ສຳລັບ 10 ອັນດັບຄວາມແຮງສະມາດໂຟນ ແມ່ນອີງຕາມການຈັດອັນດັບຂອງແອັບພລິເຄຊັ່ນ Antutu Benchmark ຊ່ວງເດືອນພຶດສະພານີ້, ສຳລັບການຈັດອັນດັບດັ່ງກ່າວນີ້ຈະເນັ້ນໄປທີ່ເລື່ອງຂອງຄວາມແຮງ ຫຼື ຄວາມໄວຂອງ CPU ແລະ GPU ຫຼາຍກວ່າ RAM.
ຈາກຮູບດ້ານເທິງນີ້ຈະເຫັນໄດ້ວ່າ 6 ໃນ 10 ນັ້ນລ້ວນແລ້ວແມ່ນສະມາດໂຟນຈາກປະເທດຈີນທັງໝົດໂດຍລຽນຈາກ Vivo, LeEco, Lenovo, Xiaomi, Meizu ແລະ Honor.
ໂດຍເປັນທາງ Vivo ທີ່ຍຶດອັນດັບ 1 ໄປໄດ້ດ້ວຍລຸ້ນ Vivo Xplay 5 Elite ທີ່ເຮັດຄະແນນໄປໄດ້ 138,706. ສ່ວນອັນດັບ 2 ກໍເປັນ LeEco Max 2 ເຮັດຄະແນນໄດ້ 138,026 ແລະ ອັນດັບ 3 ກໍເປັນ Lenovo ZUK Z2 Pro ເຮັດຄະແນນໄດ້ 136,853 ທັງ 3 ລຸ້ນນີ້ຕ່າງກໍໃຊ້ຊິບປະມວນຜົນ Snapdragon 820 ແລະ RAM 6 GB ທັງໝົດ.
ສ່ວນ Apple ກໍບໍ່ນ້ອຍໜ້າຍຶດອັນດັບ 6 ແລະ 7 ໄປໄດ້ໂດຍ iPhone 6s ທີ່ຄະແນນ 133,781 ແລະ iPhone SE ທີ່ຄະແນນ 131,401.
ທັງນີ້ທັງນັ້ນຜົນຄະແນນກໍເປັນພຽງໂຕເລກເທົ່ານັ້ນ, ປະສົບການໃຊ້ງານຂອງຜູ້ໃຊ້ເປັນສິ່ງສຳຄັນ ລວມໄປເຖິງເລື່ອງຂອງການອອກແບບໂຕເຄື່ອງ, ການຮອງຮັບເຄື່ອຂ່າຍ, ບໍລິການລູກຄ້າ ແລະອື່ນໆກໍເປັນປັດໄຈສຳຄັນຄືກັນ.
ທີ່ມາ: gizmochina