ການນອນຍາກ ຫຼື ນອນບໍ່ລັບເພາະອາດມີຄວາມເຄັ່ງຄຽດ ຫຼື ບັນຫາສຸຂະພາບສ່ວນຕົວຕື່ມເຂົ້າອີກວັນນີ້ພວກເຮົາເລີຍຫາວິທີນອນລັບງ່າຍລັບແຈບມານຳສະເໜີງ່າຍໆດັ່ງລຸ່ມ ນີ້:
- ນອນ ແລະຕື່ນໃຫ້ເປັນເວລາ, ກ່ອນເຂົ້ານອນເຮົາຕ້ອງວາງແຜນເຮັດກິດຈະກຳປະຈຳເຊັ່ນ: ອາບນ້ຳສວດມົນແລ້ວເຂົ້ານອນ ຄວນເຮັດເປັນປະຈຳໃຫ້ຮ່າງກາຍເຮົາເຄີຍຊິນກັບການນອນຫຼັບເປັນເວລາ ຊຶ່ງຄົນເຮົາຄວນໃຊ້ເວລາ ນອນຕອນກາງຄືນ 68 ຊົ່ວໂມງ ບາງຄົນນອນເດິກບໍ່ຄວນກາຍ 24 ໂມງ ເພາະຖ້າເວລາເລີຍທ່ຽງຄືນ ໄປແລ້ວຖືວ່າເປັນມື້ໃໝ່, ຄວນນອນເວລາ 21 ໂມງ ແລະຕື່ນ 6 ໂມງເຊົ້າ.
- ບໍ່ເບິ່ງສິ່ງທີ່ມັນກະຕຸ້ນຄວາມຄິດເຊັ່ນການເບິ່ງໜັງ ຫຼື ຫຼິ້ນອິນເຕີເນັດ ບາງຄັ້ງມັນຈະກັບມາກະຕຸ້ນສະໝອງໃຫ້ຄິດເປັນ ການສ້າງຄວາມເຄັ່ງຄຽດໂດຍບໍ່ ຮູ້ສຶກໂຕ ດັ່ງນັ້ນ ເຮົາຕ້ອງລະວັງ ໃຫ້ດີຕ້ອງຈັດການເລື່ອງພວກນີ້ ໃຫ້ໄດ້.
- ຫຼີກລ່ຽງເຄື່ອງດື່ມທີ່ມີທາດຄາເຟອິນເຊັ່ນ: ບໍ່ຄວນດື່ມຊາ ຫຼື ກາເຟກ່ອນນອນ ຊຶ່ງຖ້າຕ້ອງການດື່ມຄວນເລືອກນົມ ຫຼື ນ້ຳສະໝຸນໄພ ຫຼື ນ້ຳເຜິ້ງໃສ່ນ້ຳອຸ່ນກໍໄດ້ມັນ ຈະຊ່ວຍໃຫ້ຮູ້ສຶກຜ່ອນຄາຍ.
- ຕ້ອງຮູ້ຈັກປ່ອຍວາງຄວາມ ຄິດ ຫຼື ຄວາມເຄັ່ງຄຽດໃຫ້ເປັນເພາະຖ້າຄິດຫຼາຍກໍເປັນສາເຫດ ຫຼັກນອນບໍ່ຫຼັບເພາະສະໝອງເຮັດວຽກ ດັ່ງນັ້ນ ເຮົາຕ້ອງຫາວິທີມາ ລະງັບບັນເທົາອາການເຫຼົ່ານັ້ນ ເຊັ່ນ: ນັ່ງສະມາຊິໄຫວ້ພະສວດມົນສາມາດເຮັດໃຫ້ຈິດໃຈສະຫງົບໄດ້.
- ກິ່ນຫອມຊ່ວຍໃຫ້ນອນລັບ ເຊັ່ນ: ມີຄຳແນະນຳວ່າ ປາດໝາກຂີ້ຫູດຜ່າເຄິ່ງແລ້ວບີບນ້ຳອອກໃສ່ຂໍ້ມືຊ້າຍນວດເບົາໆ ເຮັດໃຫ້ເວລານອນເຮົາໄດ້ດົມກິ່ນນັ້ນ ສະໝອງ ອາດຜ່ອນຄາຍຄວາມເຄັ່ງຄຽດ ຫຼື ຈະຫາວິທີອື່ນຄົງແລ້ວແຕ່ຄວາມມັກສ່ວນຕົວ ຊຶ່ງກິ່ນຫອມນີ້ສຳຄັນ ໂດຍສະເພາະກິ່ນຂອງດອກໄມ້ທີ່ປູກຢູ່ໃກ້ເຮືອນຍິ່ງຊ່ວຍໄດ້ດີ ເພາະດອກໄມ້ນີ້ແມ່ນຕິດພັນກັບເຮືອນຄົນລາວມາແຕ່ບູຮານ ເວລາຄົນເຮົາກິນເຂົ້າແລງແລ້ວຈະມານັ່ງ ຢູ່ເຊຍນອກເຮືອນສູດດົມອາກາດບໍລິສຸດ ແລະມີກິ່ນຫອມດອກໄມ້ ພັດມາ.
ທີ່ມາ: ເສດຖະກິດ-ສັງຄົມ