ວັນທີ 28 ພຶດສະພາ 2016 ຜູ້ສື່ຂ່າວລາຍງານວ່າ ຜູ້ອຳນວຍການໂຮງໝໍສົ່ງເສີມສຸຂະພາບ ອຳເພີໂພນພິໃສ ຈັງຫວັດໜອງຄາຍ ໄດ້ອອກໜັງສືປະຊາສຳພັນ ແລະ ແຈ້ງເຕືອນສົ່ງໄປທີ່ ອາສາສະໝັກ ທຸກບ້ານໃນເຂດສ້າງນາຂາວເປັນໜັງສືເລກທີ ນຄ.0332.1(2)/83 ເມື່ອວັນທີ 24 ພຶດສະພາ 2016 ລະບຸວ່າ
ທາງໂຮງໝໍໄດ້ຮັບແຈ້ງຈາກທາງສຳນັກງານສາທາລະນະສຸກຈັງຫວັດໜອງຄາຍວ່າ ພົບຜູ້ປ່ວຍດ້ວຍໂຣກໄວຣັສຊີກ້າ ໃນພື້ນທີ່ເຂດຊຽງດາ ອຳເພີສ້າງຄອມ ຈັງຫວັດອຸດອນທານີ ເຊິ່ງເປັນພື້ນທີ່ຊາຍແດນຕິດກັບເຂດສ້າງນາຂາວ ໂດຍໄວຣັສຊະນິດນີ້ມີຍຸງລາຍເປັນພາຫະນະນຳເຊື້ອໂຣກ ແລະ ເປັນເຊື້ອໄວຣັສທີ່ຕ້ອງແຈ້ງ ຮວມເຖິງສາມາດຕິດຕໍ່ກັນໄດ້ໄວ
ດັ່ງນັ້ນ ຈິ່ງຂໍໃຫ້ທຸກຄົນເຝົ້າລະວັງສະພາຍເຫດການຂອງການເກີດໂຣກຮ່ວມກັນ ຊ່ວຍກັນທຳລາຍແຫຼ່ງເພາະພັນຂອງຍຸງລາຍ ເວລານອນກາງເວັນ ແລະ ກາງຄືນຕ້ອງນອນໃນມຸ້ງທຸກຄັ້ງ ແລະ ຫ້າມໃຫ້ປະຊາຊົນເຂດນອກເດີນທາງໄປທີ່ອຳເພີສ້າງຄອມເດັດຂາດເພາະອາດຕິດເຊື້ອໄວຣັສຊີກ້າໄດ້ ໂດຍສະເພາະຍິງຖືພາ ກ້າມເດີນທາງເຂົ້າໄປພື້ນທີ່ນີ້ເດັດຂາດ ເພາະຖ້າໄດ້ຮັບເຊື້ອໄວຣັສນີ້ເຂົ້າໄປຈະເຮັດໃຫ້ເດັກໃນທ້ອງເກີດເປັນພິການໄດ້
ຫາກພົບວ່າຜູ້ປ່ວຍຄົນໃດມີອາການໄຂ້ສູງ, ຕາແດງ ມີຜື່ນຂຶ້ນ ແນະນຳໃຫ້ໄປພົບແພດເພື່ອກວດເລືອດດ່ວນ ເພາະຊ່ວງນີ້ແມ່ນລະດູຝົນແລ້ວ ໄຂ້ຍຸງມີການລະບາດຫຼາຍໃນຫຼາຍພື້ນທີ່ ສະນັ້ນຂໍໃຫ້ທຸກຄົນດູແລຕົວເອງໃຫ້ດີ.
ທີ່ມາ: http://www.thairath.co.th/content/627368