ສຳນັກຂ່າວ ເອເອບພີ ລາຍງານໃນວັນທີ 26 ພຶດສະພານີ້ວ່າ ກຸ່ມນັກສັງເກດການເພື່ອສິດທິມະນຸດຢູ່ຊີຣີ ໄດ້ເປີດເຜີຍຕົວເລກ ນັບຕັ້ງແຕ່ເກີດສົງຄາມກາງເມືອງຢູ່ຊີຣີ ເມື່ອເດືອນມີນາ 2011 ເປັນຕົ້ນມາ ລວມເວລາ 5 ປີກວ່າ ແມ່ນໄດ້ເຮັດໃຫ້ມີຜູ້ເສຍຊີວິດໄປແລ້ວທັງໝົດ 282,283 ຄົນ ໂດຍໃນນັ້ນ ແບ່ງເປັນພົນລະເຮືອນຜູ້ບໍລິສຸດ 81,436 ຄົນ ຊຶ່ງປະກອບມີເດັກນ້ອຍລວມຢູ່ເຖິງ 14,040 ຄົນ ແລະ ຜູ້ຍິງອີກ 9,106 ຄົນ.

ທັງນີ້ ກຸ່ມສັງເກດການເພື່ອສິດທິມະນຸດຢູ່ຊີຣີ ໄດ້ລະບຸວ່າ ໃນໄລຍະຫລາຍອາທິດ ທີ່ຂໍ້ຕົກລົງຢຸດຍິງມີຜົນບັງຄັບໃຊ້ ເມື່ອວັນທີ 27 ກຸມພາ 2016 ເປັນຕົ້ນມາ ແມ່ນພົບເຫັນຄວາມຮຸນແຮງ ແລະ ຍອດຜູ້ເສຍຊີວິດຫລຸດລົງຫລາຍ, ແນວໃດກໍຕາມ ເຖິງແມ່ນມີຂໍ້ຕົກລົງຢຸດຍິງ ແຕ່ກໍຍັງປະກົດມີການປະທະກັນ ຢູ່ຫລາຍພື້ນທີ່ຂອງປະເທດຢູ່.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!