ເຮືອບັນທຸກນ້ຳມັນຂະໜາດໃຫຍ່ຢີ່ປຸ່ນ ເກິດເຫດລະເບິດແລະໄຟໄໝ້ຢ່າງຮຸນແຮງ ໜ່ວຍຍາມຝັ່ງຟ້າວສົ່ງເຮືອ ແລະເຮືອບິນມາສີດນ້ຳຄວບຄຸມໄຟ ເປັນເຫດໃຫ້ລູກເຮືອ 7 ຄົນບາດເຈັບ ແລະຂະນະນີ້ຍັງບໍ່ເຈີກັບຕັນເຮືອ ທີ່ຫາຍໄປ…
ອົງການຂ່າວລາຍງານເມື່ອວັນທີ່ 29 ພຶດສະພາ ວ່າ ເຮືອບັນທຸກນ້ຳມັນຂະໜາດໃຫຍ່ຂອງຢີ່ປຸ່ນ ຊື່ ‘ໂຊໂກ ມາລຸ’ ປະສົບເຫດລະເບິດແລະເກິດໄຟລຸກໄໝ້ ຄວັນໄຟດຳມຶດເປັນຕາຢ້ານ ຈອດໃນທະເລ ຫ່າງຈາກທ່າເຮືອຮິເມຈິ ທາງພາກຕາເວັນຕົກຂອງຢີ່ປຸ່ນ ປະມານ 5 ກິໂລແມັດ ເປັນເຫດໃຫ້ລູກເຮືອ 7 ບາດເຈັບ ໃນນີ້ບາດເຈັບແຮງ 4 ຄົນ ຂະນະນີ້ຍັງບໍ່ເຈີໂຕກັບຕັນເຮືອ ອາຍຸ 64 ປີທີ່ຫາຍໄປຫຼັງເກິດເຫດ
ເຈົ້າໜ້າທີ່ໜ່ວຍຍາມຝັ່ງໃນເມືອງຮິເມຈິ ທາງພາກຕາເວັນຕົກຂອງຢີ່ປຸ່ນ ເປິດເຜີຍວ່າ ໃດ້ສົ່ງເຮືອແລະເຮືອບິນມາສີດນ້ຳແລະຄວບຄຸມໄຟເທິງເຮືອ ເຫດການຄັ້ງນີ້ເຮັດໃຫ້ເຮືອໃດ້ຮັບຄວາມເສຍຫາຍຢ່າງໜັກ ຂະນະທີ່ເຈົ້າໜ້າທີ່ໜ່ວຍຍາມຝັ່ງກຳລັງສຶບສວນສາເຫດ ທີ່ເຮັດໃຫ້ເຮືອບັນທຸກລຳນີ້ ເຊິ່ງມີນ້ຳໜັກເຖິງ 988 ຕັນ ເກິດເຫດລະເບິດຂື້ນ
ຢ່າງໃດກໍ່ຕາມ ໃນຊ່ວງເກິດເຫດແລະໄຟໄໝ້ເຮືອ ບໍ່ມີຖັງນ້ຳມັນຢູ່ ເນື່ອງຈາກນຳຂື້ນໄປເທິງຝັ່ງແລ້ວ ຈຶ່ງຊ່ວຍລົດວິຕົກກາງວົນຂອງປະຊາຊົນລົງໄປໃດ່້ ຫຼາຍກວ່າເຫດໄຟໄໝ້ເຮືອ ເພາະຈະບໍ່ເກິດມົນລະພິດແລະຄວາມເສຍຫາຍຕໍ່ສິ່ງແວດລ້ອມບໍ່ຫຼາຍປານໃດ ອີກທັ້ງແຮງລະເບິດຍັງບໍ່ກໍ່ຄວາມເສຍຫາຍໃຫ້ແກ່ ເຮືອໃກ້ຄຽງ.