ສຳນັກຂ່າວເອພີ ລາຍງານໃນວັນທີ 31 ພຶດສະນີ້ວ່າ ທ່ານ ເຈນສ໌ ສະໂຕເຕນເບີກ ເລຂາທິການໃຫຍ່ ອົງການສົນທິສັນຍາປ້ອງກັນແອັດແລນຕິກເໜືອ ຫລື ນາໂຕ້ ໄດ້ອອກມາເປີດເຜີຍ ໃນວັນຈັນທີ 30 ພຶດສະພາ 2016 ຜ່ານມານີ້ວ່າ ກອງປະຊຸມສຸດຍອດນາໂຕ້ ຈະຈັດຂຶ້ນໃນລະຫວ່າງວັນທີ 8-9 ມິຖຸນານີ້ ທີ່ນະຄອນຫລວງວໍໍຊໍ ປະເທດໂປໂລຍ ໂດຍບັນດາຜູ້ນຳຊາດສະມາຊິກນາໂຕ້ ຈະທຳການຫາລືເພື່ອສ້າງຫລັກປະກັນ ດ້ານຄວາມໝັ້ນຄົງ ໃຫ້ແກ່ໂປໂລຍ ແລະ ປະເທດສະມາຊິກອື່ນໆ ໃນພາກພື້ນເອີຣົບຕາເວັນອອກ ທີ່ກຳລັງວິຕົກກັງວົນ ຕໍ່ກັບອິດທິພົນທາງທະຫານຂອງຣັດເຊຍ.

ທ່ານ ສະໂຕເຕັນເບີກ ໄດ້ເປີດເຜີຍວ່າ ຈະມີການສົ່ງກຳລັງທະຫານ ແລະ ຍຸດໂທປະກອນ ຈາກປະເທດສະມາຊິກນາໂຕ້ ຊຶ່ງລວມທັງສະຫະລັດອາເມຣິກາ ເຂົ້າມາປະຈຳການໃນໂປໂລຍ ຕະຫລອດຮອດບັນດາປະເທດ ໃນເຂດທະເລບອນຕິກ ແລະ ດິນແດນອື່ນໆ ໃນພາກພື້ນນີ້ ເພື່ອສ້າງຄວາມໝັ້ນຄົງ ແລະ ຄວາມເປັນເອກະພາບຂອງນາໂຕ້.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!