spot_img
Home​ຂ່າວທ່ອງທ່ຽວສປປ ລາວກຽມສະເໜີທົ່ງໄຫຫີນເຂົ້າເປັນມໍລະດົກໂລກແລ້ວ

ສປປ ລາວກຽມສະເໜີທົ່ງໄຫຫີນເຂົ້າເປັນມໍລະດົກໂລກແລ້ວ

Published on

ສປປ ລາວກຽມນຳສະເໜີທົ່ງໄຫຫີນ 11 ແຫ່ງ ຢູ່ແຂວງຊຽງຂວງເຂົ້າເປັນມໍລະດົກໂລກແຫ່ງທີ 3 ພາຍຫລັງກົມ ມໍລະດົກ ກະຊວງຖະແຫຼງຂ່າວວັດທະນະທຳ ແລະ ທ່ອງທ່ຽວພະແນກ ຖະແຫຼງຂ່າວວັດທະນະທຳ ແລະ ທ່ອງທ່ຽວ ແຂວງ ຊຽງຂວາງ ແລະ ອົງການ ອຸຍແນສໂກ ປະຈຳພາກພື້ນອາຊີ-ປາຊີຟິກ ຈັດສຳມະນາສາກົນກ່ຽວກັບການສຶກສາປຽບທຽບຄຸນຄ່າ ຈັກກະວານ (OUV) ຂອງວັດທະນະທຳ ທົ່ງໄຫຫີນ (ວັດທະນະທຳຍຸກຫີນໃຫຍ່) ຢູ່ພາກພື້ນອາຊີ-ປາຊີຟິກຂຶ້ນ ລະຫວ່າງ ວັນທີ 1-2 ມິຖຸນາ 2016 ທີ່ຫໍວັດທະນະທຳແຫ່ງຊາດ ໂດຍເປັນປະທານຂອງ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖວທ, ທ່ານ ຣິຄາໂດ ຟາວິກ ຜູ້ຕາງໜ້າ ຈາກອົງການ ອຸຍແນສໂກ ປະຈຳບາງກອກ, ທ່ານ ຫົວໜ້າກົມ ຮອງກົມ ເລຂາຄະນະກຳມະການແຫ່ງຊາດລາວ ເພື່ອ ອຸຍແນສ ໂກອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ.

ຈຸດປະສົງຂອງກອງປະຊຸມເພື່ອເຊີນບູຮານວິທະຍາຍຸກ ກ່ອນປະຫວັດສາດທີ່ມີວັດທະນະທຳທີ່ ຄ້າຍຄືກັນຈາກປະເທດອິນເດຍອິນໂດເນເຊຍ ແລະ ເກົາຫຼີ ມາອະທິບາຍ ແລະ ຊີ້ແຈງເຫດຜົນຫຼັກຖານທີ່ຄົ້ນພົບ ແລະ ສຶກ ສາປຽບທຽບກັບວັດທະນະທຳທົ່ງໄຫຫີນຊຽງຂວາງ ພ້ອມທັງກຳນົດມາດຖານເງື່ອນໄຂຂອງໄຫຫີນທີ່ຈະສະເໜີເປັນມໍລະດົກ ໂລກ.

ໂອກາດນີ້ ທ່ານ ບົວເງິນ ຊາພູວົງ ໄດ້ກ່າວວ່າ: ຜ່ານມາການປະຕິບັດວຽກງານການຄຸ້ມຄອງມໍລະດົກ ແລະ ເກັບຂໍ້ມູນ ໄຫຫີນຊຽງຂວາງດຳເນີນໄປດ້ວຍດີ ໂດຍສະເພາະທ້າຍເດືອນ ມີນາ 2016 ທີ່ຜ່ານມາ ອຳນາດການປົກຄອງແຂວງ ຊຽງຂວາງ ຮ່ວມກັບກົມມໍລະດົກ ແລະ ຊ່ຽວຊານອຸຍແນສໂກ ໄດ້ຈັດ ກອງປະຊຸມຮັບຮອງເອົາໄຫຫີນຢູ່ຂັ້ນທ້ອງຖິ່ນຈຳນວນ 11 ແຫ່ງ ເພື່ອກຽມສະເໜີເປັນມໍລະດົກໂລກ ໃນອະນາຄົດ. ດັ່ງນັ້ນ, ການສຳມະນາໃນຄັ້ງນີ້ ແມ່ນມີຄວາມໝາຍສຳຄັນຫຼາຍເພື່ອເຊື້ອເຊີນເອົານັກຄົ້ນຄວ້າດ້ານບູຮານວິທະຍາຊ່ຽວຊານຈາກຕ່າງປະເທດຈະ ໄດ້ມີການກຳນົດເງື່ອນໄຂມາດຕະຖານໃຫ້ ຄົບຖ້ວນຕາມລະບຽບສາກົນທີ່ຈະສະເໜີເປັນມໍລະດົກໂລກ ເຊິ່ງຈະໄດ້ພ້ອມກັນປຶກສາຫາລືຄົ້ນຄວ້າ ວາງແຜນການອັນລະອຽດຊ່ວຍກັນປັບປຸງເນື້ອໃນແຜນແມ່ບົດ ແລະ ຄຳຮ້ອງໃຫ້ຄົບຖ້ວນສົມບູນ ແລະ ກະກຽມຄວາມພ້ອມຢ່າງຮອບດ້ານໃນການນຳສະເໜີທົ່ງໄຫຫີນເຂົ້າເປັນມໍລະດົກໂລກໃນອະນາຄົດອັນໃກ້ນີ້.

ປັດຈະບັນນີ້ ສປປ ລາວມີແຫລ່ງມໍລະດົກໂລກ 2 ແຫ່ງໃນແຂວງຈຳປາສັກ ແລະ ຫລວງພະບາງ ເຊິ່ງກາຍເປັນໄມ້ງັດເສດຖະກິດສຳຄັນໃນການປະກອບສ່ວນສ້າງລາຍຮັບເຂົ້າປະເທດ ແລະ ສ້າງວຽກງານທຳຢ່າງຫລວງຫລາຍ.

ປີ 2015 ຜ່ານມາມີນັກທ່ອງທ່ຽວເຂົ້າຢ້ຽມຢາມ ສປປ ລາວປະມານ 4 ລ້ານກວ່າຄົນ ແລະ ຄາດວ່າປີ 2016 ຈຳນວນທ່ອງທ່ຽວຈະເພີ່ມຂຶ້ນປະມານ 5 ລ້ານ.

ທີ່ມາ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ພະຍາກອນອາກາດ ປະຈຳວັນທີ 18 ມັງກອນ 2026 ໜາວສຸດຢູ່ເຂດພາກເໜືອຕາເວັນອອກ ແລະ ຮ້ອນສຸດຢູ່ເຂດພາກໃຕ້

ຄວາມກົດດົນສູງຂອງອາກາດເຢັນຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຍັງເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າຢູ່ໃນແຕ່ລະພາກ ພ້ອມມີໝອກບາງປົກຫຸ້ມຢູ່ບາງທ້ອງຖິ່ນໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ສ່ວນພາກກາງ ແລະພາກໃຕ້...

ເກີດແຜ່ນດິນໄຫວ ຢູ່ເມືອງນາຊາຍທອງ, ນະຄອນຫຼວງວຽງຈັນ ຂະໜາດ 1.9 ຣິກເຕີ, ຄວາມເລິກ 1 ກິໂລແມັດ ໃນເວລາ 14:20 ນາທີ ວັນທີ 15 ມັງກອນ 2026

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈຳວັນທີ 15 ມັງກອນ 2026 ເວລາ 7:00 ໂມງເຊົໍ້າ ຫາ ວັນທີ...

ລະງັບແລ້ວ 75 ປະເທດ ອາເມລິກາ ສັ່ງລະງັບວີຊາ 75 ປະເທດ (ມີປະເທດໄທ) ເພື່ອປ້ອງກັນບໍ່ໃຫ້ຜູ້ອົບພະຍົບກາຍເປັນພາລະຂອງລັດ ມີຜົນເລີ່ມແຕ່ ວັນທີ 21 ມັງກອນ 2026 ເປັນຕົ້ນໄປ

ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ ທ່ານ ໂດນັລ ທຣຳ ປະທານາທິບໍດີ ແຫ່ງ ສະຫະລັດ ອາເມລິກາ, ປະກາດລະງັບການພິຈາລະນາວີຊາຜູ້ອົບພະຍົບ (Immigrant Visa) ສໍາລັບປະຊາຊົນຈາກ 75...

ທູດ ອາເມລິກາ ປະຈໍາລາວ ເຂົ້າຢ້ຽມອໍາລາ ລັດຖະມົນຕີກະຊວງການຕ່າງປະເທດ ເນື່ອງໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ

ໃນຕອນບ່າຍວັນທີ 14 ມັງກອນ 2026 ທີ່ຜ່ານມາ, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ...