ສູນບໍລິການຈັດຫາງານ, ກະຊວງແຮງງານ ແລະ ສະຫວັດດີການສັງຄົມ ມີໜ້າທີ່ຈັດຫາງານພາຍໃນ ແລະ ສົ່ງໄປເຮັດວຽກຢູ່ຕ່າງປະເທດ, ເປັນບ່ອນເກັບກຳຂໍ້ມູນ ແລະເຜີຍແຜ່ຂໍ້ມູນຂ່າວສານຕະຫຼາດແຮງງານ, ເປັນໃຈກາງ ປະສານງານ ລະຫວ່າງ ຜູ້ຕ້ອງການແຮງງານ, ຜູ້ຕ້ອງການວຽກເຮັດ ແລະ ສູນຝຶກວິຊາຊີບຕ່າງໆ ທັ້ງພາກລັດ ແລະ ເອກະຊົນ.

ແຈ້ງມາຍັງ ໂຮງຈັກ ໂຮງງານ, ໂຄງການ, ເຂດເສດຖະກິດພິເສດ, ຜູ່ປະກອບການ ທີ່ຕ້ອງການແຮງງານ, ນັກຮຽນ, ນັກສຶກສາທີ່ກຳລັງຈະຮຽນຈົບ ແລະ ຈົບໃໝ່, ຜູ້ວ່າງງານ, ຜູ້ຕ້ອງການປ່ຽນອາຊີບ ຈົ່ງໄດ້ໄປລົງທະບຽນກັບສູນບໍລິການຈັດຫາງານ ພວກເຮົາມີຄວາມຍິນດີຈະເປັນສື່ກາງໃນການປະສານງານ ແລະ ອຳນວຍຄວາມສະດວກ ໃຫ້ພວກທ່ານໄດ້ພົບປະແລກປ່ຽນຂໍ້ມູນຂ່າວສານຕ່າງໆ ກ່ຽວກັບແຮງງານ ໃຫ້ພວກທ່ານໄດ້ເພື່ອນຮ່ວມງານທີ່ດີ ແລະ ແຮງງານໄດ້ວຽກຕາມຄວາມເໝາະສົມ.