ອ່ານຕໍ່ຈາກສະບັບກ່ອນ
ຫຼັງຈາກທີ່ໂຕ້ ແລະ ຕຸ່ນໄດ້ປັບຄວາມເຂົ້າໃຈກັນແລ້ວພວກເຂົາກໍ່ກັບມາຄືນດີກັນ ແລະ ໃຊ້ຊີວິດຕາມປົກກະຕິ ຍັງອີກ 1 ອາທິດ ກ່ອນຈະຮອດວັນເກີດຂອງໂຕ້ ໃນຕອນກາງຄືນຫຼັງຈາກທີ່ຕຸ່ນໄດ້ອາບນ້ຳ, ມ່າເຂົ້າແລ້ວລາວກໍ່ເຂົ້າມາທີ່ຫ້ອງນອນ ແລະ ຕຸ່ນໄດ້ນັ່ງແຊ່ວໜ້າສົບໝອນເພື່ອກຽມປະກອບເປັນສົບໝອນໃຫ້ໂຕ້ ສົບໝອນນັ້ນເປັນສີຟ້າອ່ອນໆ ຕຸ່ນໄດ້ແຊ່ວຮູບດອກກຸຫຼາບໃສ່ຢ່າງລະອຽດສວຍງາມ ເມື່ອແຊ່ວໜ້າສົບໝອຍແລ້ວລາວກໍ່ເລ/ີ່ມຫຍິບປະກອບທັນທີ ຕຸ່ນເປັນຍິງສາວຄົນໜຶ່ງທີ່ມີຄວາມສາມາດດ້ານການຫຍິບແຊ່ວ ເພາະສືບຖອດມາຈາກແມ່ ເພາະແມ່ຂອງນາງກໍ່ເປັນຊ່າງຫຍິບເສື້ອຜ້າ ແລະ ຂາຍເສື້ອຜ້າແພໃໝທີ່ຕະຫຼາດ ເມື່ອເວລາຫວ່າງຕຸ່ນກໍ່ມັກຮຽນຮູ່ຈາກແມ່ຂອງນາງສະເໝີຈົນຕອນນີ້ນາງສາມາດຕັດສິ້ນໄດ້ ແລະ ແປງເຄື່ອງນຸ່ງໄດ້.
ຮອດມື້ວັນເກີດຂອງໂຕ້ ຕຸ່ນໄດ້ໄປຮອດໂຮງຮຽນແຕ່ເຊົ້າໆ ວັນນີ້ຕຸ່ນທຳທ່ານບໍ່ສົນໃຈ, ເຮັດທຳທ່າບໍ່ຮູ້ບໍ່ເຫັນ ເຖິງຈະມີຄົນພາກັນເອົາຂອງຂັວນມາໃຫ້ໂຕ້ ມາກ່າວຄຳອວຍພອນໂຕ້ ແຕ່ຕຸ່ນກໍ່ເຮັດເສີຍໆ ເຊິ່ງໃນໃຈໂຕ້ກໍ່ລຸ້ນໆເລັກໜ້ອຍ ແຕ່ລາວກໍ່ຄິດເພື່ອໃຈໄວ້ແລ້ວວ່າຕຸ່ນຄົງບໍ່ໃຫ້ຄວາມສຳຄັນຫຍັງກັບວັນເກີດຂອງລາວ ກ່ອນໂມງເລີກເມືອຕຸ່ນຮູ້ສຶກເຈັບທ້ອງລາວໄດ້ໄປເຂົ້າຫ້ອງນ້ຳ ແລະ ປະກະເປົາໄວ້ທີ່ກ້ອງໂຕະ ຕຸ່ນກໍ່ສວາຍໂອກາດນັ້ນຢັດກ່ອງຂອງຂັວນກໍ່ສີບົວ ເປັນກັບແປໆສີ່ຫລ່ຽມຢັດເຂົ້າໃນກະເປົາຂອງໂຕ້ ແລະ ຫີດຊີບໄວ້ເໝືອນບໍ່ມີຫຍັງເກີດຂຶ້ນ ແລ້ວສຽງຕີແປັ່ງເລີກເທືອກໍ່ດັງຂຶ້ນ ໂຕ້ທີ່ຢູ່ໃນຫ້ອງນ້ຳກໍ່ຟ້າວແລ່ນອອກມາຈາກຫ້ອງນ້ຳເພື່ອມາເອົາກະເປົາທີ່ຢູ່ໃນກ້ອງໂຕະເພື່ອເຮືອນ ພໍລາວມາຮອດຫ້ອງລາວເຫັນຄົນກຳລັງລັ່ງໄຫລອອກຈາກຫ້ອງເພື່ອໄປເອົາລົດເມືອໂຕ້ກໍ່ຟ່າວຈົກເອົາກະເປົາພາຍທີ່ກ້ອງໂຕະແລ້ວເມືອຕາມປົກກະຕິ
ຕອນຄ່ຳທີ່ຫ້ອງນອນຕຸ່ນໄດ້ນັ່ງອ່ານໜັງສືໄປ ແລະ ລຸ້ນໄປ ລາວຄິດວ່າສົງໃສວ່າໂຕ່ຈະເຫັນຂອງຂັວນວັນເກີດລະບໍ່, ໂຕ້ຈະມັກບໍ່, ແລ້ວຈະໃສ່ພໍດີໝອນບໍ່ ຈະໂທໄປຖາມກໍ່ບໍ່ຢາກໂທ ເພາະຖ້າໃຫ້ໂຕ້ໂທມາບອກ ລາວຄິດລຸ້ນໆຢູ່ໃນໃຈ ຕຸ່ນຖ້າໂຕ້ໂທມາຫາກໍ່ບໍ່ໂທມາຈັກເທື່ອ ແຕ່ຕຸ່ນກໍ່ບໍ່ຍອມໂທໄປຫາໂຕ່ເດັດຂາດ
ສ່ວນໂຕ້ມື້ນີ້ຮູ້ສຶກເມື່ອຍຫຼາຍເລີຍບໍ່ໄດ້ເບິ່ງຮອດກະເປົາຊ້ຳ ລາວໄດ້ເຂົ້ານອນແຕ່ເວັນ ພໍຮອດຮຸ່ງເຊົ້າວັນໃໝ່ກ່ອນຈະໄປໂຮງຮຽນລາວໄດ້ເອົາກະເປົາມາໄຂ ເພື່ອຈົກປື້ມເກົ່າອອກ ແລະ ປ່ຽນປື້ມວິຊາໃໝ່ເຂົ້າກະເປົາແທນຕາມຕາຕະລາງຮຽນປະຈຳວັນ ມືໂຕ້ໄດ້ຈົກໆໄປພົບກັບສິ່ງໜຶ່ງລາວຮູ້ສຶກແປກໆ ລາວເລີຍຈັບມາອອກມາເບິ່ງປະກົດວ່າເປັນກ່ອງຂອງຂັວນ ລາວຄ່ອຍໆແກະເຈ້ຍຫໍ່ຂອງຂັວນອອກ ແລ້ວກໍ່ເປີດກ່ອງ ສິ່ງທີ່ລາວເຫັນໃນກ່ອງແມ່ນກັກນ້ອຍໃບໜຶ່ງທີ່ຂຽນຂໍ້ຄວາມອວຍພອນວັນເກີດໃສ່ທາງໃນລົງຊື່ວ່າຕຸ່ນ ໂຕ້ທັງອ່ານທັງຍິ້ມ ແລະ ລາວກໍ່ແນມເຫັນເໝືອນເປັນແພສີຟ້າອ່ອນໆໃນກ່ອງ ໂຕ້ໄດ້ຈັບມັນຂຶ້ນມາເບິ່ງດ້ວຍຄວາມສົນໃຈ ປະກົດວ່າເປັນສົບໝອນ ໜ້າແຊ່ວດອກກຸຫຼາບສວຍງາມ ໂຕ້ຮູ້ສຶກມັກ ແລະ ດີໃຈທີ່ສຸດທີ່ໄດ້ຮັບຂອງຂັວນສິ້ນນີ້ ລາວໄດ້ເອົາສົບໝອນໄປແທກໃສ່ທີ່ໝອນລາວ ແຕ່ສົບໝອນນັ້ນມັນນ້ອຍກວ່າໝອນທີ່ລາວໝູນນອນເລັກໜ້ອຍ ລາວໄດ້ແນມເບິ່ງໂມງມັນໃກ້ຈະຮອດໂທງເຂົ້າໂຮງຮຽນແລ້ວ ລາວເລີຍປະສົບໝອນໄວ້ທີ່ຕຽງນອນ ແລະ ຟ້າວໄປໂຮງຮຽນ
ທີ່ໂຮງຮຽນຫຼັງຈາກເລີກຫຼິ້ນແລ້ວ ພວກເຂົາກໍ່ໄດ້ໄປນັ່ງກິນຕຳໝີ່ທີ່ຮ້ານອາຫານໃນໂຮງຮຽນ ໃນຂະນະທີ່ພວກເຂົາກຳລັງກິນ ໂຕ້ໄດ້ເອີ່ຍປາກຂອບໃຈຕຸ່ນສຳລັບຂອງຂັວນ ແລ້ວຕຸ່ນກໍ່ຍິ້ມ ແລະ ຖາມໄປວ່າ: ສົບໝອນໃສ່ໝອນພໍດີບໍ່, ໂຕ້ກໍ່ຕອບຕວະໄປວ່າ: ພໍດີ! ພໍດີເລີຍ! ສົບໝອນນັ້ນເພິ່ນເປັນຄົນເຮັດເອງຫວະ, ຕຸ່ນໄດ້ຍິ້ມແລ້ວຕອບໄປວ່າ: ແມ່ນແລ້ວ ເຂົາແຊ່ວເອງ ແລະ ກໍ່ປະກອບເອງທັງໝົດເລີຍ, ໂຕ້ເຮັດໜ້າຕະລຶງ: ໂຫ້!!! ເພິ່ນເກັ່ງເນາະ, ຕຸ່ນກໍ່ອາຍໆ ແລະ ຕອບໄປວ່າ: ບໍ່ເກັ່ງດອກ ເບົາໆ
ແລະ ແລ້ວວັນເວລາກໍ່ຜ່ານໄປຈົນຮອດວັນວາເລັນທາຍ ທີ່ໂຮງຮຽນເຕັມໄປດ້ວຍກິ່ນຂອງຄວາມຮັກເຊິ່ງມັນເປັນວັນທີ່ມີຄວາມສຸກຂອງຫຼາຍໆຄົນ ແລະ ທັງເປັນວັນທີ່ເຫງົາຂອງເຫຼົ່າບັນດາຄົນໂສດທັງຫຼາຍ ຕຸ່ນທີ່ນັ່ງໃນຫ້ອງກໍ່ຮູ້ສຶກເຫງົາ ແລະ ຮູ້ສຶກອິດສາເລັກໜ້ອຍທີ່ເຫັນໝູ່ຄົນອື່ນໄດ້ຮັບດອກໄມ້, ໄດ້ຮັບຕຸກກະຕາ ແລະ ອື່ນໆ ເຊິ່ງໂຕເອງ ເຂົ້ານົມຍັງບໍ່ທັນອົມກ້ອນດຽວກະໄດ້ຄືເຂົາ ໃນຂະນະທີ່ລາວກຳລັງນັ່ງເຫງົາຢູ່ນັ້ນໂຕ້ກໍ່ຍ່າງມາພ້ອມກັບດອກກຸຫຼາຍຂາວໜຶ່ງດອກດ້ວຍສີໜ້າຍີ້ມແຍ້ມເພື່ອຈະເອົາມາໃຫ້ຕຸ່ນ ແຕ່ແລ້ວມານກໍ່ມາພະຈົນ ເພາະເປົາໄດ້ຫອບຊໍ່ກຸຫຼາບສີແດງມາໃຫ້ຕຸ່ນຕັດໜ້າຕົນ ແລະ ເບິ່ງສີໜ້າທ່າທາງຕຸ່ນເໝືອນຈະພໍໃຈກັບຊໍ່ດອກກຸຫຼາບທີ່ໄດ້ຮັບ ຕຸ່ນໄດ້ກົ້ມໜ້າດົມດອກກຸຫຼາບທີ່ຫອມຫວນແລ້ວເງີຍໜ້າຂຶ້ນມາຍິ້ມໃສ່ເປົາ ແລະ ສາຍຕາຂອງລາວໄດ້ແນມເຫັນໂຕ້ທີ່ກຳລັງຈັບດອກກຸຫຼາບຢືນຄ້າງຢູ່ ຕຸ່ນໄດ້ຍີ້ມ ແລະ ຮ້ອງໃສ່ໂຕ້ ເພາະຄິດວ່າໂຕ້ຈະເອົາດອກກຸຫຼາບສີຂາວໃນມືມາໃຫ້ຕົນເອງ ແຕ່ໂຕ້ສຳພັດເອົາດອກກຸຫຼາຍໃຫ້ກັບກະຕ່າຍທີ່ກຳລັງຍ່າງຜ່ານມາ ແລະ ໂຕ້ກໍ່ຍ່າງອອກໄປຈາກຫ້ອງດ້ວຍຄວາມຜິດຫວັງ ສ່ວນກະຕ່າຍກໍ່ຮູ້ສຶກດີໃຈເພາະນີ້ແມ່ນດອກກຸຫຼາຍດອກທຳອິດທີ່ລາວໄດ້ຈາກຜູ້ຊາຍ ແລະ ລາວກໍ່ຄິດວ່າໂຕ້ມີໃຈໃຫ້ລາວ ສ່ວນຕຸ່ນແມ່ນງົງເລີຍໄດ້ແຕ່ອ້າງປາກຄ້າງບໍ່ຈັກແນວສິວ່າ
ເຊິ່ງນັບຕັ້ງແຕ່ວັນວາເລັນທາຍມາກະຕ່າຍກໍ່ເລີ່ມເຂົ້າມາມີບົດບາດໃນເລື່ອງນີ້ ເພາະລາວຄິດວ່າໂຕ້ມີໃຈໃຫ້ກັບລາວ ເຊິ່ງໂດຍປົກກະຕິແລ້ວລາວຄິດມາຕະຫຼອດວ່າ ໂຕ້ ເປັນຜູ້ຊາຍທີ່ລາວປື້ມກ່ວາຜູ້ຊາຍທຸກຄົນໃນຫ້ອງ ແຕ່ລາວກໍ່ບໍ່ກ້າຈະາະແດງຕົວວ່າສົນໃຈໂຕ້ ແຕ່ພໍລາວໄດ້ຮັບດອກກຸຫຼາບຈາກໂຕ້ໃນວັນວາເລັນທາຍ ລາວກໍ່ເດີນໜ້າເຂົ້າຫາໂຕ້ທັນທີໂດຍບໍ່ສົນໃຈກັບກະແສຂອງການຄົບກັນລະຫວ່າງຕຸ່ນກັບໂຕ້ເລີຍ ເຊິ່ງໃນແຕ່ລະມື້ ກະຕ່າຍມັກຊື້ຂະໜົມ, ນ້ຳມາໃຫ້ໂຕ້ກິນ ແລະ ມັກຊື້ນັ້ນຊື້ນີ້ມາໃຫ້ ແລະ ມັກມານັ່ງຫຼິ້ນນຳ ໄປທາງໃດກໍ່ຕາມໄປ ແລະ ຕອນກາງຄືນກໍ່ມັກໂທໄປຫຼິ້ນນຳໂຕ້ ແລະ ມັກໂທຂໍເພງນຳວິທະຍຸໃຫ້ໂຕ້ຟັງເປັນປະຈຳ ເຊິ່ງໂຕ້ເອງກໍ່ຮູ້ສຶກອຶດອັດກັບການກະທຳຂອງກະຕ່າຍທີ່ມີຕໍ່ຕົນ ທີ່ຈິງກະຕ່າຍກໍ່ເປັນຄົນດີ ແລະ ໜ້າຮັກຄົນໜຶ່ງ ເຊິ່ງຖ້າຄົບກັນແທ້ກໍ່ຄົບໄດ້ ແຕ່ຕອນນີ້ຫົວໃຈໂຕ້ມັນບໍ່ຫວ່າງແລ້ວ ຖ້າຈະເວົ້າຕັດໄຟແຕ່ຕົ້ນລົງລາວກໍ່ບໍ່ກ້າເວົ້າອອກໄປ ເພາະຢ້ານກະຕ່າຍເສຍໃຈ ແລະ ອີກຢ່າງໜຶ່ງໂຕ້ກໍ່ຢາກເຮັດໃສ່ນ້ອຍແນ່ ແຕ່ໂຕ້ກໍ່ເຮັດແບບໃກ້ຄວາມຫວັງສາວກະຕ່າຍແບບ 50% ຍາມຢູ່ໃກ້ໆຕຸ່ນລາວກໍ່ເຮັດຄືສົນໃຈກະຕ່າຍ ແຕ່ເວລາບໍ່ມີຕຸ່ນແລ້ວລາວກໍ່ແປ່ຽນເປັນຄົນລະຄົນຄືມີແຕ່ຄວາມເສີຍຊາໃສ່ກະຕ່າຍ ແຕ່ກະຕ່າຍກໍ່ສູ້ ເພື່ອຫວັງຈັກວັນໜຶ່ງລາວຈະໄດ້ຄວາມຮັກຈາກໂຕ້
ໜຶ່ງອາທິດກ່ອນຮອດວັນທີ 8 ມີນາ 2004 ທາງໂຮງຮຽນໄດ້ພານັກຮຽນບາງຈຳນວນໄປທັດສະນະສຶກສາທີ່ແຂວງຈຳປາສັກ…
ອ່ານຕໍ່ສະບັບຕໍ່ໄປ
ແຕ່ງໂດຍ: ປັອກເລັກ ລາວໂພສຕ໌