ສຳນັກຂ່າວເອເອັຟພີລາຍງານຈາກນະຄອນຫຼວງພະນົມເປນ ປະເທດກຳປູເຈຍ ເມື່ອວັນທີ 12 ມິຖຸນາ ວ່າ ມີລາຍລະອຽດໃໝ່ທີ່ບໍ່ເຄີຍປະກົດມາກ່ອນ ຂອງເມືອງບູຮານທີ່ຊ້ອນຕົວຢູ່ໃນປາດົງໃຫຍ່ທີ່ກຳປູເຈຍໃກ້ກັບນະຄອນວັດ ຖືກເປີດເຜີຍດ້ວຍການໃຊເທັກໂນໂລຢີແສງເລເຊີຣ ຖືເປັນການໄຂປິດສະໜາຄັ້ງໃໝ່ ໃນອະລິຍະທຳທີ່ຢູ່ເບື້ອງຫຼັງບູຮານສະຖານຂະໜາດໃຫຍ່ທີ່ສຸດຂອງໂລກ.

    ຂະນະທີ່ການວິໄຈສຳຫຼວດດຳເນີນມາຫຼາຍປີແລ້ວ ແຕ່ການຄົ້ນພົບໃໝ່ໄດ້ເຜີຍໃຫ້ເຫັນຂອບເຂດອັນກ້ວາງໃຫຍ່ໄພສານ ຂອງພື້ນທີ່ຊຸມຊົນເມືອງ ແລະ ຜາສາດທັງໝົດຂອງອານາຈັກຂອມ ໂດຍຮອບຜາສາດນະຄອນວັດໃນແຂວງ ສຽມລຽບ ເຊິ່ງໃຫຍ່ກວ່າທີ່ເຄີຍຄິດໄວ້ກ່ອນໜ້ານີ້ຫຼາຍເທົ່າ.

ການວິໄຈທີ່ກຳນົດໂຄງຮ່າງທາງອາກາດ ໂດຍໃຊ້ເທັກໂນໂລຢີການສະແກຣນດ້ວຍເລເຊີຣ ທີ່ຮູ້ຈັກກັນໃນຊື່ Lidar ຈະຖືກເປີດເຜີຍໂດຍລາຍລະອຽດ ໃນການປະຊຸມສະມາຄົມພູມສັນຖານໃນພຣະບຣົມຣາຊິນູປະຖຳຂອງອັງກິດ Royal Geographic Society ທີ່ນະຄອນລອນດອນ ໃນວັນຈັນ (13 ມິຖຸນາ 2016) ໂດຍທ່ານ ເດມຽນ ອີແວນສ໌ ນັກບູຮານຄະດີຊາວອົດສະຕາລີ.

ຂ່າວຈາກ: http://www.dailynews.co.th/foreign/502155