spot_img
Homeສຸຂະພາບ ແລະ ສີ່ງແວດລ້ອມວິວັດທະນາການໃໝ່ ສາມາດສ້າງເນື້ອເຫຍື່ອຂອງມະນຸດຄືນໃໝ່ໄດ້

ວິວັດທະນາການໃໝ່ ສາມາດສ້າງເນື້ອເຫຍື່ອຂອງມະນຸດຄືນໃໝ່ໄດ້

Published on

ທ້າວ Nicolas Clark ສາມາດກັບຄືນມາກະໂດດ ໂລດເຕັ້ນ ໄດ້ອີກ ເຖິງແມ່ນວ່າລາວ ໄດ້ສູນເສຍກ້າມເນື້ອສ່ວນໃຫຍ່ໃນບີແຂ່ງເບື້ອງຊ້າຍໃນເຫດອຸບປະຕິເຫດກໍຕາມ.

ທ້າວ Clark ຜູ້ປ່ວຍທີ່ໄດ້ຮັບການຜ່າຕັດກ່າວວ່ານອກເໜືອໄປຈາກການສູນເສຍກ້າມເນື້ອ ແລ້ວ ຂ້ອຍຍັງໄດ້ສູນເສຍເສັ້ນປະສາດສ່ວນໃຫຍ່ ແລະເສັ້ນເລືອດແລະພວກເນື້ອເຫຍື່ອ ອື່ນໆ ໃນຂາຂອງຂ້ອຍນຳ ຊຶ່ງມັນໄດ້ຈຳກັດການເຄື່ອນຕ່ໄຫວຕ່າງໆຫຼາຍຢ່າງ.

ສ່ວນໃຫຍ່ຂອງກ້າມເນື້ອຂອງລາວ ແມ່ນໄດ້ປົ່ງຄືນມາໃໝ່ ຍ້ອນນະວະກຳການບຳບັດ ຊະນິດໃໝ່ ທີ່ສູນກາງການແພດມະຫະວິທະຍາໄລ Pittsburgh Medical Centerຊຶ່ງໄດ້ເອົາ ເນື້ອເຫຍື່ອມາຈາກໝູແລະຈັດແຍກແຊລຕ່າງໆຂອງພວກສັດອອກ. ສິ່ງທີ່

ເຫຼືອຢູ່ນັ້ນ ແມ່ນ ເປັນເນື້ອເຫຍື່ອ ທີ່ເອີ້ນວ່າ extracellular matrix.

Dr. Stephen Badylak ຈາກສູນກາງການແພດຂອງມະຫະວິທະຍາໄລ Pittsburgh ກ່າວວ່າ “Extracellular matrix ແມ່ນເປັນເນື້ອເຫຍື່ອທີ່ສາມາດສົ່ງສັນຍານ ທີ່ສາມາດ ບັງຄັບ ຫຼາຍສິ່ງຫຼາຍຢ່າງໃນຮ່າງກາຍຂອງທ່ານ. ພວກມັນສາມາດຄວບຄຸມການຈະ ເຣີນເຕີບໂຕຂອງເນື້ອເຫຍື່ອ ຕົວຢ່າງເຊັ່ນ ພວກມັນຄວບຄຸມຂັ້ນຕອນການດຳເນີນງານ ທີ່ເກີດຂຶ້ນ ຫຼັງຈາກການເກີດອຸບປະຕິເຫດ.”

ເວລາພວກເຮົາສູນເສຍເນື້ອເຫຍື່ອຂອງພວກເຮົາ ຕອນປະສົບອຸບປະຕິເຫດ ຫຼືຈາກໂຣກ ຕ່າງໆ ເນື້ອເຫຍື່ອ extracellular matrix ກໍຖືກສູນເສຍໄປເຊັ່ນກັນ ເພາະສະນັ້ນເນື້ອ ເຫຍື່ອໃໝ່ຈຶ່ງບໍ່ມີທິດທາງເດີນໃນການຈະເລີນເຕີບໂຕຄືນໃໝ່. ເພາະສະນັ້ນເນື້ອເຫຍື່ອ matrix ຂອງໝູນີ້ ຈຶ່ງມາເປັນຜູ້ຊີ້ນຳໃຫ້ ເຖິງແມ່ນວ່າມັນ ຈະບໍ່ເປັນຂອງທີ່ບໍ່ໄດ້ມາຈາກ ມະນຸດກໍບໍ່ສຳຄັນ.

Dr. Badylak ກ່າວວ່າ “ປາກົດວ່າ ການປະກອບສ່ວນ ຫຼືໂມໂລກູລ ທີ່ປະກອບເປັນ extra- cellular matrix ນັ້ນແມ່ນເປັນພື້ນຖານທີ່ສຳຄັນຍິ່ງ ໃນຂັ້ນຕອນການປະຕິບັດ ງານ ຈ່ຶງໄດ້ສະສົມໄວ້ເປັນຢ່າງດີຕະຫຼອດມາຜ່ານວິວັດທະນາການ. ສະນັ້ນໂມໂລກູລ ໃນພວກເຮົາ ມວນມະນຸດ ຈຶ່ງມີສ່ວນຄ້າຍຄືກັນກັບຂອງພວກໝູ ໃນຈຳພວກໜູ ແລະ ອາດຈະເປັນຈຳພວກໄດໂນເສົາກໍເປັນໄດ້ ໂດຍຜ່ານວິວັດທະນາການມາທັງໝົດ.”

ຄວາມຈິງແລ້ວເນື້ອເຫຍື່ອຂອງສັດແມ່ນດີກວ່າເນື້ອເຫຍື່ອຂອງມະນຸດທີ່ຮັບບໍຣິຈາກມາ ຊະດ້ວຍຊໍ້າ ເພາະວ່າມັນຈະບໍ່ນຳພາເຊື້ອໂຣກມາ ທັງຈະມີໄວ້ຢູ່ຕະຫຼອດ.

ໃນດ້ານນ່ຶງໃນການບຳບັດດ້ວຍ matrix ທີ່ໄດ້ພິສູດໃຫ້ເຫັນຢ່າງສຳເລັດຜົນ ກໍຄືການບຳ ບັດພວກຄົນໄຂ້ ທີ່ຜ່າຕັດເອົາຫຼອດລົມອອກ ຍ້ອນການຖືກທຳລາຍຂອງໂຣກມະເຮັງ ຫຼື ການບາດເຈັບ.

Dr. Badylak ກ່າວວ່າ “ພວກເຮົາສາມາດທີ່ຈະຂູດເອົາໂຣກມະເຮັງອອກຈາກ ຫຼອດ ລົມ ໄດ້ໝົດ ຄືກັນກັບຂູດ wallpaper ຫຼືເຈ້ຍຕິດຝານັ້ນອອກ ດ້ວຍ matrix ແລ້ວພວກ ເຮົາກໍ ຈະຫາທາງໃຫ້ມີການຈະເລີນເຕີບຕົວຂອງຝາຜະໜັງດ້ານໃນ ທີ່ແຂງແຮງ ແລະ ແຕ່ນັ້ນມາ ພວກເຮົາກໍບໍ່ເຫັນໂຣກມະເຮັງກັບຄືນມາໃໝ່ ອີກຈົນ ເທົ່າເຖິງປະຈຸບັນນີ້.”

ຖ້າປຽບທຽບໃສ່ການບຳບັດຂອງ stem cell ແລ້ວກຳມະວິທີນີ້ ແມ່ນມີຄ່າໃຊ້ຈ່າຍຖືກ ຫຼາຍ. Matrix ມີຫຼາຍໆຂະໜາດ ແລະຮູບແບບ ທັງທີ່ປຽກຊຸ່ມແລະແຫ້ງ ແລະສາມາດ ສັ່ງຊື້ໄດ້ຈາກ ຫ້ອງທົດລອງວິທະສາດຕ່າງໆ.

ບັນດານັກວິທະຍາສາດກ່າວວ່າການທ້າທາຍທີ່ຍິ່ງໃຫຍ່ກໍຄືການປະດິດຄິດສ້າງອະໄວ ຍະຫວະທັງໝົດ ຄື ຕັບຫຼື ໝາກໄຂ່ຫຼັງ ອິງຕາມຫຼັກການອັນດຽວກັນ. ເທົ່າເຖິງປະຈຸບັນນີ້ ບັນດານັກວິທະຍາສາດກ່າວວ່າ ຜົນປາກົດອອກມາ ແມ່ນດີກວ່າສິ່ງທີ່ສັນຍາໄວ້.

ຂໍ້ມູນຈາກ ວີໂອເອ

531921_467282310018673_694437652_n

ບົດຄວາມຫຼ້າສຸດ

ຮັບຮອງແລ້ວ “ຕາແສງຊ້າງມີໄຊ” ຢູ່ທີ່ເມືອງໄຊທານີ ນວ ມີທັງໝົດ 23 ບ້ານ

ຮັບຮອງສ້າງຕັ້ງຕາແສງທຳອິດ ຂອງນະຄອນຫຼວງວຽງຈັນ ຢູ່ເມືອງໄຊທານີ ຊື່ວ່າ "ຕາແສງຊ້າງມີໄຊ" ມີ 23 ບ້ານ ໃນວາລະການດຳເນີນກອງປະຊຸມສະໄໝວິສາມັນ ເທື່ອທີ 1 ຂອງສະພາປະຊາຊົນນະຄອນຫຼວງວຽງຈັນ (ນວ) ຊຸດທີ IIໃນວັນທີ...

ໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ.

ພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ. ໃນວັນທີ 20 ພຶດສະພາ 2025 ທີ່ຫໍວັດທະນະທຳໄກສອນພົມວິຫານ ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ...

ຜູ້ເຊົ່າແກ້ເຜັດ! ຂ້າງຫ້ອງລັກລ້ຽງໝາ ສົ່ງສຽງດັງ ມີກິ່ນ ເຈີປ່ອຍງູໃຫຍ່ກາງຫ້ອງເຊົ່າເພື່ອເອົາຄືນ

ມິຕິໃໝ່ຂອງການເອົາຄືນ! ຖ້າເຈົ້າລ້ຽງໝາ ຂ້ອຍຈະລ້ຽງງູ. ເປັນອີກໜຶ່ງເລື່ອງລາວທີ່ເປັນກະແສຢູ່ທີ່ປະເທດໄທໃນຕອນນີ້ ເມື່ອມີຜູ້ໃຊ້ບັນຊີເຟສບຸກລາຍໜຶ່ງ ອອກມາໂພສໃນວັນທີ 19 ພຶດສະພາ 2025 ຜ່ານມາ, ພ້ອມພາບ ຄົນມາປ່ອຍງູໃຫຍ່ 2 ໂຕຢູ່ທາງຍ່າງຂອງຫ້ອງເຊົ່າແຫ່ງໜຶ່ງ ເຂດຣັດຊະດາ,...

ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ

ເຈົ້າໜ້າທີ່ກອງກວດກາປ່າໄມ້ ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ ຈົ້າໜ້າທີ່ກອງກວດກາປ່າໄມ້ ແຂວງວຽງຈັນ ໄດ້ລົງກວດກາພົບເຫັນການລັກລອບຕັດໄມ້, ເລື່ອຍໄມ້ຢູ່ເຂດປ່າປ້ອງກັນແຫ່ງຊາດແຫຼ່ງນ້ຳເຟືອງ ແລະ ປ່າຜະລິດແຫ່ງຊາດຫ້ວຍສຽດແຕ່ບໍ່ພົບເຫັນຜູ້ກະທຳຜິດ ຈຶ່ງໄດ້ຢຶດ, ອາຍັດໄມ້ໄວ້, ປັດຈຸບັນເຈົ້າໜ້າທີ່ກອງກວດກາປ່າໄມ້ແຂວງວຽງຈັນຍັງສືບຕໍ່ສົມທົບກັບພາກສ່ວນກ່ຽວຂ້ອງ ສືບສວນ-ສອບສວນ ຊອກຫາເປົ້າໝາຍຜູ້ກະທຳຜິດມາດຳເນີນຄະດີຕາມຂະບວນການຂອງກົດໝາຍ. ອີງຕາມຂໍ້ມູນຈາກກອງກວດກາປ່າໄມ້ແຂວງວຽງຈັນໃຫ້ຮູ້ວ່າ: ໂດຍປະຕິບັດຕາມຄໍາສັ່ງ...