ມື້ນີ້ YU ໄດ້ເປີດໂຕສະມາດໂຟນລຸ້ນໃໝ່ທີ່ປະເທດອິນເດຍໃນນາມວ່າ YUNICORN, ເຊິ່ງເປັນສະມາດໂຟນທີ່ມີຂະໜາດຈໍ 5.5 ນິ້ວ, ຄວາມລະອຽດ FullHD ພ້ອມຈໍ 2.5D. ໃຊ້ງານຊິບປະມວນຜົນ Octa Core MediaTek Helio P10 ແລະໃຊ້ລະບົບ Android 5.1 (Lollipop). ໃນສ່ວນຂອງກ້ອງຫຼັງແມ່ນໃຫ້ມາ 13 ລ້ານພິກເຊວ ພ້ອມກັບແຟລັດຄູ່ໂທນ LED, ລະບົບກວດຈັບໂຟກັດອັດຕະໂນມັດ ແລະ ກ້ອງໜ້າ 5 ລ້ານພິກເຊວ.
ສະເປັກເຕັມສາມາດເຂົ້າຊົມໄດ້ທີ່ລິ້ງທ້າຍຂ່າວ
ເຖິງວ່າ Yunicorn ຈະຍັງໃຊ້ຊິບປະມວນຜົນ MediaTek Helio P10 ທີ່ເກົ່າແລ້ວ, ແຕ່ວ່າຄວາມແຮງທາງດ້ານກຣາບຟິກກໍຖືວ່າດີກວ່າ Kirin 650 ທີ່ຫົວເຫວີ່ຍຫາກ່ອນນຳມາໃຊ້ກັບ Honor 5C ແລະ P9 Lite ທີ່ເປີດໂຕໄປແລ້ວ.
ໃນດ້ານໂຕເຄື່່ອງຂອງ Yunicorn ທາງດ້ານຫຼັງແມ່ນເຮັດດ້ວຍອະລູມີນ້ຽມ ແລະ ຂອບດ້ານຂ້າງແມ່ນເຮັດດ້ວຍເຫຼັກທີ່ມີຄວາມບາງ 8.5 ມມ. ສຳລັບລະບົບສະແກນລາຍນິ້ວມືນັ້ນແມ່ນຖືກຕິດຕັ້ງໄວ້ທີ່ປຸ່ມໂຮມດ້ານໜ້າ ສາມາດປົດລ໋ອກເຄື່ອງໄດ້ໄວພຽງ 0.2 ວິນາທີ. ພື້ນທີ່ຈັດເກັບ 32GB , Ram 4GB. ແບັດເຕີຣີໃຫ້ມາ 4000mAh, ຮອງຮັບ 2 ຊິມ ແລະ ຮອງຮັບເຄື່ອຂ່າຍ 4G LTE
YU YUNICORN ນັ້ນມີ 3 ສີໃຫ້ເລືອກໄດ້ແກ່: ສີດຳ, ສີເງິນ ແລະລຸ້ນ limited edition ທີ່ເປັນສີຄຳ. ສຳລາຄາໃນຕອນນີ້ແມ່ນ 12,999 ຣູປີ (1.570.000 ກີບ) ສຳລັບໂປຣໂມຊັ່ນພິເສດສະເພາະເດືອນນີ້ເທົ່ານັ່ນ. ສ່ວນລາຄາປົກກະຕິແມ່ນ 13,499 ຣູປີ (1.630.000 ກີບ).
ທີ່ມາ: fonearena