ເມື່ອວັນທີ 6/6/2016 ທີ່ຜ່ານມາ ທີມຜູ້ບໍລິຫານງານເວັບໄຊ ລາວໂພສຕ໌ ນຳໂດຍ ທ່ານ ສົມສັກ ຂັນດາວົງ ບັນນາທິການ ພ້ອມຄະນະໄດ້ເດິນທາງເຂົ້າພົບປະທ່ານ ວໍຣະສັກ ປຣະຍູນສຸກ ບັນນາທິການໃຫຍ່ໃນເຄືອມະຕິຊົນ ບໍລິສັດມະຕິຊົນມະຫາຊົນ ທີ່ຊັ້ນ5 ອາຄານມະຕິຊົນ ນະຄອນຫຼວງບາງກອກປະເທດໄທ.
ໂອກາດດັ່ງກ່າວ ທ່ານ ວໍຣະສັກ ປຣະຍູນສຸກ ໄດ້ໃຫ້ກຽດຕ້ອນຮັບຄະນະລາວໂພສຕ໌ ດ້ວຍຕົນເອງ ເຊິ່ງໄດ້ມີການພົບປະແລກປ່ຽນບົດຮຽນເຊິ່ງກັນແລະກັນ ເປັນຕົ້ນແມ່ນການຮ່ວມມືແລກປ່ຽນກັນທາງດ້ານຂໍ້ມູນຂ່າວສານເຊິ່ງກັນແລະກັນ, ຂອບການຮ່ວມມືກັນໃນອະນາຄົດ ແລະຢ້ຽມຊົມການປະຕິບັດວຽກງານຕົວຈິງຂອງສຳນັກພິມ ມະຕິຊົນ.
ໃນຕອນຄ່ຳຂອງວັນດຽວກັນນັ້ນ, ບໍລິສັດ ມະຕິຊົນ ມະຫາຊົນ ຍັງໄດ້ໃຫ້ກຽດລ້ຽງອາຫານຄ່ຳແກ່ທີມງານ ລາວໂພສຕ໌ ດ້ວຍບັນຍາກາດອັນແສນອົບອຸ່ນແລະມີຄວາມໝາຍອັນເລິກເຊິ່ງຕໍ່ທັງສອງຝ່າຍ.
