້ອງເຂັ້ນງວດກົດໝາຍຕໍ່ຕ້ານການຄ້າສິ່ງຜິດກົດໝາຍໃຫ້ຫລາຍຂຶ້ນ.