spot_img
Homeຂ່າວພາຍ​ໃນມາ​ເລ​ເຊຍ​ຈະ​ເພີ່ມ​​ເກນ​ອາຍຸ​ຂັ້ນ​ຕໍ່າ​ທີ່​ຈະ​ດື່ມ​ເຫຼົ້າ​ໄດ້​ຈາກ 18 ປີ​ເປັນ 21 ປີ

ມາ​ເລ​ເຊຍ​ຈະ​ເພີ່ມ​​ເກນ​ອາຍຸ​ຂັ້ນ​ຕໍ່າ​ທີ່​ຈະ​ດື່ມ​ເຫຼົ້າ​ໄດ້​ຈາກ 18 ປີ​ເປັນ 21 ປີ

Published on

​ສໍານັກ​ຂ່າວ​ຕ່າງປ​ະ​ເທດ​ລາ​ຍງານວ່າ ມາ​ເລ​ເຊຍ​ຈະ​ເພີ່ມ​​ເກນ​ອາຍຸ​ຂັ້ນ​ຕໍ່າ​ທີ່​ຈະ​ດື່ມ​ເຫຼົ້າ ໄດ້​ຕາມ​ກົດ​ໝາຍ​ຈາກ 18 ປີ​ໃນ​ປະຈຸ​ບັນ ​ເປັນ 21 ປີ​ຕັ້ງ​ແຕ່​ວັນ​ທີ 1 ທັນວາ​ປີໜ້າ ຫວັງ​ຢຸດ​ຢັ້ງ​ການ​ດື່ມ​ສຸລາ​ໃນ​ກຸ່ມ​​ເຍົາວະ​ຊົນ.

ທ່ານ ​ເອສ ສຸບຣາມາ​ນຽມ ລັດຖະມົນຕີ​ສາ​ທາ​ລະນະ​ສຸກມາ​ເລ​​ເຊຍ​ຖະ​ແຫຼ​ງວ່າ ນອກຈາກ​ເພີ່ມ​ເກນ​ຂັ້ນ​ຕໍ່າ​ແລ້ວ ຍັງ​ມີ​ລະບຽບ​ໃໝ່​ກຳນົດ​ໃຫ້​ຜູ້​ຜະລິດ​ເຫຼົ້າ​ຕ້ອງ​ເພີ່ມຄຳ​ເຕືອນ​ເລື່ອງ​ອັນຕະລາຍ​ທີ່​ມີ​ຕໍ່​ສຸຂະພາບ​ໄວ້​​ໃນ​ສະຫຼາກ​ສິນຄ້າ​ນຳ ຂະນະ​ທີ່​ຮ້ານ​ຄ້າ​ທີ່​​ເສີ​ບນໍ້າ​ເມົາ​ກໍ່​ຕ້ອງ​ມີ​ຄຳ​ເຕືອນ​ເລື່ອງ​ສຸຂະພາບ​ເຊັ່ນ​ກັນ ​ເປັນ​ມາດ​ຕະການ​ຕາມ​ຍຸດ​ທະ​ສາດ​ໂລກ​ເພື່ອ​ຫຼຸດ​ການ​ໃຊ້​ເຫຼົ້າ​ໃນ​ທາງ​ທີ່​ເປັນ​ອັນຕະລາຍ​ຊຶ່ງ​ມີ​ອົງ​ການ​ອະນາ​ໄມ​ໂລກ​ເປັນ​​ແກນ​ນຳ.

ດ້ານ​ໜັງສືພິມ​ນິວສ​ເຕຣດທາມ​ຂອງ​ມາ​ເລ​ເຊຍ​ອ້າງ​ຄຳ​ກວ່າ​ຂອງ ທ່ານ ສຸບ​ຣາມາ​ນຽມວ່າ ລະບຽບ​ໃໝ່​ເຫຼົ່າ​ນີ້​ເປັນ​ໄປ​ຕາມ​ການ​ແກ້​ໄຂ​ກົດໝາ​ວວ່າ​ດ້ວຍ​ລະບຽບ​ອາຫານ​ປີ 1987 ​ເມື່ອ​ວັນ​ທີ 27 ພຶດສະພາ​ທີ່​ຜ່ານ​ມາ ​ແລະ ວ່າ​ເຫຼົ້າ​ລາຄາ​ຖືກ​ບາງ​ຊະນິດ​ກຳລັງ​ສ້າງ​ບັນຫາ​ທາງ​ສັງຄົມ​ໃຫ້​ແກ່​ກຸ່ມ​ຜູ້​ມີ​ລາຍ​ໄດ້​ໜ້ອຍ ທາງ​ການ​ຈິ່ງ​ຈ​ະ​ເພີ່ມ​ພາສີ​ເຄື່ອງ​ດື່ມ​ປະສົມ​​ເຫຼົ້າ​ທີ່​ຈຳໜ່າຍ​ກວດ​ລະ 5-7 ຣິງກິດ ​ເປັນ​ລິດ​ລະ 40 ຣິງກິດ.

ປະຊາກອນ​​ມາ​ເລ​ເຊຍກວ່າ 60% ​ເປັນ​ມຸດ​ສະ​ລິ​ມ ຊຶ່ງ​ຫ້າມ​ດື່ມ​ເຫຼົ້າ​ຕາມ​ຫຼັກ​ສາສະໜາທີ່​ເຫຼືອ​ເປັນ​ຄົນ​ເຊື່ອ​ສາຍ​ຈີນ ​ແລະ ​ເຊື້ອສາຍ​ອິນ​ເດຍ ຂະນະ​ທີ່​ສະມາ​ພັນ​ຜູ້​ກັ່ນ​ເຫຼົ້າ​ມາ​ເລ​ເຊຍ​ລະບຸ​ວ່າ ມາ​ເລ​ເຊຍ​ເກັບ​ພາສີ​ການ​ຄ້າ​ເຫຼົ້າ​ສູງ​ທີ່​ສຸດ​ແຫ່ງ​ໜຶ່ງ​ໃນ​ອາຊີ ມີ​ຜູ້​ດື່ມ​ສຸລາ​ປະມານ 3,5 ລ້ານ​ຄົນ​ຈາກ​ປະຊາກອນ​ທົ່ວປະ​ເທດ 30 ລ້ານ​ຄົນ ດ້ານ​ຜົນການ​ສຶກສາ​ຫຼາຍ​ແຫ່ງ​ລະບຸ​ວ່າ ອັດຕາ​ການ​ດື່ມ​ເຫຼົ້າ​ໃນ​ເມ​ເລ​​ເຊຍ​ເພີ່ມຂຶ້ນ​ຢ່າງ​ຕໍ່​ເນື່ອງ​.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...