ສຳນັກຂ່າວ ຣອຍເຕີ້ ລາຍງານໃນວັນທີ 26 ພຶດສະພາຜ່ານມານີ້ວ່າ ທ່ານ ຫງວຽນ ຊວນ ຟຸກ ນາຍົກລັດຖະມົນຕີຫວຽດນາມ ໄດ້ໃຫ້ສຳພາດຕໍ່ສື່ມວນຊົນຕ່າງປະເທດວ່າ ຫວຽດນາມຈະບໍ່ເສີມແສນຍານຸພາບ ທາງການທະຫານ ໃນທະເລຈີນໃຕ້ ແລະ ຈະເຮັດວຽກຮ່ວມກັບມິດປະເທດ ເພື່ອແກ້ໄຂຂໍ້ຂັດແຍ່ງຢ່າງສັນຕິ ປາສະຈາກການໃຊ້ກຳລັງ.
ທ່ານ ຫງວຽນ ຊວນ ຟຸກ ກ່າວວ່າ ” ຫວຽດນາມບໍ່ໄດ້ເພີ່ມແສນຍານຸພາບທາງທະຫານ, ແຕ່ຫວຽດນາມ ພະຍາຍາຍາມປ້ອງກັນອະທິປະໄຕຂອງປະເທດ ເລີ່ມຕົ້ນດ້ວຍມາດຕະການທີ່ສັນຕິ, ມາດຕະການທາງການທູດ ຕະຫລອດຮອດມາດຕະການທາງສານ. ຫວຽດນາມເປັນປະເທດທີ່ຮັກຄວາມສະຫງົບ ແລະ ແກ້ໄຂບັນຫາໃນລະດັບພາກພື້ນ ແລະ ລະຫວ່າງປະເທດ ຕາມກົດໝາຍລະຫວ່າງປະເທດ ບົນຈິດໃຈຂອງການບໍ່ໃຊ້ກຳລັງ ແລະ ບໍ່ໃຊ້ກຳລັງເພື່ອຂົ່ມຂູ່ຄຸກຄາມຜູ້ອື່ນ. ”
ພ້ອມກັນນັ້ນ, ທ່ານນາຍົກລັດຖະມົນຕີຫວຽດນາມ ຍັງໄດ້ກ່າວອີກວ່າ ສິ່ງສຳຄັນອັນດັບທຳອິດ ແມ່ນຜູ້ນຳບັນດາປະເທດ ອາຊີຕາເວັນອອກສຽງໃຕ້ ແລະ ຮຸ້ນສ່ວນ ເຫັນພ້ອມທີ່ຈະຫລຸດລະດັບຄວາມເຄັ່ງຕຶງ ຢ່າງສັນຕິວິທີ ແລະ ບໍ່ໃຊ້ກຳລັງຄຸກຄາມຂົ່ມຂູ່.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!