ອາເລັກຊານດ້າ ສາວງາມຫຼາກຫຼາຍຄວາມສາມາດ

ບັນເທີງ-ດາລາວັນນີ້ພວກເຮົາຈະມາເວົ້າເຖິງ ຊຸບເປີ້ສະຕຣາ ອີກຄົນໜຶ່ງຂອງວົງການບັນເທີງບ້ານເຮົາ ຫາກກ່າວເຖິງຊື່ສາວຄົນນີ້ແລ້ວຖ້າໃຜບໍ່ຮູ້ຈັກຖືວ່າເຊີຍສຸດໆ ນາງຄື ອາເລັກຊານດ້າ ທິດາວັນ ບຸນຊ່ວຍ ວັນນີ້ພວກເຮົາເລີຍມາອັບເດດເລື່ອງລາວຂອງນາງ ເພື່ອເຮັດໃຫ້ແຟນໆໄດ້ຫາຍຄິດຮອດ

ອາເລັກຊານດ້າ ຄວາມໂດ່ງດັງຂອງນາງບໍ່ພຽງຢູ່ພາຍໃນບ້ານເຮົາເທົ່ານັ້ນ ແຕ່ຍັງໂດ່ງດັງໃນປະເທດເພື່ອນບ້ານນຳອີກ (ປະເທດໄທ) ຖືວ່າເປັນດາລາລາວຄົນທຳອິດທີ່ໄປສ້າງຊື່ສຽງຢູ່ຕ່າງປະເທດໃນສາຂາບັນເທີງ ເຊິ່ງລະຄອນທີ່ເຮັດໃຫ້ນາງມີຊື່ສຽງໂດ່ງດັງເປັນທີ່ຮູ້ຈັກກັນທົ່ວບ້ານທົ່ວເມືອງ ແມ່ນເລື່ອງ ມົນຮັກຣິມຝັ່ງຂອງ

ຜົນງານຂອງສາວ ອາເລັກຊານດ້າ

ເພງທຳອິດທີ່ເຮັດໃຫ້ສາວອາເລັກຊານດ້າ ມີຊື່ສຽງໂດ່ງດັງ ແມ່ນເພງ ຄາລົມຮັກ ຄາລົມລວງ ເຊິ່ງຮ້ອງຄູ່ກັບ ປານ ດວງປະເສີດ ແລະ ຕໍ່ມານາງກໍ່ມີຜົນງານເພງອອກມາຫຼາຍເພງ, ທັງງານພຣີເຊັນເຕີໂຄສະນາຜະລິດແບຣນດັງໆຂອງລາວຫຼາຍແບຣນ ແລະ ນາງຍັງມີຜົນງານດ້ານລະຄອນ ແລະ ເພງ ຢູ່ປະເທດເພື່ອນບ້ານອີກດ່ວຍ

ປີ 2007 ລະຄອນ ເພງຮັກຣິມຝັ່ງ ທາງຊ່ອງ 7 ຮັບບົດ ເປັນຈຳປາ ສະແດງຄູ່ ເວຍ ສຸກົນລະວັດ
ປີ 2008 ເຣໄຣລູກສາວປ່າ ຊ່ອງ 7 ຮັບບົດເປັນ ເຣໄຣ ສະແດງຄູ່ ຊີ ສີວັດ
ປີ 2009 ຣະເບີດເທີດເທີງ (ຊິດຄອມ) ຊ່ອງ 5 (ຮັບເຊີນໃນຕອນ: ຄະລຶຫາດ ຄະລຶໂຫດ)
ປີ 2011 ຕະລົກ 6 ສາກ (ຊິດຄອມ) ຊ່ອງ 5 (ຮັບເຊີນ)
ປີ 2012 ເກັບຫອມອອມຮັກ ຊ່ອງ 7 ຮັບບົດເປັນ ສະຕາງ (ຮັບເຊີນໃນຕອນ ຖ່ານໄຟເກົ່າ, ໜອງບົວດີໝີ ຊັອບປິ້ງມໍ, ບໍ່ມີໃຜຜິດ…ຈົນເກີນອະໄພ)

ວັນນີ້ເຮົາມາເອົາໃຈແຟນຄລັບທີ່ຍັງຄິດຮອດສາວຄົນນີ້ດ້ວຍການອັບເດດຮູບພາບຂອງນາງໃນປັດຈຸບັນມາໃຫ້ເບິ່ງກັນ ຂໍບອກເລີຍວ່າ ຄວາມໜ້າຮັກສົດໃສຍັງຄົງຢູ່ ແຕ່ສິ່ງທີ່ເພີ່ມເຕີມຄືນາງງາມຂຶ້ນຢ່າງເຫັນໄດ້ຊັດ ຫາກໃຜຢາກຮູ້ກ່ຽວກັບການເຄື່ອນໄຫວຂອງນາງ ວ່າຕອນນີ້ນາງກຳລັງເຮັດຫຍັງຢູ່ແມ່ນ ສາມາດຕິດຕາມໄດ້ທີ່ ລາຍການ ໝ່ຳໂຊ ມື້ນີ້ທາງຊ່ອງ 23 ເວີກພອຍ ເວລາ 20:30ໂມງ