ໄຂ່ຖືວ່າເປັນປັດໄຈຫຼັກທີ່ທຸກຄົນຕ້ອງມີ ແລະ ທຸກໆເທື່ອທີ່ເຮົາຈັດອາຫານເທິງໂຕະອາຫານຕ້ອງມີເມນູໄຂ່ຢ່າງນ້ອຍ 1-2 ຢ່າງແມ່ບ້ານທັງຫຼາຍກໍມັກຈະຊື້ໄຂ່ເກັບໄວ້ ໂດຍສະເພາະຖ້າແມ່ນໃນຊ່ວງທີ່ໄຂ່ໄກ່ຫຼຸດລາຄາກໍຊື້ກັນມາໄວ້ຫຼາຍເລີຍຈົນລືມຄິດໄປວ່າໄຂ່ມັນກໍມີອາຍຸໄຂຕາມການເວລາ ແມ່ນແຕ່ແຊ່ໃນຕູ້ເຢັນກໍຍັງເກັບໄວ້ບໍ່ໄດ້ດົນຮອດ 1 ປີໄດ້
ມື້ນີ້ພວກເຮົາມີວິທີເກັບຮັກສາໄຂ່ທີ່ຢູ່ໄດ້ດົນເຖິງ1ປີໂດຍບໍ່ຕ້ອງໃຊ້ອຸນນະພູມໃນຕູ້ເຢັນຊ່ວຍ. ພຽງແຕ່ເຮົາມີນ້ຳມັນພືດກໍສາມາດຊ່ວຍໃຫ້ໄຂ່ຂອງເຮົາຢູ່ໄດ້ດົນຂຶ້ນໂດຍການກຽມໃສ່ຖົງມືພາສະຕິກ ແລະ ຍອດນ້ຳມັນພືດລົງເທິງຝ່າມືພຽງໜ້ອຍໜຶ່ງ ບໍ່ຕ້ອງໃຫ້ຊຸ່ມຫຼາຍ ຖູນ້ຳມັນໃຫ້ທົ່ວມືພໍໝາດໆ ແລະ ນຳໄຂ່ມາຍອງໄວ້ເທິງມືແລ້ວລູບໄຂ່ເພື່ອໃຫ້ນ້ຳມັນເຄືອບໄຂ່ຈົນທົ່ວແລະ ເກັບເອົາໄວ້ໃນແຕະຄືເກົ່າ.
ວິທີນີ້ໄຂ່ຈະຢູ່ໄດ້ດົນຮອດ 10-12 ເດືອນໂດຍບໍ່ຕ້ອງແຊ່ຕູ້ເຢັນນ້ຳມັນຈະເຮັດໜ້າທີ່ປ້ອງກັນອອກຊີເຈນຊຶມເຂົ້າໄປໃນໄຂ່ຄືໄຂ່ທີ່ຫາກໍ່ອອກມາຈາກແມ່ໄກ່ໃໝ່ໆໄຂມັນຂອງແມ່ໄກ່ຈະເຄືອບໄຂ່ເອົາໄວ້ເຮັດໃຫ້ໄຂ່ຢູ່ໄດ້ດົນ.
ທີ່ມາ: ວາລະສານມະຫາຊົນ