ຂປລ. ວິທະຍາ​ໄລເຕັກນິກ​ແຂວງ​ວຽງ​ຈັນ​ ຈັດ​ຊຸ​ດອົບຮົມ​ຊ່າງ​ກົນ​ຈັກ​ ເພື່ອ​ສ້າງ​ຄວາມ​ພ້ອມ​ ຮັບ​ໃຊ້​ໃນ​ຍຸກ​ເຊື່ອມ​ໂຍງ​ເສດ​ຖະກິດ​ອາ​ຊຽນ ຫລື AEC​ ເປັນ​ຊຸດ​ທີ 5​ ໂດຍ​ມີ​ຜູ້​ເຂົ້າ​ຮ່ວມ 20 ຄົນ, ຍິງ 2 ຄົນ ​ເຊິ່ງການ​ອົບຮົມ​ຄັ້ງ​ນີ້​ ຈັດ​ຂຶ້ນ​ແຕ່​ວັນ​ທີ 24 ພຶດສະພາ ຈົນ​ເຖິງ 21ມິຖຸນາ​ 2016 ຈິ່ງ​ຈະ​ສຳ​ເລັດ.​ ໂດຍ​ໄດ້​ຮັບ​ການສະໜັບ​ສະ​ໜູນ ດ້ານ​ງົບປະ​ງານ​ຈາກ​ ບໍລິສັດ​ ຜະລິດ​ໄຟຟ້າ​ຣາ​ຊະ​ບູລີ​ໂຮ​ນ​ດິ້ງ​ ຈຳກັດ​ ມະຫາຊົນ.

ທ່ານ ​ວິລະ​ຊາດ​ ວິຣະວົງ ຜູ້ອຳນວຍ ການ​ວິທະຍາ​ໄລ​ເຕັກນິກ​ແຂວງ​ວຽງ​ຈັນ​ ກ່າວ​ວ່າ: ​ການ​ຮົມຄັ້ງນີ້ ​ເປັນ​ການ​ເພີ່ມ​ຂີ​ດຄວາມ​ສາມ​າດ​ ໃຫ້​ແກ່​ນາຍ​ຊ່າງ​ໃນ​ແຂວງ​ວຽງ​ຈັນ​ ​ໂດຍ​ສະ​ເພາະ​ແມ່ນ​ນັກຮຽນ​​​ໃຫ້​ສູງ​ຂຶ້ນ ​ເມື່ອ​ຈົບ​ການ​ສຶກສາ​ ອອກ​ໄປ​ແລ້ວ ໃຫ້​ສາມາດ​ປະກອບ​ອາຊີບ​ ແລະ ​ສາມາດ​ແຂ່ງຂັນ​ດ້ານ​ສີ​ມື​ແຮງ​ງານ ​ກັບ​ບັນດາ​ປະ​ເທດໃນ​ກຸ່ມ​ອາ​ຊຽນ​​ໄດ້, ອີກ​ດ້ານ​ໜຶ່ງ​ ຍັງ​ເປັນ​ການກຽມ​ຄວາມ​ພ້ອມ​ ໃນ​ການ​ສະໜອງ​ສີມື​ແຮງ​ງານ​ທີ່​ດີ​ ​ເພື່ອຮັບ​ໃຊ້​ໃຫ້​ແກ່​ການ​ ຂະຫຍາຍຕົວ​ຂອງ​ ບັນດາ​ໂຮງງງານ​ອຸດສາ​ຫະກຳ​ໃນ​ລາວ​ ທີ່​ພວມ​ຂະຫຍາຍຕົວ​ຢູ່​ໃນ​ຂະນະ​ນີ້. ສຳລັບ​ວິຊາ​ທີ່​ນຳ​ມາ​ອົບຮົມ​ປະກອບ​ມີ ​ຊ່າງ​ຊ່ຽນ, ຊ່າງ​ຈອດ, ການ​ບຳລຸງຮັກສາ​ເຄື່ອງ​ຈັກ ​ແລະ ​ອື່ນ​ໆ.

ແຫລ່ງຂ່າວ:

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!